¹ Kwenteka ngalowo mnyaka, ekucaleni kwekubusa kwaSedekiya inkhosi yakaJuda, emyakeni wesine enyangeni yesihlanu, Hananiya umsa waAzuru umphrofethi, lebekabuya eGibiyoni, wakhuluma kimi asendlini yaSimakadze phambi kwebaphristi kanye nabo bonkhe bantfu. Watsi, ² "Simakadze wemabandla, Nkulunkulu wema Israyeli, utsi; ngiphule lijoke lebeliphocelelwe yinkhosi yaseBhabhiloni. ³ Eminyakeni lemibili ngitawubuyisela tonkhe timphahla talendlu yaSimakadze lapho khona Nebukhabudzari inkhosi yaseBhabhiloni atitsatsa kule ndzawo wase utihambisa eBhabhiloni. ⁴ Ngitawubese ngibuyisa kulendzawo Jehoyakhini indvodzana yaseJehoyakhimi, inkhosi yakaJuda, nato tonkhe tiboshwa takaJuda letatitfunyelwe eBhabhiloni-lena yimilayeto yaSimakadze-ngoba ngitawuphula lijoke lenkhosi yaseBhabhiloni." ⁵ Ngako umphrofethi Jeremiya wakhuluma nemphrofethi Hananiya phambi kwebaphristi naphambi kwebantfu bonkhe lababeme endlini yaSimakadze. ⁶ Umphrofethi Jeremiya watsi, ''Shangatsi Simakadze angakwenta loku! Shangatsi Simakadze angawacinisekisa lamavi lowaphrofethile aphindze abuyise kulendzawo letimphahla letitasendlini yaSimakadze nabo bonkhe labatfuntjwa eBhabhiloni. ⁷ Noma kunjalo, lalelani livi lengiwamemetalako ekuveni kwenu nasekuveni kwebantfu. ⁸ Baphrofethi labaphila ngephambili kwami nawe kudzala nabo baphrofetha ngetive letinengi baphindze bamelana nemibuso lemikhulu, ngetimpi, indlala, kanye nesifo. ⁹ Ngako lomphrofethi lotawu phrophetha atsi kutowuba nekuthula-uma lelivi lakhe litawuba liciniso, kutawubese kuyatiwa kutsi ungumphrofethi sibili lotfunyelwe nguSimakadze.'' ¹⁰ kodvwa umphrofethi Hananiya watsatsa lijoke entsanyeni yemphrofethi Jeremiya walephula. ¹¹ Hananiya wabese ukhuluma embikwe bantfu bonkhe watsi, '''Simakadze usho loku: njengaloku, eminyakeni lemibili ngitawephula lijoke entsanyeni lato tonkhe tive lelaliphocelelwe nguNebukhadnesari inkhosi yaseBhabhiloni.'' Ngako umphrofethi Jeremiya wachubeka nendlela yakhe. ¹² Emvakwekutsi umphrofethi alephule lelijoke entsanyeni yemphrofethi Jeremiya, livi laSimakadze leta kuJeremiya, latsi, ¹³ ''Hamba ukhulume kuHananiya utsi, '' Simakadze usho loku: wephule lijoke lesigodvo, kodvwa esikhundleni ngitowakha lijoke lensimbi. ¹⁴ ''Njengoba Simakadze wemabandla, Nkulunkulu wema Israyeli, watsi: ngibeke lijoke lensimbi entsanyeni yatotonkhe letive batosebenta yena Nebukhabnezari inkhosi yaseBhabhiloni, bato bese basebentela yena .Ngiphindze ngamnika tilwane telihlandze kutsi atibuse.'' ¹⁵ Kwalandzela umphrofethi Jeremiya watsi kumphrofethi Hananiya , ''Lalela Hananiya! Simakadze akakatfumi wena, kodvwa wena cobolwakho ubangele bantfu bakholwe emanga. ¹⁶ Ngako Simakadze watsi: Buka, sekudvutane kutsi ngingitawu kutfumela ngaphandle kwemhlaba. Utawukufa kulomnyaka, ngoba umemetele kumelana naSimakadze.'' ¹⁷ Kulowo mnyaka enyangeni yesikhombisa, umphrofethi Hananiya wase uyafa.