¹ Celani imvula kuSimakadze ngesikhatsi sentfwasa hlobo- Simakadze lowenta kudvuma- aphindze aphe timvula ensimini. ² Ngoba tithico tikhuluma emanga; labaphengulako baphengula emanga; bakhuluma emaphupho lakhohlisako baphindze baninikete indvundvuto lengekho, ngako bafana netimvu letindzindzako futsi bahlupheka ngenca yekutsi abanaye umelusi. ³ ''Intfukutselo yami itawuvutsela labelusi; labelusi- ngabe tiwewe-labaholi lengitawubajezisa. Simakadze wemabandla utawuvakashela umhlambi wakhe, indlu yakaJuda, futsi abente babe njelihhashi lemphi emphini! ⁴ KaJuda kuyawuchamuka litje lekusimisa indlu; kuye kutawuchamuka tikhonkhwane telithende; futsi kuye kutochamuka butjoki bemphi; kuye kuchamuke babusi babo ndzawonye. ⁵ Batawuba njengemachawe latawunyatsela titsa eludzakeni lwetitaladi tabo emphini; batawucala imphi, ngoba Simakadze unabo, futsi batawuh ngelihlazo tinkhweli temahhashi. ⁶ Ngitawucinisa indlu yakaJuda futsi ngiyisindzise indlu yaJosefa, ngitawubagcwalisa futsi ngibe nemusa kubo. Batawuba ngulabangatsi abalahlwanga, ngoba nginguSimakadze Nkulunkulu wabo, futsi ngitawuba phendvula. ⁷ Ngako ke Efrayimi utawuba njengelichawe, futsi tinhlitiyo tabo tijabule kungatsi teliwayini; bantfwana babo batawubona futsi bajabule. Tinhlitiyo tabo tijabule ngami! ⁸ Ngitawubashayela inkhwelo futsi ngibabutsele ndzawonye, ngoba ngitawubasindzisa, futsi batawuba bakhulu njengobe bebabakhulu. ⁹ Ngibahlanyele phakatsi kubantfu, kepha batangikhumbula emaveni lakhashane, ngako bona kanye nebantfwana babo batawuphila futsi babuye. ¹⁰ Ngitawubabuyisela lokulahlekile baseveni laseGibithe futsi ngibabutse eveni laseAsiriya. Ngitawubabuyisela eveni lakaGiliyadi futsi neleLebhanoni kuze kube bete indlu yekubagcina. ¹¹ Ngitawudzabula phakatsi kwelwandle lwetinhlupheko tabo; ngishaye emagagasi elwandle futsi ngomise kujula kwemfula iNayili. Bukhosi beAsiriya butawudzilitwa, futsi nebukhosi baseGibithe butawususwa kubo. ¹² Ngitawubacinisa kimi, futsi batawuhamba egameni lami- nguloku lokushiwo nguSimakadze.''