¹ Ngitsi, Nyalo lalela, nine baholi baJakobe kanye nebabusi yendlu ya Izirayeli: Akusiko yini lokuhle kutsi ucondzisise temtsetfo? ² Wena lowenyanya lokuhle bese utsandza lokubi, wena lodzabula sikhumba sabo, inyama ematsanjeni abo- ³ wena lophindze udle inyama yebantfu bami ubadzabula sikhumba sabo, uphule ematsambo abo uphindze ubacobe babe ticucu, njengenyama ebhodweni lelikhulu, ⁴ Bese nine babusi nitawukhala kuSimakadze, kepha angeke akuphendvule. utawukufihla buso bakhe kini ngaleso sikhatsi, ngoba nente tento letimbi.'' ⁵ Simakadze usho loku, ''ngalabaprofethi labahola bantfu bami ngekubadukisa, uma umuntfu abanika intfo yekudla, bamemetela,' kutsula.' kodvwa nakangafaki lutfo emlonyeni wabo, batinikelela bona kususa imphi kuye. ⁶ Ngako ke, kutawuba busuku bakho lobute sibonakaliso sakho; kutawuba mnyama khona ungetowuphengula. Lilanga litawushobela phansi kuba profethi, bese lelilanga liba mnyama kubo. ⁷ Baprofetsi batawubekwa emahlazweni, bese baphenguli batawudideka. Bonkhe batawuvala tindzebe tabo, ngoba kute imphendvulo kimi.'' ⁸ Kodvwa ngami, ngigcwaliswe ngemandla ngemoya waSimakadze, futsi ngigcwele bulungiswa nebukhulu, ngitawukhuluma kuJakobe ngetiphambeko takhe naku Izirayeli tono takhe. ⁹ Manje lalela naku, nine baholi bendlu ya Jakobe, nebabusi bendlu ya Izirayeli, nine lenizonda bulungiswa, nonakalisa yonkhe intfo lelungile. ¹⁰ Wena wakha Siyoni ngengati kanye neJerusalema ngesono. ¹¹ Baholi benu bahlulela kufumbatsiswa, baphilisti benu bafundzisela linani kanye nebaprofethi benu bahlola ngemali. kodwa kwamanje nitsembela kuSimakadze bese nitsi, ''Simakadze akekho yini natsi? Kute bubi lobutawukuta kutsi.'' ¹² Ngako ke, ngenca yakho, Siyoni sitawuba yinsimu leguculiwe, Jerusalema utawuba yindvundvuma lephihlitiwe, bese intsatjana yelitsempheli litawuba lihlatsi.