¹ Ngabese ngiyagucuka ngiphakamisa emehlo ami, futsi ngabona, buka, incwadzi legocwako indiza! ² Lengilozi yatsi kimi, ''Ubonani?'' Ngaphendvula, ''Ngibona incwadzi legocwako indiza, budze bayo babucishe bube ngangemamitha layimfica, nebududla lobungangemamitha lamane.'' ³ Wase utsi kimi, ''Lesi sicalekiso lesiphumela ngetulu kwawo wonkhe umhlaba. Ngoba lonkhe lisela litawususwa mayelana nalelikushoko ehlangotsini linye, futsi wonkhe lofunga sifungo lesingemanga utawususwa mayelana nalakushoko kulolunye luhlangotsi. ⁴ ''Ngitawusitfumela - lesi simemetelo sa Simakadze wemikhosi - kute sitawungena endlini yelisela nasendlini yaloyo lofunga ngalokubi ngeligama lami. Sitawuhlala sisendlini yakhe sibhubhise tingodvo nematje.'' ⁵ Yabese lengilozi beyikhuluma nami iyaphuma yatsi kimi, ''Phakamisa emehlo akho ubese uyabuka kutsi yini letako!'' ⁶ Ngatsi, ''Leli libhasikidi lelinesilinganiso lesingange malitha langemashumi lamabili nakubili letako. Lesi sono sabo eveni lonkhe.'' ⁷ Sase lesimbhonyo siyasuswa kulelibhasikidi futsi bekunemfati ngephansi kwaso ahleti kulo! ⁸ Lengilozi yatsi, ''Loku bubi!'' Yamjika wabuyela ekatsi ebhasikidini, phindze wabuyisela lesimbhonyo. ⁹ Ngaphakamisa emehlo ami ngabona bafati lababili beta ngakimi, futsi umoya wawusemaphikweni tabo - ngoba bebanemaphiko lafana newadvoye. Baphakamisela lelibhasikidi emkhatsini welizulu nemhlaba. ¹⁰ Ngako ngatsi kulengilozi lebeyikhuluma nami, ''Baliyisaphi lelibhasikidi?'' ¹¹ Watsi kimi, ''Kuyolakhela lithempeli eveni lase Shinar, kute kutsi uma lelithempeli selilungele, lelibhasikidi litawubekwa khona endzaweni yalo lelungisiwe.''