¹ Buka, Sengisedvute nekutfumela sitfunywa sami, futsi utolungisa indlela ngephambikwami. Bese Inkhosi, lena leniyifunako, itobese iyeta ethempelini layo. Lesitfunywa salesivumelwano lenisijabulelako, buka, sitawufika," kusho Simakadze wemabandla. ² Kodvwa ngubani lotokhona kumelela lelilanga lekubuya kwakhe? Ngubani lotokhona kuma uma avela? Ngoba utawube afana nemlilo locutfulako futsi njengensipho yekuwasha. ³ Utohlala njengengemcolisi nemuhlanti wesiliva, futsi utohlanta emadvodzana aseLevi. Utobacolisa njengeligolide nesiliva, futsi batawuletsa iminikelo yekulunga kuSimakadze. ⁴ Bese lomnikelo wakaJuda naseJerusalema utobe ujabulisa kuSimakadze, njengasemalangeni lamadzala, naseminyakeni yasendvulo. ⁵ Ngitobese ngita kini kutonehlulela. Ngekuphutfuma ngitobese ngiba ngufakazi ngimelelane nebatsakatsi, tiphingi, bofakazi bemanga, nalabo labacindzetela sisebenti lesicashiwe ngemiholo, labo labacindzetela umfelokati, kanye netintsandzane, ngitomelelana nalabo labajikisa tihambi, futsi ngimelelane nalabo labangihloniphi mine," kusho Simakadze wemabandla. ⁶ Ngoba mine, Simakadze, angikagucuki; ngakoke nine titukulawe taJakobe, anikefiki esiphetfweni. ⁷ Kusukela emalangeni abobabe benu nigucukile emigomeni yami futsi nangayigcini. buyani kimi, futsi nami ngitobuya kini, "Kusho Simakdze wemabandla. "Kodvwa nitsi, 'sitawubuya kanjani?' ⁸ Kungenteka yini umuntfu ebele Nkulukunkulu? Lapho nine niyangebela. Kodvwa nitsi, 'Sikwebele kanjani?' Etinshumini naseminikelweni. ⁹ Nicalekisiwe ngesicalekiso, ngoba niyangebela, sive sonkhe. ¹⁰ Buyisa konkhe kweshumi endlini yekugcina tintfo, kute kutawuba nekudla endlini yami, futsi ungilinge nyalo ngaloku,'' kusho Simakadze wemabandla, ''Uma ngabe ngingavuli kuwe lamafasitelo elizulu bese ngehlisa sibusiso kuwe, kute kubebete sikhala sako konkhe. ¹¹ Ngitawukhuluma ngimelelane nalabo lababulala lokuhlanyelwe, kute bangasibulali sivuno sendzawo yakho. Emagilebisi akho emasimini angeke kulahlekelwe titselo tawo,'' kusho Simakadze wemabandla. ¹² ''Tonkhe tive titawukubita ngalobusisekile, ngoba wena utawuba yindzawo yenjabulo,'' kusho Simakadze wemabandla. ¹³ Emagama akho lamelelane nami abe ngulacinile,'' kusho Simakadze. ''Kodvwa utsi, 'Sitsiteni emkhatsini wetfu simelelane nawe?' ¹⁴ Utsite, 'akunamsebenti kumkhonta Nkulunkulu. Yinzuzo yini lesiyigcinile etidzingweni noma ekuhambeni ngelusizi phambi kwaSimakadze wemabandla? ¹⁵ Ngako ke nyalo sibita labatitjelako ngalababusisiwe. Toni atiphumeleli kuphela, kodvwa tiphindze tilinge Nkulunkulu bese tiyabaleka.''' ¹⁶ Base labo labesaba Simakadze bakhulumisana ngamunye ngamunye. Simakadze wanaka futsi walela, nencwadzi yesikhumbulo yabhalwa embikwakhe ngalabo labebesaba Simakadze futsi bahlonipha ligama lakhe. ¹⁷ Bayawuba bami, ''kusho Simakadze wemabandla, ''bami labatsandzekako, ngalelilanga lengitokwenta ngalo. Ngitoba vela, njenge ndvodza ivela indvodzana yayo lemusebentelako. ¹⁸ Bese futsi utohlukanisa emkhatsini wekulunga nekukhohlakala, emkhatsini walodvumisa Nkulunkulu nalongamdvumisi Nkulunkulu