¹ Ngenyanga yesiphohlongo emnyakeni wesibili wekubusisa kwaDarius, livi laSimakadze lefika kuZakhariya indvondzana yaBerechiah indvodzana yaIddo, umphrolofethi, litsi, ² ''Simakadze watfukutsela kakhulu ngabo babe bakho! ³ Tsani kubo, 'Simakadze weminkhosi usho loku: Gucukelani kimi!- lesi simemetelo saSimakadze wemikhosi- futsi ngitawubuyela kini, kusho Simakadze wemikhosi. ⁴ Ningabi njengabo babe benu labo baphrolofethi labakhalela kubo phambilini, batsi, ''Simakadze wemikhosi usho naku: Phendvukani etindleleni tenu letimbi kanye netento tenu tekungcola!'' Kodvwa abevanga futsi abanginakanga- lesi simemetelo saSimakadze.' ⁵ Bobabe bakho, baphi? Baphi baphrolofethi, balana phakadze yini? ⁶ Kepha emavi ami kanye nemiyalo yami lenginitjele yona tisebenti tami baphrolofethi, abakabeceleli yini bobabe benu? Ngako baphedvuka batsi, 'Nje ngoba Simakadze wemikhosi ahlelile kwenta kitsi loko netindlela tetfu netento tetfu tikufanele, ngako usekhutile.'' ⁷ Ngelilanga lemashumi lamabili nakune enyangeni yelishumi nakunye, lokuyinyanga yeShebathi, emnyakeni wesibili wekubusa kwaDarius, livi laSimakadze lefika kuZakhariya indvodzana yaBerechiah indvodzana yaIddo, umphrolofethi, litsi, ⁸ ''Ngibonile ebusuku, futsi, ngabuka! Umuntfu ahamba ngelihhashi lelibovu, futsi bekasemkhatsini wetihlahlana letincane letinemhlobiso letisesigodzini; futsi ngaphambi kwakhe bekubovu, bovu lokwasansundvu, nemahhashi lamhlophe.'' ⁹ Ngatsi, ''Yini letintfo leti, Nkhosi?'' Ngako lengilozi leyakhuluma nami yatsi kimi, ''Ngitakukhombisa kutsi letintfo leti tiyini.'' ¹⁰ Ngako lomuntfu lowema emkhatsini waletihlahlana letinemibala leminyenti waphendvula watsi, ''Laba ngulaba tfunywe nguSimakadze kutsi bahambahambe emhlabeni.'' ¹¹ Bayiphendvula lengilozi yaSimakadze leyema emkhatsini wetihlahlana letinemibala leminyenti lemihle; batsi kuyo, ''Besihambahamba emhlabeni wonkhe; buka, wonkhe umhlaba utfulile futsi uphumlile.'' ¹² Ngako ingilozi yaSimakadze yaphendvula yatsi, ''Simakadze wemikhosi kutoze kubekunini solo ungakhombisi luvelo kuJerusalema kanye nasema dolobheni aka Juda, lawo lobosolo uwakwatele leminyaka lengemashumi lesikhombisa?'' ¹³ Simakadze waphendvula kulengilozi lebeyikhulume nami, ngemagama lamahle, emagama ekudvudvuta. ¹⁴ Ngako lengilozi leyakhuma nami yatsi kimi, ''Memeta utsi, 'Simakadze wemikhosi usho naku: benginemona ngeJerusalema nangeSiyoni nesineke lesikhulu! ¹⁵ Ngikwate kakhulu ngaletive letinganaki. Ngesikhatsi ngibakwatele kancane, benta sehlakalo sabasibi kakhulu. ¹⁶ Ngako ke Simakadze wemikhosi usho naku: ngibuyele eJerusalema ngemusa. Indlu yami itokwakhiwa kuye- lesi sememetelo saSimakadze wemikhosi- futsi nentsambo yekukala itawunwetjwa ngaphandle kwe Jerusalema!' ¹⁷ Phindza umemete, utsi, 'Simakadze wemikhosi usho naku: emadolobha ami atawuphindze agelete ngalokuhle, futsi Simakadze utophindze advudvute iSiyoni, futsi utophindze akhetse iJerusalema.'' ¹⁸ Ngako ngaphakamisa emehlo ami ngabona timphondvo letine! ¹⁹ Ngakhuluma kulengilozi leyakhuluma nami, ''Yini loku?'' Yangiphendvula, ''Leti timphondvo letasakata Juda, Israyeli, kanye naJerusalema.'' ²⁰ Ngako Simakadze wangikhombisa bantfu lababatako labane. ²¹ Ngatsi, ''Yini labantfu labatela kutoyenta?'' Waphendvula, watsi, ''Leti timphondvo letasakata Juda kute kubebete umuntfu lotawuphakamisa inhloko. Kodvwa lababati betigondvo betele kutobasabisa, kuto khiphela phansi letimphondvo taletive letaphakamisela etulu kumelana nelive laka Juda kukhona batomsakata.''