¹ ''Vani lelivi Simakadze lalimemetela kuwe, yindlu yaka Israel. ² Simakadze usho naku, 'Ningatifundzi tindlela tetive, futsi ningakhatsateki ngetimphawu emazulwini, ngoba tive tikhatsatekile ngaloku. ^{3 4 5} Ngoba emasiko alabantfu laba akanamsebenti; lomunye ujuba sihlahla ehlatsini, nembati uyasibata ngelithulusi lakhe. Babese basihlobisa ngelisiliva neligolide. Basicinisa ngesandvo netipikili kute singawi. Labakwentako ngetandla tabo kufana ⁶ Kute lofana nawe, Simakadze. Umukhulu, nelibito lakho linemandla lamakhulu. ⁷ Ngubani longakwesabi, nkhosi yetive? Ngoba nguloku lokukufanele, ngoba kute lofana nawe emkhatsini wawo onkhe emadvodza lahlakaniphile etive noma bonkhe bukhosi babo. ⁸ Bonkhe bayafana, abacabangi futsi batilima, balandzeli betithico labangasilutfo kepha basigodvo. ⁹ Baletsa lisiliva leligotjiwe e Tarshish, neligolide e Uphaz lelentiwe babati labanelwati, tandla tebahlungi. Tembatfo tabo tiluhlata sasibhakabhaka futsi tibukhwebeletane. Emadvodza abo lanelwati enta tonkhe letintfo leti. ¹⁰ Kepha Simakadze ngu Nkulunkulu longuye. Ungu Nkulunkulu lophilako futsi loyinkhosi lengunaphakadze. Umhlaba uyatamatama uma atfukutsele, netive atikhoni kubeketelela intfukutselo yakhe. ¹¹ Utawukhuluma kubo kanje, ''Bonkulunkulwana labangentanga emazulu nemhlaba batawubhubha emhlabeni nangaphansi kwemazulu.'' ¹² Kepha bekunguye lowenta umhlaba ngemandla akhe, futsi wasungula umhlaba ngenhlakanipho yakhe, futsi ngekucondza kwakhe wanweba emazulu. ¹³ Liphimbo lakhe lenta kuhokoma kwemanti emazulwini, futsi uletsa emafu kusuka ekugcineni kwemhlaba. Wenta umbane wemvula futsi akhiphe umoya endlini yakhe yekugcina tintfo. ¹⁴ Wonkhe muntfu sewugucuke wangati, ngaphaphandle kwelwati. Wonkhe losebenta ngetinsimbi ufakwa ehlazweni tithico takhe. Ngoba imifanekiso yakhe ayisiyo lengiyo; kute imphilo kuyo. ¹⁵ Abanamsebenti, umsebenti webahhalatisi; batawushabalala ngalesikhatsi sekujeziza. ¹⁶ Kodvwa Nkulunkulu, incenye ya Jacob, ayisiko kanjena, ngoba ungumbumbi wetintfo. Israel sive sebantfu balo; Simakadze Somandla libito lakho. ¹⁷ Butsisa umutfalo wakho bese ushiya lelive, nine bantfu lebenihlala ngaphansi kwebulikhuni. ¹⁸ Ngoba Simakadze usho loku, ''Buka, sengitocosha bahlali bakulelive kulesikhatsi. Ngitawubabangela kukhatsateka, futsi batakulitfola linjalo. ¹⁹ Nako kimi! Ngenca yematsambo ami laphukile, silondza sami sonakele. Ngako ngatsi, ''Ngempela lobu buhlungu lobukhulu, kepha kumele ngibubeketelele.'' ²⁰ Lithende lami lonakele, futsi onkhe emafindvo emathende ami ajutjwe kabili. Batsatse bantfwa bami kumi, ngako abasaphili. Sekute muntfu lotawendlala lithende lami nobe alivuse. ²¹ Ngoba belusi balibele futsi abamfuni Simakadze; ingako abakaphumeleli, futsi wonkhe umhlambi wabo usakatiwe. ²² Umbiko wetindzaba sewufikile, ''Buka! Kuyeta, kutamatama kwemhlaba lokukhulu kuyeta kusuka eveni kuya enyakatfo kwenta emadolobha aka Judah abe tindzala, lapho kubhaca khona bojakalazi. ²³ Ngiyati, Simakadze, kutsi indlela yemuntfu ayichamuki kuye. Kute umuntfu lohambako locondzisa tinyatselo takhe. ²⁴ Ngicondzise, Simakadze, ngebucotfo bemtsetfo, hhayi ngentfukutselo yakho noma utongibhubhisa. ²⁵ Tfulula intfukutselo yakho etiveni letingakwati nasemindenini lengalibiti ligama lakho. Ngoba sebamcedze ngekuphutfuma Jakobe kute batombhubhisa ngalokuphelele futsi babhidlite lapho ahlala khona.