¹ Kwefika ngemnyaka wesine waJehoiakim indvodzana yaJosaya Inkosi yaseJuda, kutsi lelivi lefika kuJeremaya lelibuya kuSimakadze, wase utsi, ² "Titsatsele incwadzi legocwako bese ubhala nankha emagama lengikutjela wona mayelana na Israel nema Juda, kanye natotonkhe tive. Yenta loku ngakokonkhe lengikutjele kona kusukela ngetikhatsi taJosaya kuze kube ngumanje. ³ Mhlawumbe bantfu baka Juda batawulalela ngatotonkhe tehlakalo *lengihlose kutehlisela kibo. "Mhlawumbe wonkhe muntfu utogucuka etindleleni tabo letibi, ngitobese ngicolela lokukhohlakala netono tabo." ⁴ Wabese Jeremaya ubita Baruch indvodzana yaNeriya, wabese Baruch ubhala encwadzini legocwako, ngesikhatsi Jeremiya akhuluma, onkhe emagama labekakukhulunywe nguSimakadze kuye. ⁵ Lokwalandzela Jeremiya wanika umlayeto kuBaruch. Watsi, "Ngisejele angikhoni kuya endlini yaSimakadze. ⁶ Ngakoke kufanele uhambe uyofundza kulencwadzi legocwako loyibhale ngisakhuluma. Ngelilanga lesizilo, kumele ufundze livi laSimakadze, uviwa bantfu endlini yakhe, nakubobonkhe labevako kaJuda labesuka emadolobheni abo. Memetela lamavi kibo. ⁷ Mhlawumbe tikhalo tabo telucolo titofika embikwa Simakadze. Mhlawumbe umuntfu ngamunye utawugucuka etindleleni takhe tekukhohlakala njengoba lulaka nentfukutselo yaSimakadze layimemetele kulabantfu imatima. ⁸ Ngakoke Baruch, indvodzana yaNeriya yenta konkhe lebekakadze umuprofethi Jeremaya amlayetele kutsi akwente. Wawafundza wawamemeta lamavi aSimakadze endlini yaSimakadze. ⁹ Kwefika emnyakeni wesihlanu enyangeni yemfica Jehoiakim indvodzana yaJosaya, inkosi yakaJuda, kutsi bonkhe bantfu eJerusalema kanye nebantfu labeta eJerusalema basuka emadolobheni aka Juda bamemetela sizilo embikwa Simakadze. ¹⁰ Baruch wafundza wamemeta emagama aJeremaya endlini yaSimakadze, akhulumela ekamelweni laGemariya Indvodzana yaShaphane umbhali, ebaleni lelingenhla, ngasesangweni ekungeneni kwendlu yaSimakadze. Wakwenta loku kuva bonkhe bantfu. ^{12 11} Ngesikhatsi Micaiah Indvodzana yaGemariya Indvodzana yaShaphani eva onkhe emavi aSimakadze lebekabhalwe encwadzini logocwako. Wehlela endlini yeNkosi, waya ekamelweni lamabhalane. Buka, tonkhe tigcinimtsetfo betihleti lapho: Elishama lobekangu mabhalane, Delaiah Indvodzana yaShemaiah, Elnathan, Indvodzana ya Akbor, Gemariya Indvodzana ya Shaphani, naZedekiah Indvodzana ya Hananiya, natotonkhe tigcinimtsetfo. ¹³ Wase Micaiah uyabika kibo onkhe emagama lebekadze awevile afundvwe amenyetwa ngu Baruch kuva bantfu. ¹⁴ Tase tonkhe tigcinimtsetfo titfumela Jehudi Indvodzana ya Nethaniya Indvodzana ya Shelemiya Indvodzana yaCushi, kuBaruch. Jehudi watsi ku Baruch, "tsatsa lencwadzi legociwe esandleni sakho, lencwadzi boyifundza kuva bantfu, bese uyanglandzela." Ngakoke Baruch Indvodzana yaNeriya uphatsa lengcwadzi logocwako esandleni waya nayo kubagcinimtsetfo. ¹⁵ Base batsi kuye, "Hlala phansi usifundzele loku sive." Ngakoke Baruch wayifundza lencwadzini legocwako. ¹⁶ Kwatsi nasebawevile onkhe lamagama lawa, indvodza