¹ Manje Zedekhiya indvodzana ya Josaya yabusa njengeNkhosi esinkhundleni sa Jehoyiyakhini indvodzana ya Jeyoyiyakhimu. Nebukhadinezari inkhosi yase Bhabhilona yayenta Zedekhiya inkhosi tikwe mhlaba waka Juda. ² Kodvwa Zedekhiya, tisebenti takhe, kanye nebantfu abantange balalele emavi a Simakadze lebekawasho ngesandla sa Jeremiya umprofethi. ³ Ngako Inkhosi Zedekhiya, Jehukhali indvodzana ya Shelemiya, na Zefaniya indvodzana ya Maseyiya umpristi watfumela umlayeto ku Jeremiya umprofethi. Batsi, "Thandaza esikhundleni setfu ku Simakadze Nkulunkulu wetfu. ⁴ Manje Jeremiya abeta futsi ahamba emkhatsini webantfu, ngoba abesengakafakwa ejele. ⁵ Umbutfo waFaro waphuma Egibhithe, kanye nemaKhalidi lebekatungeletele i Jerusalema eva tindzaba ngabo ase ashiya i Jerusalema. ⁶ Lase livi la Simakadze lifika ku Jeremiya umprofethi, litsi, ⁷ ''Simakadze, Nkulunkulu wema Israyeli, usho loku: Nguloku lenitakusho kulenkhosi yaka Juda, ngoba bekakutfumile kutsi utofuna lusito kimi, 'bona, libutfo laFaro, leleta kutokusita, selitawubuyela emuva Egibhithe, eveni lalo. ⁸ Emakhaledi atawubuya. Batewulwa nalelidolobha , balifumbe, phindze balishise.' ⁹ Simakadze usho loku : Ungatikhohlisi ngekutsi utsi, Ngempela Emakhaledi ayasishiya, 'angeke bahambe. ¹⁰ Noma ngabe wehlule wonkhe umbutfo wemaKhaledi lokulwisako kute kusale emadvodza lalimele kuphela emathendeni abo, atawuvuka bese ashisa lelidolobha.'' ¹¹ Ngako ngulapho umbutfo wemaKhalidi wawushiya iJerusalema njengoba umbutfo waFaro bewuta, ¹² ngako Jeremiya waphuma eJerusalema kutsi aye eveni laBenjamini. Bekafuna kuyowutfola incenye yemhlaba ebantfwini bakhe. ¹³ Asesegedeni laBenjamini, gadzi lomkhulu abekhona. Libito lakhe bekungu Irija indvodzana ya Shelemiya indvodzana ya Hananiya .Wambamba Jeremiya umprofethi wase utsi kuye, "Uhlubukela kumaKhalidi." ¹⁴ Kodvwa Jeremiya watsi, 'Akusilo liciniso. Angihlubukeli kumaKhalidi." Kodvwa Irija akamulalelanga. Watsatsa Jeremiya wamumikisa kuto tiphatsimandla. ¹⁵ Letiphatsimandla betimtfukutselele Jeremiya. Bamshaya phindze tamfaka ejele, lebekuyindlu ya Jonatani umbhali ngoba besebayigucule lijele. ¹⁶ Ngako Jeremiya wafakwa esitokisini lesingephansi, lapho ahlala khona emalanga lamanyenti. ¹⁷ Yase Inkhosi Zedekhiya itfumela umuntfu kuts akalandvwe abuye esigodlweni." Endlini yakhe, Inkhosi yambuta ngansense, ''Likhona livi lelisuka kuSimakadze?" Jeremiya waphendvula, "Likhona livi: Utawuniketwa esandleni seNkhosi yaseBhabhuloni." ¹⁸ Wase Jeremiya utsi enkhosini Zedekhiya, "Ngone kanjani mine kuwe, tisebentini takho, noma labantfu laba kute ungibeke mine ejele. ¹⁹ Baphi baprofethi bakho, laba labakuprofethela batsi lenkhosi yaseBhabhilona angeke ite ivukele wena noma ivukele lelive leli? ²⁰ Kepha nyalo lalela , umphatsi wami iNkhosi! Mane ticelo tami tifike phambi kwakho. Ungangibuyiseli endlini yaJonatani umbhali, noma ngitawufela le." ²¹ Ngako Inkhosi Zedekhiya yanika umlayeto. Tisebenti takhe tetsemba Jeremiya esibayeni sabogadzi.Sinkhwa lesiphelele sanikwa yena onkhe emalanga sisuka esitadaladini sebabhaki, kute tonkhe tinkhwa edolobheni tatihambile. Ngako Jeremiya wahlala esibayeni sabogadzi.