¹ Vulani emasango enu, Lebhanoni, kuze umlilo utawucedza imisedari! ² Khalani, tihlahla tesasyiphurese ngoba tihlahla temisedari tiwile! Lobekunemandla kushacisiwe! khalani, ma-okhi aseBhashani, ngoba lelihlatsi lebelicinile liwisiwe. ³ Baholi bashaya umkhulungwane ngoba inkatimulo yabo ibhubhisiwe. Kubhodla kwemabhubesi, nekufutseka kwemfula iJoridani ishacisiwe! ⁴ Naku lokushiwo nguSimakadze Nkulunkulu wami utsi, '' Njengemalusi loweluse umhlambi lolungiselwe kuhlatjwa! ⁵ (Labo labatitsengako bayatihlaba futsi abajeziswa, nalabo labatitsengisako batsi, akabusiswe Simakadze! sesicebile! ngoba labo lababukele baphatsi babo abalunaluvelo kuto.) ⁶ Ngako anginawuphindze ngibe neluvelo ngalensali yalelive!- nguloku lokushiwo nguSimakadze. Bonani! Sengitawugicitela wonkhe umuntfu esandleni samakhelwane wakhe futsi nasenkhosini yakhe, futsi ngibhubhise lelive futsi akekho lotanikhulula esandleni sabo.'' ⁷ Ngako ke ngase ngibangumalusi wemhlambi waleto letibekwe luphawu lekuhlatjwa, ngenca yebatsengisi bato. Ngatsatsa tindvuku letimbili; indvuku yekucala ngayibita ngekutsi ''nguSihawu'' futsi lelenye ngayibita ngekutsi ''Ngubunye.'' Ngalendlela ngalusa umhlambi. ⁸ Ngenyanga yinye ngababhubhisa labaholi labatsatfu. Angizange ngibabeketelele, futsi nabo banginyanya. ⁹ Ngase ngitsi kubanikati, '' Ngeke ngiphindze ngisebentele nine njengemelusi. Timvu letifako- asitiyekele tife; letimvu letibhubhiswako- atibhujiswe. Akutsi timvu letisele ngayinye tidle inyama yabomakhelwane bato.'' ¹⁰ Ngase ngitstsa indvuku yami ''Sihawu'' ngayephula kuze ngephule sivumelwano sami lengasenta netitukulwane tami. ¹¹ Ngalelo langa lesivumelwano lesaphulwa, futsi nalabo labahlukubeta timvu kanye nalabo bebangibhekile bayati kutsi Simakadze ukhulumile. ¹² Ngatsi kubo, '' nakubonakala kukuhle kini, bhadalani sikweleti sami, Naningakhoni, ningasikhokheli.'' Base bakala inkhokhelo yami- tinhlamvu letingemashumi lamatsatfu. ¹³ Simakadze wase utsi kimi, ''Faka lesiliva endzaweni yengcebo, yentsengo lenhle lesho lizinga lakho! ''Ngase ngitsatsa letinhlamvu letingemashumi lamatsatfu esiliva ngatifaka endlini yengcebo yaSimakadze. ¹⁴ Ngase ngephula lendvuku yesisbili, ''Bunye,'' ngaphula buhlobo emkhatsini waJuda na Israyeli. ¹⁵ Simakadze watsi kimi, '' phindza, utitsatsele letintfo talomelusi losilima, ¹⁶ ngako bona, sengitawuletsa umalusi kulelive. Yena ngeke abenendzaba yekunakekela letimvu letifako. Angeke atihluphe ngekufuna leto letilahlekile, nome aphilise leletikhubatekile. Angeke akhuluphalise timvu levele setikhuluphele, kepha utawudla inyama yetimvu letikhuluphalisiwe futsi aphindze aphule emasondvo ato ¹⁷ Maye kumalusi lolite loshiya timvu! Inkemba itawuphambana naye neliso lakhe langesekudla! Umkhono wakhe awushwabane futsi liso lakhe langasekudla lingasaboni!''