¹ Nali livi laSimakadze lelihatselene naIsrael - lesisimemetelo Sasimakadze lowendlale emazulu futsi wabeka sisekelo semhlaba, lowakhe umoya wemuntfu phakatsi kwakhe, ² '''Buka, ngitokwakha iJerusalema kutsi ibelitje leliwisa bonkhe labadvute nalo. kutawuba njalo nangaJuda ngesikhatsi kuliwa neJerusalema. ³ Ngalelo langa, Ngitawenta iJerusalema litje lelimatima kubobonkhe bantfu. Nome ngabe ngubani lowetama kuphakamisa lelitje utatilimata kakhulu, natotonkhe tive temhlaba titawuhlangana timelelane nalelidolobha. ⁴ Ngalelo langa-naku lokushiwo nguSimakadze-Ngitawushaya lonkhe lihhashi ngekuphambano kanye nemgibeli walo ngekusangana. Ngetulu kwendlu yakaJuda Ngitawuvula emehlo ami, kodvwa lonkhe lihhashi lemuntfu Ngitawulishaya ngekungaboni. ⁵ Ngako baholi bakaJuda batawutsi etinhlitiyweni tabo, 'takhamuti taseJerusalema tingemandla etfu ngenca yaSimakadze wemikhosi, Nkulunkulu wabo.' ⁶ Ngalelo langa ngitawukwenta baholi bakaJuda nje ngembhawula emkhatsini kwetinkhuni futsi njenge lilambu lelivutsako emkhatsini wenhlavu lemile, ngoba batawukudla bonkhe bantfu lababatungeletile ngesekudla futsi nangesencele. IJerusalema itawuphindze iphile endzaweni yayo.'' ⁷ Simakadze utawusindzisa emathende akaJuda kucala, kuze kutsi kuhlonipheka kwendlu yaDavide kanye nekuhlonipheka kwalabo labaphila eJerusalema bangabi bakhulu kunalabo bonkhe bakaJuda. ⁸ Ngalelo langa Simakadze utawubangumvikeli wetakha muti taseJerusalama, futsi ngalelo langa labolababutsakatsa emkhatsini wabo batawuba njengaDavide, ngesikhatsi indlu yaDavide itowufanana naNkulunkulu, nje ngengilozi yaSimakadze embikwabo. ⁹ Ngalelo langa ngitawucala kubhubhisa tonkhe letive letiphambana neJerusalema. ¹⁰ Kodvwa ngitawutfululela moya weluvelo newekucela endlini yaDavide netakhamuti taseJerusalema, kute batawubuka kimi, loyo labamgwaza. Bayawukungililela, njengalo lilela indvodzana lekuphela kwayo; bayawukhala kabuhlungu nje ngalabo labakhalela kufa kwelitubulo. ¹¹ Ngalelo langa kukhala kabuhlungu eJerusalema kutawuba njengekukhala eHadade Rimmoni endzaweni lecwatsekile yase Megiddo. ¹² Lelive litawulila, ngalunye lusendvo lutawuhlukana kulamanye. Lusendvo lwendlu yakaDavide lutawuhlukana futsi nebafati babo batawuhlukana nemadvodza. Lusendvo lwendlu yaNathani lutawuhlukana futsi nebafati babo batawuhlukana nemadvodza. ¹³ Lusendvo lwendlu yaLevi lutawuhlukana nebafati babo batawuhlukana emadvodzeni. Lusendvo lwemaShimeites lutawuhlukana nebafati babo batawuhlukana emadvodzeni. ¹⁴ Lonkhe lusendvo lwalawo masendvo lasele-ngalunye lusendvo lutawehlukana kanye nebafati batohluka emadvodzeni.''