ngayinye ngayinye yagucukela kuleseceleni kwayo ngekwesaba watsi losedvute naBaruch, "Kufanele siyibikele inkosi ngawo onkhe lamagama lawa." ¹⁷ Babese babuta Baruch batsi, "Sitjele, ufike njan ekubhaleni onkhe lamagama lawa Jeremaya lasawakhuluma? ¹⁸ "Baruch watsi kibo, "Wangmemetela onkhe lamagama waphindze wawabhala nge inki encwadzini logocwako." ¹⁹ Bagcinimtsetfo base batsi ku Baruch, "Hamba ubhace naJeremaya, naye. Ungavumeli muntfu ati kutsi nikuphi." ²⁰ Base babeka lencwadzi legocwako ekamelweni laElishama lobekangu mabhalane, base bayahamba baye enkhosini lebeyisebaleni, bamubikela konkhe inkhosi ibeva. ²¹ Yabese inkhosi itfumela Jehudi kutsi akayolandza lencwadzi legocwako. Jehudi wayitsatsa ekamelweni lamabhalane Elishama. Wase uyifundza embikwe nkosi nebagcinimtsetfo labebaseceleni kwakhe. ²² Inkhosi beyime endlini yayo lebandzako enyangeni yemfica, futsi kwakunembawula levutsako embikwakhe. ²³ Kwase kuyenteka kutsi asafundza imigamu lemitsatfu noma lemine, inkhosi ijube lapho asafundze khona ijike embhawuleni yate yasha yonkhe lencwadzi legocwako. ²⁴ Kepha lenkhosi noma letisebenti tayo leteva onkhe lamagama lawa, atetfukanga, nobe labadzabula timphahla tabo. ²⁵ Elnathani, Delaiah kanye naGemariya labate baze bayigcugcutela inkhosi kutsi ingayishisi lencwadzi legocwako, kepha akazange abalalela. ²⁶ Inkhosi yabese iyamyalela Jerahmeel, lobekasihlobo, Seraiah indvodzana yaAzrieli, kanye naShelemiya indvodzana yaAbdeeli kutsi abophe Baruch umbhali wencwadzi legocwako naJeremiya umphrofethi, kepha Simakadze bekababhacisile. ²⁷ Kwase kufika livi kuJeremaya emva kwekutsi inkhosi ishise lencwadzi legocwako kanye nemagama labhalwa nguBaruch asawakhuluma Jeremaya latsi, ²⁸ "Buyela emuva, utitsatsele lenye incwadzi legocwako, bese uyabhala kiyo onkhe emagama labekabhalwe kuleyekucala incwadzi legocwako leyashiswa yinkhosi. ²⁹ Bese sewusho naku enkhosini Jehoiakim yakaJuda: 'uyishisile lencwadzi legocwako, letsi, "ubhaleleni kuyo kutsi, 'Inkhosi yaseBabylon ngempela itawufika ibhubhise lelive, ngoba utawubhubhisa kokubili umuntfu kanye nesilwane kilo lelive'?"" ³⁰ Ngakoke Simakadze usho naku mayelana nawe, Jehoiakim inkhosi yakaJuda: "Kute situkulwane sakho lesiyohlala esihlalweni saDavide. Kepha wena, sidvumbu sakho siyawulahlelwa ngaphandle ekushiseni kwelilanga nesitfwatfweni sasebusuku. ³¹ Ngoba wena ngitokujezisa, situkulwane sakho, kanye netisebenti takho ngalokukhohlakala kwenu nonkhe. Ngitokwehlisela kini, nakutotonkhe takhamuti taseJerusalema, nakuwonkhe muntfu lokaJuda, natikwa wonkhe muntfu tonkhe letehlakalo lenginisongele ngato, kodvwa loku anikunakanga. ³² Wabese Jeremaya utsatsa lenye incwadzi legocwako wayinika Baruch indvodzana yaNeriya ubhali wencwadzi, legocwako. Baruch wabhala kuyo ngesikhatsi asawakhuluma Jeremaya onkhe lamagama lebekakadze akulencwadzi legocwako leyashiswa nguJehoyakhimi inkhosi yakaJuda. Ngakulokunye, kwangetwa lamanye emagama lafanako kulencwadzi legocwako.