¹ Nyalo nine bapristi, lomyalo lona wakho. ² ''Nangabe ungeke ulalele, nangabe ungeke ukufake enhlitiweni yakho kunika inhlonipho egameni lami,'' kusho Simakadze wemikhosi, ''ngitawubese ngitfumela sicalekiso kuwe, futsi ngitawucalekisa tibusiso takho. Ngempela, Sengibacalekisile, ngoba awuyifaki imiyalo yami enhlitiweni yakho. ³ Bona, Sengitatihlamula titukwalane takho, futsi ngitawugcwalisa ludzaka ebusweni benu, leludzaka lemikhosi yenu, futsi utakutsatsa kanye nako. ⁴ Utawukwati kutsi ngitfumele lomyalo kuwe, futsi nesivumelwano sami sitochubeka sibe naLevi,'' kusho Simakadze wemikhosi. ⁵ Sivumelwano sami naye besiyimphilo nekuthula, futsi ngabese ngiyabanika yena; Ngamunika kwesaba, futsi wangesaba, futsi wahlala ngekwesaba ligama lami. ⁶ Umtsetfo weliciniso bewusemlonyeni wakhe, futsi kute lokungemanga lokwatfolakala etindzebeni takhe. Wahamba nami ngekuthula nekungiphakamisa futsi wajikela lokunengi esonweni. ⁷ Ngobe tindzebe tempristi tiwawugcina lwati bese bantfu bafuna lwati emlonyeni yabo, ngoba usitfunywa saSimakadze wemikhosi. ⁸ Ngoba ushintje indlela yeliciniso. Wente labanyenti bawgileka ngenhlonipho kulomtsetfo. Uphule sivumelwano saLevi," kusho Simakadze wemikhosi. ⁹ Ngako-ke, ngitanenta nibukeleke ngephansi ningenalutfo ngaphambi kwabo bonkhe bantfu, ngoba anikatigcini tindlela tami, kodvwa esikhundleni nikhombise kungapheleli mayelana nalomyalo,'' ¹⁰ Kute namunye longu babe wetfu sonkhe? Kute namunye Nkulunkulu lowasidala? Kungani site kukholwa mayelana nemnakabo, kungahloniphi sivumelwano sabobabe betfu? ¹¹ Juda abete kukholwa. Intfo lenyanyisako yentiwe kaIsrayeli naseJerusalema. Ngobe Juda akayihloniphanga indzawo lengcwele ya Simakadze layitsandzako, futsi washada indvodzakati yankulunkulwana wekuhamba. ¹² Shengatsi Simakadze angajuba kusukela emathendeni aJakobe lendvodza leyenta loku, lona lowavuka naloyo lowaphendvula, noma ngabe uletsa umnikelo ku Simakadze wemikhosi. ¹³ Nawe yenta loku: Nawe vala lilathi laSimakadze ngetinyembeti, ngekukhala nangekulila, futsi solo akagucukeli ekunikeleni nona akumukele ngebubele esandleni sakho. ¹⁴ Kodwa utsi, ''Akenti ngani?'' Ngobe Simakadze abengufakazi emkhatsini wakho nemfati webusha bakho, amelane naloyo lote kukholwa, noma ngabe bekangumphekeleteli wakho nemfati wakho wesivumelwano. ¹⁵ Akazange abente babe munye, ngencenye yemoya wakhe? Wanentelani naba munye? Ngoba bekafuna umtfwana kuNkulunkulu. Tinakeni nine emimoyeni yenu, ungabi ngulotsembekile ebusheni bemfati wakho. ¹⁶ ''Ngobe angikutsandzi kwehlukanisa,'' kusho Simakadze Nkulunkulu wema Israyeli, ''loyo lowambhonya ingubo yakhe ngeludlame,''kusho Simakadze wemikhosi. ''Ngako tinakeni nine emoyeni yenu futsi ungawi ekukholweni.'' ¹⁷ Ukhatsalise Simakadze ngemavi akho. Kodvwa utse, ''Sikukhatsalise ngani?'' Ngekutsi, ''Wonkhe umuntfo lowenta lokubi kuhle emehlweni aSimakadze, wajabula kubo,'' noma ''ukuphi Nkulunkulu wemitsetfo?''