¹ "Simakadze utsi: Ngaleto tikhatsi, ematsambo emakhosi newetindvuna takaJuda, nematsambo ebaphristi newebaphrofethi, nematsambo ebantfu baseJerusalema ayawususwa emadlizeni abo. ² Ayawukwenekwa elangeni, nasenyangeni, nakuto tonkhe tinkhanyeti tasemazulwini lababekutsandzile, bakusebentela, bakulandzela, bakufuna, bakukhotsamela. Akayiwubutfwa futsi akayiwungcwatjwa, kodvwa ayawuba njengemfucuta yetibi lelahlwe emhlabatsini. ³ Yonkhe indzawo lapho ngiyakuyicoshela khona lensali yalesive lesibi iyawucolela kufa kunekuphila, kusho Simakadze longu somandla. ⁴ "Khuluma kubo utsi: ‘Naku lokushiwo nguSimakadze, utsi: “ ‘Bantfu nabawa, bayaye bangabe basavuka yini? Umuntfu nakahlubuka, uyaye angabe asabuya yini? ⁵ Bahlubukeleni kepha labantfu? LiJerusalema lentiwa yini lokuhlubuka njalo nje? Banamatsela ekuyengweni, bala kubuya. ⁶ Ngibalalele kahle hle, kodvwa abakhulumi lokulungile. Kute namunye lophendvukako ebubini bakhe, atibute, atsi: “Ngenteni kantsi?” Ngulowo nalowo utihambela ngendlela yakhe njengelihhashi nalihlasela ekulweni. ⁷ Ngisho nagilonki esibhakabhakeni uyatati tikhatsi takhe letimisiwe, nelituba, nenkonjane, nadvoye, kuyatigcina tikhatsi tako tekuhamba, kodvwa sive sami asitati timiso taSimakadze. ⁸ Ningasho kanjani kutsi: "Sihlakaniphile tsine, ngobe sinemtsetfo waSimakadze," ibe kantsi lutsi lwemanga lwebabhali lukucobele phansi lokungemanga. ⁹ Labahlakaniphile bayawuhlazeka; bayawujabhiswa, babhajwe elugibeni. Njengobe balilahlile livi laSimakadze nje, banakuphi-ke kuhlakanipha? ¹⁰ Ngako-ke bafati babo ngibanikela kulamanye emadvodza, nemasimi abo ngiwanike labanye bantfu, kutsi abe ngewabo. Kusukela kulomncane kakhulu kuye kulomkhulukakhulu, bonkhe babogubhela kwesabo! Baphrofethi nebaphristi bayafanana, bonkhe bayayengana. ¹¹ Bapholise kudabuka kwabantfu bami kancane, batsi, "Kuthula, kuthula," nakungakukho kuthula. ¹² Ingabe babe nehlazo nakubetendza tintfo letinyanyisekayo? Bebangenehlazo; abakwati nekuba nekumemeta ngemahloni! Ngako bayakuwela nabawile; bayakutsikiswa nakusuka kugwetjwa, kusho Yahweh. ¹³ Ngitawubasusa ngokuphelele—liYahweh lesho—ngeke kube nemagelemu esihlahleni semagelemu, futsi ngeke kube nemakhiwa esihlahleni semakhiwa. Ngobe lifelete litawubuna, futsi loko lengibanike kona kutawudlula ¹⁴ Sihlaleleni kantsi lapha? Butsanani ndzawonye; asibalekeni siye emadolobheni labiyelwe, siyewufela khona. Ngobe Simakadze Nkulunkulu wetfu sewusimisele kutsi sibhubhe, wasinika emanti lanashevu kutsi siwanatse, ngobe sonile kuye. ¹⁵ Besetsembe kuthula, kodvwa kute lokuhle lokufikile, besetsembe sikhatsi sekuphiliswa, kwefika lokwesabisako kodvwa nje. ¹⁶ Kuthimula kwemahhashi etitsa kuyevakala kuvela kulakaDani, kukhala kwetinjomane tabo kutfutfumelisa lonkhe live. Tifikele kutawushwabudzela live nako konkhe lokukulo, lidolobha kanye nabo bonkhe labahlala kulo. ¹⁷ Buka-ke, ngitawutfumela tinyoka letinesihlungu lesibi emkhatsini wenu, tindlondlo letingeke titsetjulwe ngumuntfu. Titewuniluma kusho Simakadze. ¹⁸ Kute likhambi kulolusizi lwami, inhlitiyo yami iselusizini. ¹⁹ Lalelani! kukhala kwesive sami, sikhala eveni lelikhashane kakhulu, sitsi! Simakadze akekho yini eZiyoni? Kungabe iNkhosi yayo ayikho yini lapho? Bangi tfukutseliseleni ngaletitfombe tabo, ngaletithico tabo tebetive letingenamsebenti? ²⁰ Kuvuna sekwendlulile, lihlobo seliphelile, kodvwa tsine asikasindziswa. ²¹ Njengobe bantfu bami bayabhujiswa, nami ngiyabhujiswa; ngiyalila, nekwesaba kuyangintfonya. ²² Sekute yini ibhalisamu kulakaGileyadi? Sekute yini inyanga lapho? Kepha sekute leni kuphiliswa kwemanceba ebantfu bami?