¹ Kodvwa ngemalanga ekugcina itawukuta kutsi intsaba yendlu yakaSimakadze itawukwakhiwa kwendlula tintsaba letinye. Titawuphakanyiswa ngetulu kwentsanyana, nebantfu batawukuya kuyo. ² Tive letinyenti titawukuya futsi titsi, ''Kotani, mane sihambele entsabeni yaSimakadze, endlini yaNkulunkulu waJakobe. Utawusifundzisa indlela yakhe, sitawuhamba endleleni yakhe'' Ngoba umtsetfo weSiyoni utawuphuma, nelivi laSimakadze eJerusalema. ³ Utawuhlulela emkhatsini webantfu futsi utawuncuma ngalokungabaleki emaveni lakhashane. Batawushaya tinkemba tabo emakhubeni netikhali tabomtibe tikelo tekujuba emagala. Sive singeke siphakamise etulu inkemba imelane nesive, noma ticeceshelwe imphi . ⁴ Kunaloku, batayawuhla kuwowonkhe umuntfu ngephansi kwesihlahla sakhe semagelebisi nangephansi kwesihlahla sakhe semkhiwana. Kute namunye latawubenta besabe, ngoba umlomo waSimakadze wemikhosi sokhulumile . ⁵ Ngoba bonkhe bantfu bahamba, ngamunye nangamunye, ngeligama lankulunkulwana wabo. Kodvwa sitawuhamba ngeligama laSimakadze Nkulunkulu wetfu phakadze naphakadze. ⁶ "Ngalelolanga"- loku kushiwo nguSimakadze - '' Ngitawuhlanganisa tishosha ngilandze labahambile, labo lengibajezisile. ⁷ Ngitawugucula lesishosha kulabo labasele, nalabo labacoshelwe eveni lelinemandla, futsi mine, Simakadze, ngiyawubabusa endzaweni yaseSiyoni, manje naphakadze. ⁸ Njengawe, ncaba yekulondvolota umhlambi wami, intsaba yendvodzakati yema Siyoni---kuwe itawukuta, indlu yakho lendzala itawugcineka, nembuso lobhekene nendvodzakati yaseJerusalem. ⁹ Manje, umemetelani kakhulu kangaka? kute inkhosana emkhatsini wenu? Ufile umeluleki wenu? Ngulobuhlungu yini lobunenta nilile njengemfati aphetfwe ngumhelo? ¹⁰ Bani sebuhlungwini, futsi nemfati lofuna kubeleka, ndvodzakati yeSiyoni, njengemfati aphetfwe ngumhelo. Ngoba nyalo utawuphuma kulelidolobha, uhlale esigangeni, futsi uhambe uyeBhabhulona. Lapho utawusindziswa. Lapho Simakadze utawukusindzisa esandleni sesitsa sakho. ¹¹ Manje tive letinyenti setihlangene nekumelana nawe; titsi, ''Mane yena angcoliswe, mane emehlo etfu atfokotise eSiyoni.' ¹² Abayati imicabango yaSimakadze, noma bayaweva emasu akhe, ngoba ubalandzile bona njenge sicumbi semabele alungele endzaweni yekubhulela. ¹³ Vuka ugaye, ndvodzana yaseSiyoni, ngoba ngiyawukwenta liphondvo lakho libe letinsimbi, futsi ngiyawukwenta emasondvo abe elitfusi. Utawufihlita bantfu labanyenti futsi utawunikela umcebo lowungakawugadzi kuSimakadze, umcebo wabo ku Simakadze wemhlaba wonkhe.