¹ Kubemane inhloko yami ingakhicita emanti, futsi nemehlo ami abe ngumtfombo wetinyembeti! Ngiyafisa kulila lilanga nebusuku labo labasemkhatsini wendvodzakati yebantfu bami lababulewe. ² Nakungamane kube khona umuntfu longanginika indzawo yetihambi ehlane kutewuhlala, lapho ngingaya khona kuyolahla bantfu ami. Nangingamane ngibashiye, njengoba bonkhe batiphingi, sicuku sebatsengisi! ³ Simakadze uyasho,'' Bahlala etindishini temanga abo nemalwimi abo, kodvwa bekungasiko kungetsembeki kwabo kwekukhula kwemandla emhlabeni. Bahamba kusuka ekwenteni sinye sekukhohlakala kuya kulesinye. Abangati mine.'' ⁴ Munye wenu, naka makhelwane wakho futsi ungetsembi nomangumuphi umfowenu. Ngobe wonkhe umnakenu ungumkhohlisi, futsi wonkhe makhelwane uhamab ngekusola lite. ⁵ Indvodza ngayinye ichwenswa makhelwane wwakhe futsi akakhulumi liciniso. Emalwimi abo afundzisa tintfo letikhohlakele. Akhatsele kusuka ekutinikeleni esonweni. ⁶ Kuhlala kwakho kusemkhatsini kwebakhohlisi; ebukhoneni babo bayala kungemukela mine-lena miyalo yeNkhosi Simakadze.'' ⁷ Simakadze weludvumo usho naku,'' buka, Ngisetaba gucula ngibahlolisise, nobe ngabe yini lengingayenta, ngenca yetintfo bantfu bami labatentile? ⁸ Emalwimi abo atikhali leticijile; akhuluma tintfo letingetsembeki. Ngemilomo yato bakhuluma kuthula nabomakhelwane babo, kodvwa ngetinhlitiyo tabo bacala emanga ekubameleni bona. ⁹ Kumele ngingaba jezisi yini ngenca yaleti tintfo-lona ngumyalo wa Simakadze- futsi kumele ngingatiphindziseli yini esiveni lesifana nalesi? ¹⁰ Ngitawuhlabela ingoma yekulila neyekudzindza sililo yaletintsaba, nengoma yemngcwabo iyawuhlatjelelwa emadlelo. Ngoba sekabhujisiwe futsi kute longengca kuwo, nekubhonsa kwetinkhomo akuvakali. Tinyoni tesibhakabhaka netilwane tonkhe tibalekile. ¹¹ Ngako ngitawugucula iJerusalema ibe tincwaba temonakalo, indzawo yekubhaca bojakalazi. Ngitawenta emadolobha aka Judah tindzawo letonakele ngaphandle kwalabahlala kuwo.'' ¹² Ndvodza yini lehlakaniphe ngalokwenele kucondza loku? Kubani lo umlomo wa Simakadze akhulumile, futsi utawukusho? Kungani lendzawo ifile, futsi ibhujisiwe njenge lihlane lapho kute namunye longendlula? ¹³ Simakadze utsi, ''Kungoba balahle umtsetfo wami lengawubeka phambi kwabo, ngoba abalilaleli liphimbo lami noma bahambe ngalo. ¹⁴ Kungoba bahambe ngetindlela tetinhlitiyo tabo letilukhuni futsi balandzele bo Baal njengoba bobabe babo babafundzisa kutsi bente njalo. ¹⁵ Ngako ke Simakadze wemikhosi, Nkulunkulu wa Israeli, usho loku, 'Bona, sengitowenta labantfu laba badle sihlahla lesinebutsi futsi banatse emanti lanashevu. ¹⁶ Ngitobese ngibasakata emkhatsini wetive labangatange sebatati, ngisho bona futsi ngisho nabokhokho babo. Ngitawutfumela inkemba emvakwabo ngite ngibabhubhise ngalokuphelele.'' ¹⁷ Simakadze wemikhosi usho loku, ''Cabanga ngaloku: Bita labahlabela emingcwabeni; bavumele bete. Tfumela bantfu bayobita bomake labanelwati ekulileni; bavumele bete. ¹⁸ Abaphangise futsi bahlabele ingoma yekulila etikwetfu, khona emehlo etfu atogeleta tinyembeti netingobho tetfu tigelete emanti. ¹⁹ Ngoba umsindvo wekudzindza sililo uvakala e Zion, 'Kutsi sikhatsateke kanjani. Sihlazeke kakhulu, ngoba silahle lelive kusukela tindlu tetfu tibhujisiwe.' ²⁰ Ngako nine bafati, vanini livi la Simakadze; nakani imilayeto lephuma emlonyeni wakhe. Ubese ufundzisa emadvodzakati akho ingoma yesililo, futsi ngamunye umfati longumakhelwane akafundze ingoma yemngcwabo. ²¹ Ngoba kufa sekungene ngemafasitelo etfu; kuya etigodlweni tetfu. Kubhubhisa bantfwana kusuka ngephandle, nemajaha etindzaweni tekutsengisa. ²² Memetela naku, 'Lesi simemetelo sa Simakadze - tidvumbu temadvodza titawuwa njenge mcuba emasimini, futsi njenge mahlanga emvakwe bavuni, futsi kutababete lotawabutsisa.'' ²³ Simakadze usho naku, ''Ungavumeli umuntfu atikhukhumete ngekuhlakanipha kwakhe, noma lisotja emandleni alo. Ungavumeli umuntfu locebile atikhukhumete emnotfweni wakhe. ²⁴ Ngoba uma umuntfu atikhukhumeta nganobe yini, akube kuloku, kutsi uyakhona kubona futsi uyangati. Ngoba ngingu Simakadze, lowenta ngekwetsembeka kwesivumelwano, bucotfo bemtsetfo nekulunga emhlabeni. Ngoba kukuloku langitfokota khona - lesi simemetelo sa Simakadze. ²⁵ ''Buka, emalanga ayeta - lesi simemetelo sa Simakadze - uma ngitojezisa bonkhe labasokile labakanjalo emtimbeni wabo kuphela. ²⁶ Ngitawujezisa iEgypt na Judah, iEdom, bantfu base Ammon, iMoab, kanye nabo bonkhe bantfu labajuba tinwele etinhloko tabo tibe timfisha kakhulu. Ngoba tonkhe letive leti atikasoki, futsi yonkhe indlu yaka Israel inhlitiyo lengakasoki.''