¹ Lelivi lelefika ku Jeremiah libuya ku Simakadze, litsi, ² ''Loku ngulo Simakadze, Nkulunkulu wa Israel, akusho, 'Bhala encwadzini onkhe lamavi lengiwakhulume kuwe. ³ Ngoba buka, emalanga ayeta - loku ngulokushiwo ngu Simakadze - lapho ngitawubuyisela lomnotfo webantfu bami, Israel na Judah. Mine, Simakadze, sengikushito. Ngoba ngitawubabuyisela eveni lengaliniketa bokhokho babo, futsi batawuligcina libe ngelabo.'' ⁴ Lawa ngulamavi le Simakadze awasho mayelana na Israel kanye na Judah, ⁵ ''Ngoba Simakadze usho naku, 'Sive livi lelinekwesaba lokukhulu hhayi lekuthula. ⁶ Cela ubone kutsi indvodza iyamtala umntfwana yini. Leni ke ngibone onkhe emajaha abeke tandla tawo ngase siswini kuhle kwemfati lotfwele umntfwana? Leni buso babo bonkhe bungcungcile? ⁷ Maye! Ngoba lelo langa litoba likhulu, kube bete lelifana nalo. Kutoba lilanga lekukhatsateka ku Jakobe, kepha utawusindziswa kulo. ⁸ Ngoba kutawuba ngalelo langa - loku ngulokushiwo ngu Simakadze wemagunya - kutsi ngitawephula lomtfwalo wentsamo yakho, futsi ngitawubulala emaketane enu, kute kutsi bachamuki bangatonigcilata. ⁹ Kepha batawudvumisa Simakadze Nkulunkulu wabo futsi basebentele Davide inkhosi yabo,ngubani lengitawumenta inkhosi etikwabo. ¹⁰ Ngako wena, sisebenti sami Jakobe, ungesabi - loku ngulokushiwo ngu Simakadze - futsi ungaphelelwa kukhutsateka, Israel. Ngoba buka, sengitokubuyisa kusuka khashane, nesitukulwane sakho kusuka eveni lekutfunjwa. Jakobe utawubuya futsi abe nekuthula; utawuphepha, futsi kutawuba bete kwesaba. ¹¹ Ngoba nginawe - loku ngulokushiwo ngu Simakadze kunisindzisa. Ngitobese ngibhubhisa tonkhe letive lenginisakatele kuto. Kepha ngingeke ngikubhubhise, noko ngikucondzisa ngekulunga futsi ngingeke ngikushiye ungakajeziswa.' ¹² Ngoba Simakadze usho naku, 'Kulimala kwakho akwelapheki; silondza sakho sinesifo. ¹³ Kute longakumelela ecaleni lakho; kute umutsi wesilondza sakho kutewuphilisa wena. ¹⁴ Bonkhe lotsandzana nabo sebakukhohliwe. Angeke bakufune, ngoba ngikulimete ngesilondza sesitsa nekucondzisa kwemphatsi lonelunya ngenca ngenca yetono takho letinyenti netono tenu letingabaleki. ¹⁵ Leni nicele lusito ngekulimala kwakho? Buhlungu bakho abelapheki. Ngenca yetono takho letinyenti, netono takho letingabaleki, ngente letintfo leti kuwe. ¹⁶ Ngako wonkhe lokubhubhisako utawubhujiswa, nato tonkhe titsa takho titawuya ekutfunjweni. Ngoba labo labanebele batawetjelwa nabo, futsi ngitawenta bonkhe labatsatsa tintfo tenu batsatselwe nabo. ¹⁷ Ngoba ngitawuletsa kuphila kuwe; ngitokuphilisa etilondzeni takho - loku ngulokushiwo ngu Simakadze - ngitawenta loku ngoba bakubite ngekutsi: ungu Locoshiwe. Kute longenelana ne Zion.'' ¹⁸ Simakadze usho naku ,''Bukani, umnotfo wemathende aJakobe futsi abe neluvelo emitini yakhe. Kutobese kwakhiwa lidolobha kulencwaba yalelibhujisiwe, futsi indzawo levikeleke kakhulu itawuphindze ibe khona lapho beyikadze ikhona khona. ¹⁹ Itobese ingoma yendvumiso nemsindvo wenjabulo uphuma kubo, ngoba ngitawubandzisa futsi ngingabanciphisi; ngitawubahlonipha kute bangatewutfobeka. ²⁰ Batobese bantfu babo baba njenga phambilini, futsi sicuku sabo sitawucala phambikwami uma ngijezisa bonkhe labo labavisa buhlungu nyalo. ²¹ Umholi wabo uyawuphuma emkhatsini wabo. Utawuvela emkhatsini wabo uma ngimsondzeta nanaka sondzela eta kimi. Uma ngingakwenti loku, ngubani longalinga asondzele kimi? - loku ngulokushiwo ngu Simakadze. ²² Nitobese niba bantfu bami, futsi nami ngitoba ngu Nkulunkulu wenu. ²³ Buka, sivunguvungu sa Simakadze, untfukutselo yakhe, iphelile. Sivunguvungu lesingapheli. Sitawutungeleta etinhloko tebantfu lababi. ²⁴ Intfukutselo lenkhulu ya Simakadze ingeke ijike ingakenti leyikutele futsi ente tenteke tinhloso tenhlitiyo yakhe. ngemalanga ekugcina, nitawukucondza.''