¹ Lawa ngemagama encwadzini legocotiwe leJeremaya umpholofethi lawatfumela asuka eJerusalema awuyisa labadzala labasele emkhatsini walebatfunjiwe nakubafundisi, bapholofethi, kanye nabo bonkhe Nebukhadinezari bekabacoshile eveni kusuka eJerusalema kuya eBhambiloni. ² Loku kwakusemvakwekutsi inkhosi Jehokhini nendlovukati netiphatsimandla letisetulu, kanye nebaholi bakaJuda neseJerusalema, tisebenti tetandla betisusiwe eJerusalema. ³ Watfumela lencwadzi legocotiwe ngesandla saElasah indvodzana yaShapan na Gemariah indvodzana yaHilkhiya Zedekhiya, inkhosi yakaJuda, yayimutfumele kuNebukhadinezari inkhosi yaseBhabhiloni. ⁴ Lencwadzi legocotiwe beyitsi, "Simakadze wemikhosi, Nkulunkulu waka Israyeli, usho konkhe loku kubo bonkhe batfunjwa lengibabangele kutsi bacoshwe eJerusalema baye eBhabhiloni, ⁵ 'Yakhani tindlu nihlale kuto. Hlanyelani tingadze nidle netitselo takhona. ⁶ Tsatsani bafati niphindze nitale emadvodzana nemadvodzakati. Nibese nitsatsela emadvodzana enu bafati, yendzisani emadvodzakati enu. Bayekeleni batale emadvodzana nemadvodzakati nandze kute ningabi bancane kakhulu. ⁷ Funani lokuthula kwalelidolobha lenginente nabalekela kulo, niphindze nicusisane nami emthantazweni egameni lalo ngoba nitoba nekuthula nangabe nalo linekuthula.' ⁸ Ngoba Simakadze wemikhosi, Nkulunkulu waka Israyeli utsi, 'Ningavumeli bapholofethi labakasemkhatsini wenu nebaphenguli banikhohlise, niphindze ningawalaleli lamaphupho nine lucobo lwenu lenibanawo. ⁹ Ngoba anipholophethela ngekukhohlisa egameni lami. Angikawatfumeli-Loku kushiwo Simakadze.' ¹⁰ Ngoba Simakadze usho loku, 'Lapho uma Bhabhiloni sekakubusile iminyaka lengemashumi lasikhombisa, ngitonincedza kutsi nente livi lami lelihle kute nitotibuyisa kulena ndzawo. ¹¹ Ngekuba mine matfupha ngiyawati emasu lenginawo ngani-loku kushiwo nguSimakadze-emasu ekuthula hhayi embhubhiso, kuninika likusasa nelitsemba. ¹² Lapho ke nitongibita, niphindze nihambe niyothantaza kimi, nami ngitonilalela. ¹³ Ngoba nitongifuna niphindze ningitfole, ngoba nitongifuna ngetinhlitiyo tenu tonkhe. ¹⁴ Ngitobese ngiyatfolwa ngini-Loku kushiwo NguSimakadze-ngulapho ngitobuyisa tinhlanhla tenu; Ngitonihlanganisa kusuka kuto tonkhe letive netindzawo lapho nganisakatela khona-loku kushiwo nguSimakadze-ngoba ngitonibuyisa endzaweni lapho nganenta nabalekela khona.' ¹⁵ Njengoba utsite Simakadze usiphakamisele bapholofethi eBhabhiloni, ¹⁶ Simakadze usho loku kulenkhosi lehleti esihlaweni sebukhosi saDavide nakubo bonkhe bantfu labahlala kulelo lidolobha, banakenu labangakaphumi nani ekutfunjweni- ¹⁷ Simakadze wemikhosi usho loku, 'bona, sengitotfumela inkemba, indlala, nesifo kubo. Ngoba ngitobenta batsandze umkhiwana lobolile lekabi nekutsi idliwe. ¹⁸ Ngitobese ngibalandzela ngenkemba, indlala, nesifo lesibulalako ngibente intfo lembi kutotonkhe tigodlo temhlaba-basabeke, intfo yekuchwenswa nekuncitfwa, nentfo lehlazisako etiveni tonkhe lapho ngimusakatele khona. ¹⁹ Loku kungoba abalilalelanga livi lami-Loku kushiwo nguSimakadze-lengikutfumele kubo ngetisebenti tami bapholofethi. Ngibatfumile kanengi, kepha anilalelanga-loku kushiwo nguSimakadze.' ²⁰ Ngako ke nine lucobo lwenu lalelani livi laSimakadze, nine nonkhe ticoshwa letasuka eJerusalema taya eBhabhiloni, ²¹ Simakadze wemikhosi, Nkulunkulu waIsrael, usho loku nga Ahabi indvodzana yaKolaiah na Zedekiah indvodzana yaMaaseiah, lonipholofetha ngemanga egameni lami: Bona, sengitobafaka esandleni sa Nebukhedinezari inkhosi yase Bhabhiloni. Utobabulala phambi kwemehlo enu. ²² Bese sicalekiso sitokhulunywa ngalabantfu laba ngibo bonkhe batfunjwa bakaJuda eBhabhiloni. Lesicalekiso sitotsi: Ungatsi Simakadze anganenta nifane na Zedekiah na Ahabi, inkhosi yase Bhabhiloni leyabosa emlilweni. ²³ Loku kutowenteka ngenca yaletintfo letihlazisako labatenta ka Israel lapho khona baphinga nebafati babomakhelwane babo bakhuluma nemanga egameni lami, tintfo lengingatange ngibalawule kutsi batisho. ngoba ngimi lowatiko; Ngingufakazi-loku kushiwo ngu Simakadze." ²⁴ "NgaShemiya wase Nehelamitha usho loku,: ²⁵ Simakadze wemikhosi, Nkulunkulu wa Israel usho loku: Ngekuba natfumela tincwadzi ngeligama lenu kubobonkhe bantfu eJerusalema, kuya ku Zefaniya indvodzana ya Masiya umpristi, kubobonkhe bapristi watsi, ²⁶ "Simakadze ukwente umpristi esikhundleni sa Jehoyada umpristi, kute wena ube sesikhundleni endlini ya Simakadze. Uphetse bonkhe labantfu labakhuluma kakhulu batente bapholofethi. Kumele nibafake emagibe nemaketane. ²⁷ Manje ke, leni ningamuhlubuki Jeremiah wase Anathothi, yena lotenta umpholofethi ngani? ²⁸ Ngoba usitfumelele eBhabhiloni watsi. 'Kutoba Sikhatsi lesidze . Yakhani tindlu nihlale kuto, nihlanyele netingadze nidle netitselo tato. ²⁹ "Zefaniya umpristi ufundza lencwadzi ecaleni la Jeremiya umpholofethi. ³⁰ Lase livi laSimakadze liyefika kuJeremaya litsi, ³¹ "Tfumela ligama kubo bonkhe labacoshiwe utsi, 'Simakadze usho loku mayelana na Shemaya wase Nehelamitha: ³² Ngoba Shemaya sonipholofethile lapho mine lucobo lwami ngingakamutfumi, futsi sewunente nakholwa nemanga, ngako ke Simakadze usho naku: Buka, Sengitojezisa Shemaya umuNehelamayithi kanye netitukulwane takhe. Kutobabete umuntfu wakhe lotohlala nalesive lesi. Ngeke akubone lolokuhle lengitokwentela bantfu bami-loku kushiwo nguSimakadze-ngekuba umemetele kuvukukela umumbuso wa Simakadze."