¹ Ngalo kulandzekalo ngaphakamisela emehlo ami etulu ngabona indvodza iphetse intsambo yekukala esandleni sayo. ² Ngatsi, ''Uyaphi?'' Watsi kimi, ''Ngiyokala liJerusalema, ngihlukanise bukhulu nebudze balo.'' ³ Yase lengelozi leyakhuluma nami iyahamba bese lenye ingelozi iphumela ngephandle kuyo hlangana naye. ⁴ Lena yesibili ingelozi yatsi kuye, ''Gijima ukhulume nanali lijha utsi, 'iJerusalema itawuhlala eveni lelivulekile ngenca yesicuku sebantfu kanye nemfuyo ngekhatsi kwalo. ⁵ Ngoba mine- nguloku lokushiwo nguSimakadze-ngitawuba lubondza lwemlilo lelitungelete lona, futsi ngiyawuba yinkatimulo ekhatsi kulo. ⁶ Sukumani! Sukumani! Balekani eveni lase nyakatfo-nguloko lokushiwo ngu Simakadze- ngoba nginisakate njenge mimoya lemine yetibhakabhaka!- Nguloku lokushiwo ngu Simakadze. ⁷ Sukumani! nibalekele eSiyoni, nine lenihlala nendvodzakati yase Bhabhiloni!''' ⁸ Ngoba ngemuva kwekuba Simakadze wemikhosi angihloniphile wangitfumela etiveni letini vukele- noma ngabe ngubani lonitsintsako, utsintsa inhlavu yeliso laNkulunkulu!- ngemva kwekuba Simakadze ente loku, watsi, ⁹ ''Mine lucobo lwami ngitawu tsinsita sandla sami etukwabo, bata bese bavukelwa tigcila tabo.'' Lapho nitawubese niyati kutsi Simakadze wemikhosi ungitfumile. ¹⁰ ''Hlabelela injabulo, ndvodzakati yase Siyoni, ngoba mine lucobo lwami sengitawukuta ngihlale emkhatsisini wenu!- nguloku lokushiwo ngu Simakadze.'' ¹¹ Bese tive letinemandla titawu tihlanganisela ku Simakadze ngalelo langa. Utsi, ''laphoke nitawubese niba bantfu bami; ngobe ngitawubese ngihlala emkhatsini wenu,'' futsi nitawukwati kutsi Simakadze wemikhosi ungitfumele kini. ¹² Ngoba Simakadze utawu mukela Juda abe yindzawo yakhe lekahle endzaweni lengcwele phindze futsi akhetse iJerusalema ibe yakhe. ¹³ Bindzani, nonkhe nine bantfu, phambi kwaSimakadze, ngobe sewuphakanyisiwe endzaweni yakhe lengcwele!