¹ Labese livi laSimakadze lita ku Jeremiah kwesibili, ngesikhatsi asevalelwe ekhatsi ebaleni lasenkantolo yenkhosi, atsi, ² ''Simakadze umenti, usho loku - Simakadze, lowadala kute atobeka - Simakadze ligama lakhe, ³ ' Bita kimi, ngitobese ngiyakuphendvula. Ngitakukhombisa tintfo letinhle kuwe, timfihlo longaticondzi.' ⁴ Ngobe Simakadze, Nkulunkulu wa Israel, usho loku mayelana netindlu kulelidolobha kanye netindlu temakhosi aka Juda letibhujisiwe ngenca yekuhlaselwa nenkemba, ⁵ 'Ema Chaldeans ayeta kutokulwa kanye nekutogcwalisa letindlu ngetidvumbu tebantfu lengitobabulala ekutfukutseleni kwami, nasengifihla buso bami kulelidolobha ngenca yebubi babo. ⁶ Kodvwa buka, sengisedvute nekuletsa kuphila nelikhambi, ngobe ngitawubaphilisa bona bese ngiletsa kubo lokunengi, kuthula, kanye nekwetsembeka. ⁷ Ngobe ngitoletsa emuva ingcebo yema Juda nema Israel; Ngitobakha njenga sekucaleni. ⁸ Ngitobese ngiyabahlambulula kuto tonkhe tono labatentile bamelene nami. Ngitawubacolela tonkhe tono labatentile bamelene nami, kanye nato tonkhe tindlela labatilwile bamelene nami. ⁹ Ngobe lelidolobha kimi litoba yintfo yenjabulo, ingoma yendvumiso neyekuhlonipheka kwato tonkhe letive temhlaba letitakuva tonkhe letintfo letikahle lengitalentela tona. Batobese bayesaba phindze bachachatele ngaletintfo letinhle nalokuthula lengitakuniketa kulo.' ¹⁰ Simakadze usho loku, 'Lapha kulendzawo lawutsi khona nyalo, ''Ilahliwe, indzawo lete ngisho umuntfu nobe silwane,'' kulamadolobha aka Juda, nase titaladini tase Jerusalema letilahliwe, lete ngisho umuntfu ngobe silwane, lapho itoviwa futsi ¹¹ lomsindvo wenjabulo kanye nemsindvo wentfokoto, lomsindvo wemkhwenyana nalomsindvo wamakoti, umsindvo walabo labatsi, ngesikhatsi baletsa umnikelo wekubonga endlini ya Simakadze, ''Bongani Simakadze wemabandla, ngobe Simakadze muhle, nelutsandvo lwakhe lolungapheli loluhlala lukhona ngunaphakadze!'' Ngobe ngitawubuyisela umnotfo walelive kuloku lebewungiko phambilini,' kusho Simakadze. ¹² Simakadze wemabandla usho loku: 'Lana kulena ndzawo lelahliwe, lapho nyalo sekute ngisho umuntfu nobe silwane-kuwo onkhe emadolobha ayo kutophindze kube nemadlelo lapho khona belusi batawuphumuta khona imihlambi yabo. ¹³ Lapha emadolobheni eveni lentsaba, lamahlandze, nase Negev,eveni la Benjamin nako konkhe lokuse Jerusalem, nasemadolobheni aka Juda, lemihlambi itophindze yengce ngaphansi kwetandla talabo labatibalako,' kusho Simakadze. ¹⁴ 'Buka! Emalanga ayeta - loku ngulokushiwo nguSimakadze - ngitawukwenta nini loku lengikutsembise kutsi ngitakwentela indlu yema Israel nendlu yema Juda. ¹⁵ Kulawo malanga phindze nakuleso skhatsi ngitokwenta ligala lelilungile kutsi likhulele Davide, uyawukwenta lokucotfo kwemtsetfo nalokulungile eveni. ¹⁶ Kulawo malanga Juda utawusindziswa, bese Jerusalema utohlala aphephile, ngobe loku nguloku latobitwa ngako, ''Simakadze ungu lolungile wetfu.''' ¹⁷ Simakadze usho loku: 'umuntfu wesilisa lochamuka ku Davide angeke aswele kuhlala esihlalweni sebukhosi sendlu yaka Israel, ¹⁸ kute indvodza lechamuka kubafundisi baka Levi yeswele embikwami kunikela iminikelo leshisiwe, kushisa iminikelo yekudla, nekutsi bente iminikelo yetinhlavu sonkhe sikhatsi.''' ¹⁹ Livi laSimakadze leta ku Jeremiah, litsi, ²⁰ ''Simakadze shano loku: 'Nawunga phula setsembiso ngelilanga nebusuku khona kutoba bete lilanga nobe busuku ngetikhatsi letifanele, ²¹ utawubese uyakhona kuphula setsembiso sami na Davide sisebenti sami, khona atawubabete situkulwane lesitawuhlala esihlalweni sakhe sebukhosi, nesivumelwano sami nebaphristi bema Levi, tisebenti tami. ²² Njengobe emabandla emazulu ngeke abaleke,njenge sihlabatsi saselutsentseni laselwandle ngeke sikaleke, ngako ngitawukhulisa letitukulwane taDavide sisebenti sami naleti tema Levi letisebenta phambi kwami.''' ²³ Livi laSimakadze leta kuJeremiah, litsi, ²⁴ ''Awukanaki yini kutsi labantfu batsi, 'Lemindeni lemibili lena Simakadze layikhetsile, nyalo sewuyilahlile'? Ngalendlela lena bababukela phansi bantfu bami, batsi abasasiso sive emehlweni abo. ²⁵ Mine, Simakadze, ngisho loku, 'Nangabe bengingakasimisi sivumelwano selilanga nebusuku, nangabe ngingakawulungisi lemitsetfo yasezulwini nase mhlabeni, ²⁶ ngitobese ngiyasiphika lesitukulwane ta Jakobe na Davide sisebenti tami, futsi ngingabaletseli umuntfu lotawubusa etikwe titukulwane taAbrahama, na Isaka kanye na Jakobe. Ngobe ngitawubuyisela umnotfo wabo futsi akhombise umusa kubo.'''