¹ Simemetelo selivi laSimakadze lefika ku-ISrayeli ngesandla sa Malakhi. ² ''Nginitsandzile,'' kusho Simakadze. Kodvwa nitsi,'' usitsandze kanjani ?'' abengasuye yini Esawu umnakabo Jakobe?'''kusho Simakadze. '' Noko ngimtsandzile Jakobe, ³ kodvwa Esawu ngamnyanya. Ngente tintsaba takhe taba lugadvwule, ngente lifa lakhe indzawo yabojakalazi base hlane.'' ⁴ Nangabe Edomu atsi, "sishayelwe phansi, kodvwa sitawu kwakha kabusha lokubhidlitiwe,'' Simakadze wemikhosi utawutsi,'' bangakha kabusha kodvwa ngitawubhidlitela phansi futsi. Labanye batababita live lenkhohlakalo' phindze lesive Simakadze lasicalekise ingunaphakadze.' ⁵ Emehlo akho atakubona loku, phindze utawutsi ' mukhulu Simakadze kuze kwendlulele nangesheya kwemincele yaka ISrayeli.'' ⁶ Indvodza ihlonipha uyise, nesisebenti sihlonipha umphatsi waso. Nangabe, ke, nginguyise, iphi inhlonipho yami? Nangabe ngingumphatsi, aningihlaniphi ngani?'' kusho Simakadze wemikhosi kininine baphristi, labadzelela libito lami. ''Kepha nitsi, 'Silidzelele njani libito lakho?' ⁷ Ngekunikela sinkhwa lesingcolisiwe e althali lami. Kepha utsi, 'Sikungcolise njani wena?' Ngekutsi nitsi litafula laSimakadze liyenyanyeka . ⁸ Uma unikela tilwane letingaboni njenge mnikelo, akusiyo yini leyo inkhohlakalo? Nawinukela silwane lesichutako nalesigulako, akusiko yini leyo inkhohlakalo? Nikela loko kumongameli wakho! Utakwemukela yini wena noma utawuphakamisa buso bakho? ''kusho Simakadze wemikhosi. ⁹ Nyalo uhlala ubuta buso baNkulunkulu, khona atobanebubele kitsi. Kepha Simakadze wemikhosi usho loko ngemnikelo losesandleni sakho, utawuphakamisa yini noma ngubuphi buso benu? ¹⁰ ''Awu, kube mane bekukhona munye wenu longavala emagede elithempeli, khona ungatokhanyisa umlilo e althari lami niwubasele lite! Angijabuli ngani,'' kusho Simakadze wemikhosi, ''futsi angeke ngiwemukele nome ngangumuphi umnikelo lobuya esandleni sakho. ¹¹ Kusukela ekuphumeni kwelilanga kuya ekuhleleni libito lami kutsi libe ngulelikhulu etiveni nakuyo yonkhe indzawo yemphepho futsi nemnikelo locotfo utawunikelwa egameni lami. Ngobe ligama lami litaba likhulu etiveni,'' kusho Simakadze wemikhosi. ¹² ''Kepha uyalihlambalata uma utsi litafula lenkhosi lingcolile, futsi netitselo talo, kudla kwalo, kutawunyanywa. ¹³ Uphindze utsi, 'Kucansulana njani loku, 'futsi uyayihonela,'' kusho Simakadze wemikhosi. ''Uletsa lobekutsetfwe tilwane tasendle noma letichutako nome letigulako; futsi loku ukuletsa njenge mnikelo wakho. Ngingakwemukela yini loku esandleni sakho?'' kusho Simakadze. ¹⁴ ''Akacalekiswe umkhohlakali lone silwane lesidvuna emhlambini wakhe bese ufunga kusinika mine, kepha ente umhlatjelo kimi, Nkulunkulu, yini sici! Ngoba ngiyinkhosi lenkhulu,'' kusho Simakadze wemikhosi, ''futsi libito lami litawuhlonishwa etiveni.''