¹ Livi lefika ku Jeremiya lichamuka ku Simakadze, litsi, ² ''Lalela emavi alesi sivumelwano, nibese niyawashumayela emuntfwini ngamuye nanga munye kaJuda nebahlali base Jerusalema. ³ Ubotsi kibo, 'Simakadze, Nkulunkulu waka Israyeli usho loku: Ucalekisiwe loyo longalaleli emavi esivumelwano. ⁴ Lesi sivumelwano lengasiyalela kubo khokhomkhulu benu kugcina lusuku lengaba khipha endzaweni yase Gibhithe, elangabini lelincibikisa insimbi. Ngatsi, 'Lalelani livi lami bese nenta tonkhe letintfo lengicedza kuniyalela, ngoba nitawuba banfu bami futsi mine ngitawuba ngu Nkulunkulu wenu.'' ⁵ Ngitfobeleni kute ngicinisekise sifungo lengasenta nabo khokhomkhulu benu, lesifungo sekutsi ngitawuba niketa indzawo legeleta lubisi neluju, lapho nihlala khona namuhla.'' Laphoke mine, Jeremiya, ngaphendvula ngatsi, ''yebo, Simakadze!'' ⁶ Simakadze watsi kimi, ''Shumayela tonkhe leti tintfo emadolobheni aka Juda kanye nase titaladini tase Jerusalema. Utsi, 'Lalela emavi alesi sivumelwano bese niyawenta. ⁷ Ngoba bengisolo nginiketa imiyalo lebalulekile kusukela ngalelilanga ngiba khipha eveni lase Gibhithe kute kube ngulesikhatsi samanje, ngekubeketela ngibayala ngitsi, ''Lalelani livi lami.'' ⁸ Kepha abalalelanga noma banginake. Ngamunye nangamunye umuntfu abehamba enkhanini yehlitiyo yakhe lekhohlakele. Kungakoke ngiletse tonkhe leticalekiso kulesivumelwano lengatayalela kutsi ticondzane nabo. Kepha bantfu bachubeka bangalaleli.'' ⁹ Lokulandzelako Simakadze watsi kimi, imfihlakalo itfolakele emukhatsisini kwebantfu baka Juda kanye nebahlali base Jerusalema. ¹⁰ Sebabuyele etentweni tabo khokhomkhulu babo bakucala, labancaba kulalela emavi ami, kepha bahamba balandzela labanye bonkulunkulu kuyoba dvumisa. Indlu yaka Israyeli kanye nendlu yaka Juda baphula sivumelwano sami lengasakha nabo khokhomkhulu babo. ¹¹ Kungakoke Simakadze asho loku, 'Bona, ngisato letsa inhlekelele kibo, inhlekelele lebangeke bakhne nekuyeca. Laphoke bayawumemeta kimi, kepha anginawu balalela. ¹² Emadolobha aka Juda kanye nebahlali baseJerusalema batawuhamba bafike bamemete kulabo nkulunkulu labebasolo babaniketa iminikelo, kepha angeke basindziseke ngesikhatsi senhlekelele yabo. ¹³ Ngoba wena Juda, inombolo yabo nkulunkulu bakho seyikhulile ize ilingana nelilani lemadolobha. Senente lenombolo yemalati lalihlazo eJerusalema, emalati emphempho ase Bhali alingana netitaladi takhe. ¹⁴ Kungakoke wena lucobo lakho, Jeremiya, kufanele unga thantazi nalabantfu laba. Kufanele ungakhali noma uthantaze umelele bona. Ngoba anginawu lalela uma babita mine kule nhlekelele yabo. ¹⁵ Leni wami lotsandzekako, loyo lonetinhloso letinengi letikhohlakele abe sendlini yami. Inyama yemihlatjelo yakho angeke ikwesite. Ujabula ngenca yaletento takho letikhohlakele. ¹⁶ Kadzeni Simakadze wakubita ngelicembe lesihlahla semuncumo, buhle nesitselo lesitsandzekako. Kepha utawubasa umulilo lapho kiwo kutawuba nemusindvo lofana nekuhlokoma kwesivunguvungu; emagala aso atawu phuka. ¹⁷ Ngoba Simakadze weba memi, lowahlanyela wena, utfumele inhlekelele kuwe ngenca yetento letikhohlakele etentiwe yindlu yaka Israyeli kanye nendlu yaka Juda-bangikwatisile ngekunikela iminikelo ku Bhali.'' ¹⁸ Simakadze wangenta ngati leti tintfo, ngakoke ngitati. Wena Simakadze ungete ngabona tento tabo. ¹⁹ Bengifanana nemvu lelungile imikiswa kumhlahlehli. Bengingati kutsi balungise emachinga ngami, ''Asibhubhiseni lesihlala netitselo saso. Asimujubeni endzaweni yalaba philako kute kutsi ligama lakhe lingakhumbuleki. ²⁰ Kepha Simakadze wemamemi nguye umehluleli lolungile locilonga inhlitiyo kanye nengcodvo. Ngitawubona kutiphindziselela kwakho kibo, ngoba ngilibikile licala lami kuwe. ²¹ Kungako Simakadze usho loku mayelana nebantfu base Ananoth labafuna imphilo yakho, '' Batsi, ''Kufanele unga pholofithi egameni la Simakadze, noma utawufa ngetandla tetfu.' ²² Kungakoke Simakadze webamemi usho loku, 'Bona, ngisata bajezisa. Emadvodza abo lanemandla atawufa ngenkemba. Emadvodzana kanye nemadvodzakati abo atawubulawa yindlala. ²³ Kute ngisho munye wabo lotawusala, ngoba ngiletsa inhlekelele kubantfu base Anathoth, umunyaka wesijeziso sabo.''