¹ Wase Simakadze ungibonisa Joshuwa umphristi lomkhulu eme embikwengilozi yaSimakadze naSathane emengasesandleni sakhe sesekudla atewumsola ngesono. ² Lengelosi yaSimakadze yatsi kuSathane, "Mane Simakadze akwekhute wena, Sathane; Mane Simakadze, lokhetse iJerusalema, akwekhuta wena! Akusiso yini sikhuni lesikhishwe emlilweni?" ³ Joshuwa abegcokiswe tembatho letingcolile aseme embikwa lengozi. ⁴ Lengilosi yakhuluma yatsi kulabo labebeme embikwayo, ''Susani letembatfo letingcolile kuye." Wase utsi kuJoshuwa, "Buka! Ngente sono sakho sendlula kuwe futsi ngitakwembesa ngetembatfo letihlobile." ⁵ Ngase ngitsi, "Ngako mshuculeni ngemphahla lehlobile enhloko yakhe!" Ngako bashucula ngemphahla lehlobile enhloko yaJoshuwa base bamgcokisa ngetembatfo letihlobile, ngesikhatsi ingelozi yaSimakadze isemile. ⁶ Ngalokulandzelako lengelosi yaSimakadze yagcizelela lomyalo Joshuwa yatsi, ⁷ "Simakadze wemikhosi usho naku: Uma utawuhamba ngetindlela tami, futsi nangabe utogcina imiyalo yami, utawubese ubusa indlu yami bese ugadza tinkantolo tami, ngobe ngitakuvumela kutsi uhambe bese ubakulaba labema embikwami. ⁸ Lalela, Joshuwa umphristi lomkhulu, wena nebantfu losebentisana nabo labahlala nawe! ngoba lamadvodza aluphawu, ngoba mine lucobolwami ngitawuletsela sisebenti sami Ligala. ⁹ Manje buka kulelitje lengilibeke embikwa Joshuwa. Kunemehlo lasikhombisa kulelitje lilinye, bese ngibeka umbhalo - loku kushiwo nguSimakadze wemikhosi - ngitawubese ngisusa lesono kulelive ngelilanga linye. ¹⁰ Ngalelo langa - loku ngulokushiwo nguSimakadze wemikhosi - umuntfu ngamunye utawumema makhelwane wakhe kutsi atowuhlala ngaphansi kwemvini wakhe nangephansi kwesihlahla semkhiwane wakhe."