¹ Maye kulabo labahlela lokubi, kulabo labacanga kwenta lokubi emibhedzeni yabo. Ekuseni kusa bayakwenta ngobe banemandla. ² Balangatelel emasimu base bayawatsatsa; bahawukela tindlu bese bayatitsatsa. Bacindzetela indvodza kanye nendlu yakhe, indvodza kanye nelifa layo. ³ Ngako ke Simakadze usho naku, ''Buka, sengitoletsa kubhubhisa kulelusentfo leli, lapho ningeke nikhone kususa tintsamo tenu. Angeke ukhone kuhamba ngekutitjela, ngoba kutobe kusikhatsi sebubi. ⁴ Ngalelo langa bantfu batohlabelela ingoma ngawe, balile sililo lesikhulu. Batohlabelela, 'Tsine maIsrayeli sesibhidlitwe saphela; Simakadze washintja indzawo yebantfu bami Angayisusa njani lakimi? wehlukanise emasimu waniketa labo labasijikele!'' ⁵ Ngako ke,bantfu labacebile notobate titukulwane letitawuhlukanisa indzawo ngeticheme ebukhoneni kwaSimakadze. ⁶ ''Batsi, ''ungapholofethi''. ''kumele bangapholofethi ngaletintfo leti; kuhlaza makungenteki.'' ⁷ kufanelwe yin kushiwo, indlu yaJakobe,''umoya waSimakadze ukwatile yini? Ngabe tento takhe mbamba yini? Angifuni emavi ami ente lokuhle kunobe ngabani lohamba ngekucondza? ⁸ Muva nje bantfu bami sebavuke njenge sitsa. nikhumula ingubo, lemphahla, kulabo labendlula bangakagadvwa, Emasotja asabuya emphini aya lapho acabanga kutsi kuphephe khona. ⁹ Nicosha bantfu labasikati bebantfu bami etindlini tabo letimnandzi; nitsatsa tibusiso tami ebantfwaneni babo labancane inguna phakadze. ¹⁰ Sukuma uhambe, leli akusilo indzawo longahlala kuyo, ngenca yekungahlanteki kwayo; ibhubhiswe nekubhidlitwa lokuphelelef. ¹¹ Uma umuntfu eta kuwe ngemoya wemanga nemanga atsi, '''ngitokupholofethela ngeluwayini nesinatfo lesicinile,''angatsatfwa njengemupholofethi kulabantfu. ¹² Ngiyawunihlanganisa nonkhe, Jakobe. ngitawuhlanganisa insalela yaka Israyeli. Ngitobahlanganisa ndzawonye njenge mhlambi wetimvu, njengemhlambi wetimvu emkhatsini welidlelo. kutawuba nemsindvo lomkhulu ngenca yesicuku sebantfu. ¹³ Umuntfu lobulalako uvula indlela yabo bese uyachubeka. Babese babulala ligede bese baphumela ngephandle; iNkhosi yabo yendlula phambi kwabo.Simakadze utaba senhloko yabo.