¹ Yase lengilozi lebeyikhuluma nami yagucuka futsi yangivusa njengendvodza ivuswa ebutfongweni bayo. ² Watsi kimi, "Ubonani?,'' ngatsi. Ngibona lutsi lwesibane lesentiwe ngeligolide, lesinesitja ngetulu kwaso. Sinetibane letisikhombisa kuso kanye netibane letisikhombisa tetinhloko etulu kwesibane ngasinye. ³ Timbili tetihlahla temncumo eceleni kwato, lesinye ngesekudla kwaso lesitja futsi kulesinye ngesencele.'' ⁴ Ngako ngakhuluma futsi kulengilozi lebeyikhuluma nami. Ngatsi," Ngabe letintfo leti tisho kutsini, mphatsi wami? ⁵ Lengilozi lebeyikhuluma nami yaphendvula futsi yatsi kimi, "Uyati kutsi letintfo leti tisho kutsini? "Ngatsi, Cha, mphatsi.'' ⁶ Ngako watsi kimi, ''Leli livi la Simakadze ku Zerubhabheli: Hhayi ngebukhulu noma ngemandla, kepha ngamoya wami, kusho Simakadze wemikhosi. ⁷ Ungubani, ntsaba lenkhulu? Ngaphambi Zerubhabheli utawubabete lutfo, futsi utawuletsa lelitje lelisetulu amemetele 'Sibusiso! Sibusiso kuso!''' ⁸ Livi laSimakadze lefika kimi , latsi, ⁹ Letandla taZerubhabheli tibeke sisekelo salendlu lena futsi netandla takhe titawayiletsa ekuphelelisweni. "Ngako utawukwati kutsi Simakadze wemikhosi ungitfumele kuwe. ¹⁰ Ngubani loyekelele lelilanga letintfo letincane? Labantfu laba batawutfokota futsi batawubona intsambo yelitje esandleni saZerubhabheli. (Letibane letisikhombisa timehlo aSimakadze lahambahamba etikwe mhlaba wonkhe.) ¹¹ Ngase ngibuta lengilozi, ''Yini lemincumo yetihlahla letimbili lekeme esandleni sangesencele nesangesekudla kwalolutsi lwetibane?'' ¹² Ngaphindze futsi ngambuta yena," Ayini lamagala lamabili emncumo eceleni kwalamaphayiphi lamabili eligolide lelitfulula emafutsa kuwo? ¹³ Wabese watsi kimi, ''Awati yini kutsi loku yini?'' Ngatsi, ''Cha, mphatsi wami.'' ¹⁴ Ngako watsi, "Lawa ngemadvodzana emafutsa emncumo lamasha leme ngaphambi kwe Nkhosi emhlabeni wonkhe.''