¹ Leli livi laSimakadze leleta kuMikha waseMoreshethi emalangeni aJothamu, Ahazi, naHezekiya, tikhosi takaJuda, latibona mayelana neSamariya neJerusalema. ² Lalela, ninenonke bantfu betitive. Lalela, mhlaba, nako konkhe lokukuwe. Yekela iNkhosi Simakadze ibengufakazi ngawe, LeNkhosi ethempelini layo lelingwele. ³ Buka, Simakadze aphuma endlini yakhe; utokwehlela phansi futsi acondze etindzaweni letiphakame temhlaba. ⁴ Letintsaba titawuncibilika ngaphansi kwakhe; tigodzi titohlukana emkhatsini, njengemafutsa embikwemlilo, njengemanti lacitselwa phansi endzaweni leyehlelako. ⁵ Konkhe loku kungenca yetiphambuko taJakobe, nangenca yetono tendlu yakaIsrayeli. Yini tiphambuko taJakobe? Akusiye yini Samariya? Yini indzawo lephakeme yakaJuda? Akusiyo iJerusalema? ⁶ Ngitawukwenta Samariya indvundvuma yemonakalo ensimini, indzawo yekuhlanyela umvini, futsi ngitotsela ematje akhe phansi elidvongeni besengembula tisekelo takhe. ⁷ Tonkhe tintfo takhe letibatiwe titophuka tibetincentu, natotonkhe tipho takhe latemukela titoshiswa ngemlilo, futsi ngitobhidlita tonkhe tithico takhe. Njengobe ahlanganise tipho takhe emholweni wetingwadla, batokuba yimiholo yetingwandla futsi." ⁸ Ngalesi sizatfu ngitokhala ngilile; ngitohamba ngetinyawo futsi ngingcunu; Ngitolila njengabojakalazi ngikhale njengetahhukulu. ⁹ Ngobe silondza sakhe singalapheki, ngoba sekutile kuJuda. Selifike esangweni lebantfu bami, eJerusalema. ¹⁰ Ungasho ngato eGathi; ningakhali nhlobo. eBhethi Leyafra ngitawutigicita elutfulini. ¹¹ Ndlulani, bahlali baseShafiri, ngebungcunu nangelihlazo. Bahlali babeSenani ningaphumeli ngaphandle. Bhethi Eseli uyalila, ngoba kuvikeleka kwabo utsatsiwe kubo. ¹² Ngobabahlali baseMarothi balindza ngekubeketela tindzaba tetimnandzi, ngoba umonakalo wehlele phansi uvela kuuSimadze uyemasangweni aJerusalema. ¹³ Bophelani tincola ecembini lemahhashi, bahlali baseLakhishi. Nine, Lakhishi, nabasicalo sesono sendvodzakati yaseSiyoni, ngobe letiphambuko takaIsrayeli tatfolakala kini. ¹⁴ Ngako nitawunika sipho sekuhamba iMoreshethi Gathi; lelidolobha lase Akzibi litophoca emakhosi akaIsrayeli. ¹⁵ Ngitawuphindze ngiletse umncobi kini, bahlali baseMaresha; lobukhulu bakaIsrayeli butokuta e-Adulamu. ¹⁶ Hhulani tinhloko tenu futsi nijube tinwele tenu nentele labantwana lenijabulako kibo. Tenteni nibenemphandla njengelukhozi, kubantwana benu labatawuhamba kini.