¹ Livi laSimakadze wemikhosi lefika kimi, latsi, ² ''Simakadze wemikhosi usho loku: nginenshisekelo ngeSiyoni kanye nelugcozi lolukhulu nenshisekelo ngaye nelulaka lolukhulu! ³ Simakadze wemikhosi usho loku: ngitawubuyela eSiyoni futsi ngiphile emkhatsini weJerusalema, ngoba iJerusalema itawubitwa Lidolobha Leliciniso bese intsaba yaSimakadze wemikhosi itawubitwa ngeNtsaba Lengcwele! ⁴ Simakadze wemikhosi usho loku: emadvodza lamadzala nebafati labadzala bayawuphindze futsi babe setitaladini tase Jerusalema, nawowonkhe umuntfu utodzinga ludvondvolo esandleni sakhe ngobe utobe sekakhulile. ⁵ Titaladi tatelidolobha titawugcwala bafana kanye nemantfombatana badlala kuto. ⁶ Simakadze wemikhosi usho loku: uma intfo ingabonakali emehlweni ensali ngalawo malanga, phindze futsi kungabonakali emehlweni? loko kushiwo nguSimakadze. ⁷ Simakadze wemikhosi usho loku: Buka, sengitawukhulula bantfu bami eveni langasemphumalanga kanye naseveni lenshonalanga! ⁸ Ngobe ngitobabuyisela emuva, bese bahlala emkhatsini weJerusalema, batawuphindze babe bantfu bami, mine ngitobese ngiba nguNkulunkulu wabo ngeliciniso kanye nekulunga! ⁹ Simakadze wemikhosi usho loku: wena lochubeka kuva lamagama lafanako labuya emlonyeni wemupholofethi' uma sisekelo sendlu yami sibekwa-lendlu yami, Simakadze wemikhosi: Cinisa tandla takho kute lelithempeli lakhiwe. ¹⁰ Ngoba ngaphambi kwalamalanga lawa kute tivuno letahlanganiswa ngumuntfu, bekute inzuzo yemuntfu noma yesilwane, futsi bekute kuthula etitseni kunoma ngubani lohambako noma lotako. Ngihlele wonkhe umuntfu kutsi avukele makhelwane wakhe. ¹¹ Kodvwa nyalo angeke kufane njenge malanga landlula, ngitawuba nensali yala bantfu- loku kushiwo nguSimakadze wemikhosi. ¹² Ngobe Inhlanyelo yekuthula itohlanyelwa; umvini lekhulako itawuniketwa titselo taso nemuhlaba utawuniketwa sivuno sawo; tibhakabhaka titawuniketa ematolo ato, ngoba ngitawenta lensali yalabantfu laba itfole tonkhe letintfo leti. ¹³ Ubesibonelo kuleletinye tive tesicalekiso, yindlu yakaJuda kanye nendlu ya Isirayeli. Ngako ke ngitawukhulula wena futsi utawuba sibusiso. Ungesabi; tandla tenu aticine! ¹⁴ Ngobe Simakadze wemikhosi usho loku: njengobe ngihlelile kwenta lokubi kuwe uma bokhokho bakho bachukuluta kukwata kwami- kusho Simakadze wemikhosi- futsi akajezisanga, ¹⁵ ngako phindze ngitawuhlela ngalamalanga lawa kwenta lokuhle futsi eJerusalema kanye nendlu yakaJuda! Ungesabi! ¹⁶ Leti nguletintfo lekumele utente: Khuluma liciniso,wonkhe umuntfu namakhelwane wakhe. Hlulela ngeliciniso,kulunga,kanye nekuthula emasangweni akho. ¹⁷ Ungahleli kwenta lokubi enhlitiyweni yakho kulomunye, futsi ungatsandzi tifungo temanga- ngoba leti nguletintfo lengititondzako- loku kushiwo nguSimakadze.'' ¹⁸ Lase livi laSimakadze wemikhosi lefika kimi, litsi,'' ¹⁹ Simakadze wemikhosi usho loku: lokutila kwalenyanga yesine,inyanga yesihlanu,inyanga yesikhombisa kanye nenyanga yelishumi kutawuba tikhatsi tekujabula,kutsakasa,kanye nemadzili enjabulo endlu yaka Juda! Ngako ke tsandza liciniso nekuthula! ²⁰ Simakadze wemikhosi usho loku: Bantfu batawuta futsi, nalabo labahlala emadolobheni lamanengi lahlukene. ²¹ Bahlali belidolobha linye batakuya kulelinye lidolobha batsi 'Asihambeni ngekushesha siyoncenga phambi kwaSimakadze sifune Simakadze wemikhosi! Tsine lucobolwetfu siyaya natsi. ²² 'Bantfu labanengi kanye netive letinkhulu titawuta titofuna Simakadze wemikhosi eJerusalema phindze bancenga bubele baSimakadze! ²³ Simakadze wemikhosi usho loku: ngalawo malanga emadvodza lalishumi lasuka kulolonkhe lulwimi nesive atawubamba umphetfo wengubo yakho atsi, Asambe nawe, ngobe sesivile kutsi Nkulunkulu unawe!'''