1 Lelivi lelefika kuJeremiya libuya kuSimakadze, umaNebukhadinezari Inkhosi yaseBhabhiloni nalolonkhe libutfo lakhe, kanyekanye natotonkhe tiNkhosi temhlaba, letigodzi ngaphasi kwemandla akhe, nabobonkhe bantfu babo basalwa neJerusalema nawo onkhe emadolobha akhe atsi: 2 ''Simakadze, Nkulunkulu wemaIsrayeli, usho loku hamba ukhulume kuZedekiya Inkhosi yakaJuda utsi kuye ''Simakadze usholoku: Buka, Sengitonikela lelidolobha esandleni senkhosi yaseBhabhuloni. Utawulishisa. 3 Angeke uphunyule esandleni sakhe, utawutfunjwa unikelwe esandleni sakhe. Emehlo akho atobuka emehlweni eNkhosi yaseBhabhuloni; utokhuluma nawe ngco usaya eBhabhuloni.' 4 Lalela livi laSimakadze, Zedekiya Inkhosi yekaJuda! Simakadze utsi macondzana nawe, 'Angeke ufe ngenkemba. 5 Utawukufa ngekuthula. Njengasemngcwabeni wekushiswa kwemadloti akho, laMakhosi labewasembikwakho batawushisa umtimba wakho. Batawutsi, ''Maye mphatsi'' Batawulilela wena. Nyalo sengikhulumile-lokungulokushiwo nguSimakadze.'' 6 Ngako Jeremiya umprofethi washo kuZedekiya Inkhosi yemaJuda onkhe lamagama eJerusalema. 7 Limbutfo leNkhosi yaseBhabhiloni lasusa imphi eJerusalema nawo onkhe emadolobha lawasele emaJuda: Lakhishi na Ezakha. Lamadolobha lawa akaJuda asala agcinekile. 8 Lelivi lefika kuJeremiya lisuka kuSimakadze emvakwekuba Inkhosi Zedekiya seyente sivumelwane nabo bonkhe bantfu eJerusalema, kumemetela inkhululeko kubo, 9 kutsi wonkhe umuntfu makakhulule tigcila takhe temaHebheru, letinsikati naletindvuna, ngako umuntfu bekumele ente sigcila semuJuda, lebekangumnakabo. 10 Ngako bonkhe labaholi nebantfu bangenela lesivumelwane kuthi wonkhe muntfu makakhulule tigcila letinsikati naletindvuna kute bangetawugcilateka sikhatsi lesidze. Balalela base bayabakhulula. 11 Kodvwa emvakwaloku bashintja tingcondvo tabo. Babuyisa letigcila lebebatikhululile. Batiphocelela kutsi tiphindze tibetigcila futsi. 12 Ngako lelivi laSimakadze lefika kuJeremiya, litsi, 13 ''Simakadze, Nkulunkulu wakaIsrayeli, usho loku, 'Mine lucobolwami ngenta sivumelwane nemadloti akho ngalelolanga lengabakhokha ngalo eveni laseGibhithe, ngaphandle kwendlu yebugcila. Kulapho langasho khona kutsi, 14 " Ekugcineni kwawo wonkhe umnyaka losikhombisa, yonkhe indvodza kwamele itfumele umnakabo,kanye nemaHebheru akhe latitsengisile wona kuwe futsi akusebentela iminyaka lesitfupha. Muhambise ngenkhululeko. ''Kodwa bokhokho bakho abatange bangilalela noma bangiphe tindlebe tabo. 15 Nyalo nine lucobolweni nigucukile nacala nenta lokuhle emehlweni ami. Wamemetela inkhululeko, endvodzeni kumakhelwane wayo, futsi wenta sivumelwane ngaphambi kwami endlini lebitwa ngelibito lami. 16 Kodwa waphindze wajika wangcolisa libito lami; wenta indvodza ngayinye kuthi ibuyisele emuva tigcila tayo letinsikati naletindvuna, leto lowatihambisa kutsi tiyelapho tifise kuyakhona. Wabaphocelela kutsi babe tigcila takho futsi.' 17 Ngakoke Simakadze usho loku, 'Nine lucobolwenu anikangilaleli mine. Bekumele nimemetele inkhululeko, nine nonkhe, kubafowenu nemaIsrayeli. Ngako buka! Sengitomemetela inkhululeko kini-loku ngulokushiwo nguSimakadze- inkhululeko yenkemba,sifo lesibulalako nendlala lenkhulu, ngoba ngitawukwenta intfo lembi embikwawo wonkhe umkhosi wemhlaba. 18 Ngitawubese ngicondzana nalabantfu labaphula sivuelwane sami, labangetange bawagcine emavi esivumelwane labawakha phambikwami umabajuba inkunzi emkhatsini besebahamba emkhatsini wetincetu tayo, 19 futsi bese baholi bemaJuda neJerusalema, emadvodza laphakuliwe nebaphristi, kanye nabo bonkhe bantfu bakulelive bahamba emkhatsini waletincetu talenkunzi. 20 Ngitawubanikela etandleni tetitsa tabo nase tandleni talabo labafuna timphilo tabo. Imitimba yabo itawuba kudla kwetinyoni tesibhakabha netilwane tasendle emhlabeni. 21 Ngako ngitonika Zedekiya Inkhosi yekaJuda nebaholi bakhe etandleni tetitsa tabo nasesandleni salabo labafuna timphilo tabo, nasesandleni sembutfo weNkhosi yaseBhabhiloni lekuvukele wena. 22 Buka, ngitawuniketa umyalo-lokukushiwo nguSimakadze- futsi ngitawubabuyisa kulelidobha kute batawususa imphi kulo phindze balitsatse futsi balishise. Ngoba ngitawugucula lamadolobha akaJuda abetindzawo letonakele lapho kutawubabete lokuhlalakhona.'''