¹ Shefatiya umusa waMathani, Gedaliya umusa waPhasha, Jehukhali umusa waShelemiya, na Phasha umusa waMalikhija weva lamagama Jeremiya lawamemetela kubobonkhe bantfu. Bekatsi, ² ''Simakadze usho naku: nomangubani lohlala kulelidolobha utawubulawa ngenkemba, ngendlalanange sifo. Kepha wonkhe lotawuhamba aphume aye kuma chilidiyani utawusindza.Utawubaleka nemphilo yakhe aphile. ³ Naku lokushiwo nguSimakadze: Lelidolobha litawunikelwa etandleni telibutfo lemphi yenkhosi yase Bhabhiloni, yena utase uyabatfumba. ⁴ Tase tiphatsimandla titsi enkhosini, ''ayife lendvodza,ngoba ucekisa tandla temandvodza lalwako lasasele kulelidolobha, netandla tabobonkhe bantfu.Umemetela nankha emagama ngoba lendvodza ayisebenteli kuphepha kwalabantfu kepha umonakalo. ⁵ Ngako inkhosi Zedekhiya yatsi, ''buka,usetandleni takho ngoba ayikho inkhosi lengamelana nawe. ⁶ Base batsatsa Jelemiya bamujika ngekhatsi kwemgodzi wa Malkhija, umsa wenkhosi. Lomgodzi wawusesibuyeni sabogadzi. Bamehlisa phansi Jelemiya ngetindophu. Kwakute emanti kulomgodzi, kepha kwakunelidzaka, wangena phansi elidzakeni. ⁷ Nyalo Ebedi Meleki, umKushe lowayengumtsenwa endlini yenkhosi. Weva kutsi sebafake Jelemiya emgodzini. Nyalo inkhosi yayihleli esangweni lase Bhenjamin. ⁸ Ngako Ebedi Meleki waya endlini yenkhosi wakhuluma nenkhosi. Watsi, ⁹ ''Mphatsi wami inkhosi, lamadvodza ente lokubi ngendlela laphatse ngayo Jelemiya umphrophethi. Bamlahle emgodzini kutsi afe khona abulawe yindlala ngoba sekute kudla kulelidolobha. ¹⁰ Inkhosi yase inika umyalo ku Ebedi Meleki umtsenwa. Watsi, '' Yala emadvodza langemashumi lamatsatfu kuleli kutsi atsatse Jelemiya umprophethi amkhiphe kulomgodzi embikwekutsi afe. ¹¹ ''Ngako Ebedi Meleki wayala lamadvodza wase uya endlini yenkhosi, egumbini lekugcina timphahla ngaphansi kwendlu. Kusuka lapho watsatsa ticucu kanye netimphahla letidzabukile watehlisa ngendophu watehlisela kuJelemiya emgodzini. ¹² Ebedi Meleki umtsenwa watsi kuJelemiya, ''faka leticucu naletimphahla letidzabukile ngaphansi kwemkhono wakho utungeletele lendophu.''ngako Jelemiya wenta njalo. ¹³ Base badvonsa Jelemiya ngalendophu. Ngalenandlela bamukhipha kulomgodzi. Jelemiya wase uhlala esibuyeni sabogadzi. ¹⁴ Yase inkhosi Zedekhiya itfumela ligama yaletsa Jelemiya umphrophethi kuyo, emnyango wesitsatfu endlini yaSimakadze. Inkhosi yatsi ku Jelemiya, '' ngifuna kukubuta lokutsite. Ungangifihleli imphendvulo.'' ¹⁵ Jelemiya watsi ku Zedekhiya, '' uma ngikuphendvula, ngeke yini ungibulale ? kepha uma ngikubonisa ngeke ungilalele. ¹⁶ Kepha inkhosi Zedekhiya wafunga kuJelemiya ekusitsekeni watsi, '' njengoba Simakadze aphila, loyo lowasidala, ngingeke ngikubulale noma ngikunikele kulawo madvodza lafuna imphilo yakho. ¹⁷ Ngako Jelemiya watsi ku Zedekhiya, '' Simakadze, Nkulunkhulu wemikhosi, Nkulunkulu wa Isyrayeli, usho nako: uma nembala uhamba uphuma uya kuletiphatsimandla tenkhosi yase Bhabhiloni utawuphila futsi nalelidolobha lingeke lishiswe. Wena nemdeni wakho nitawuphila. ¹⁸ Kepha uma ungeke uhambe uphume uye kuletiphatsimandla tenkhosi yase Bhabhiloni, lelidolobha liyawunikelwa etandleni tema Chiliyadi. Batawulishisa futsi ngeke uphunyule esandlani sabo. ¹⁹ Inkhosi Zedekhiya yatsi kuJelemiya, '' kepha ngiyabesaba labantfu bakajuda labahlubukele kuma Chaliyadi, ngoba ngingahle nginikelwe etandleni tabo, kuze bangiphatse kabi.'' ²⁰ Jelemiya watsi, '' Ngeke bakunikele kubo. Hlonipha lomlayeto lobuya kuSimakadze langitjela wona, kuze kutsi tintfo titokuhambela kahle, kute kutsi uphila. ²¹ Kepha umawala kuhamba uphume, ngiko loku Simakadze langikhombise kona. ²² Buka! bonkhe labesifazane labasele endlini yakho, nkhosi yase Judiya, batawuletswa kuletiphatsi mandla tenkhosi yase Bhabhiloni. Labesifazane batawutsi kuwe uyengwe bangani bakho; bakonile. Tinyawo takho nyalo tiseludzakeni, nebangani bakho batakubalekela! ²³ Bonkhe bafati bakho nebantfwa bakho batawukhishwa bayiswe kuma Chilidiyani nawe ungeke ukhone kuphunyula esandleni sawo. Utawutfunjwa yinkhosi yase Bhabhiloni futsi nalelidolobha liytawushiswa. ²³ Sehluko 38 ²⁴ Wase Zedekhiya utsi kuJelemiya, '' ungatisi muntfu ngalamagama lawa, kuze kutsi ungatokufa. ²⁵ Uma letiphatsimandla tingeva kutsi ngikhulume nawe, futsi umabeta kuwe batsi, 'Sitjele kutsi utseni enkhosini futsi ungasifihleli ngoba sitakubulala,' ²⁶ ubotsi kubo ngente sicelo lesitfobekile phambi kwenkhosi kutsi angangibuyiseli endlini ya Jonatani ngifele khona. ²⁷ Tase tonkhe letiphatsimandla tivela kuJelemiya, tambuta, wabaphendvula njengoba inkhosi yayimuyalile. Ngako bema kumkhulumisa, ngoba kwakungakake kube nenkhulumiswani emkhatsini ya Jelemiya nenkhosi. ²⁸ Ngako Jelemiya wahlala kulesibuya sabogadzi kwaze kwafika lilanga lekutsi iJelusalema itfunjwe.