¹ Ekucaleni kwekubusa kwa Zedekiya indvodzana yaJosiya, Inkhosi yakaJudah, lelivi leta kuJeremiya libuya kuSimakadze. ² Nguloku Simakadze lakusho kimi, ''Tentele wena liketane nelijoko. uwabeke entsanyeni yakho. ³ Bese ubatfumela ngaphandle Enkhosini yase Edom, eNkhosini yase Moab, eNkhosini yebantfu base Amoni, eNkhosini yase Thayira, kanye naseNkhosini yase Sidoni. Batfumele ngesandla saleto titfunywa temakhosi letabuya eJerusalema tiya kuZedekhiya Inkhosi yakaJuda. ⁴ Nika imiyalo kubo walabaphatsi babo utsi, Simakadze wemikhosi, Nkulunkulu wema Israyeli,usho loku: Nguloko lokumele ukusho kubaphatsi benu. ⁵ Mine lucobolwami ngatentela umhlaba ngemandla lamakhulu kanye nemkhono wami lophakamisiwe. Ngabese ngenta emadvodza kanye netilwane emhlabeni, ngabese nginika nobengubani lolungile emehlweni ami. ⁶ Ngako nyalo, mine lucobolwami nginiketa tonkhe letive esandleni saNebukhadnezari Inkhosi yase Bhabhiloni, sisebenti sami. Phindze, ngiyanikela tintfo letiphilako emasimini kutsi timsebentele . ⁷ Ngoba tonkhe letive titamusebentela yena, Indvodzana yakhe, kanye nemutukulu wakhe wesilisa kute kufike sikhatsi selive lakhe. Bese tive letinyenti kanye nemakhosi lamakhulu kutawutfobela yena. ⁸ Ngako sive kanye nembuso longasebenteli Nebukhadnezari, Inkhosi yase Babhiloni, naloku ngafaki intsamo yako ngaphansi kwelijoko leNkhosi yase Bhabhiloni- ngitawusijezisa lelo sive ngenkemba, ngendlala, kanye nesifo lesibulalako- loku kushiwo nguSimakadze- ngite ngilibhubhise ngesandla sakhe. ⁹ Ngako ningabalaleli baprofethi benu, baphenguli benu, nebahumusho benu bemaphupho, nebabhuli bemlilo,labebakhuluma kini batsi,' Ningayikhonti Inkhosi yase Bhabhiloni.' ¹⁰ Ngoba baprofetha kukhohlisa kini kute banitfumele khashane nemave enu, ngitonikhweshisela khashane, futsi nitawukufa. ¹¹ Kodvwa lesive lelibeke intsamo yalo ngaphansi kwelijoko leNkhosi yase Bhabhiloni isebentele yona, ngitawusivumela siphumule eveni lalo- nguloku lokushiwo nguSimakadze- batawubese bayalilima baphindze bakhe emakhaya abo kulo. ¹² Ngako ngakhuluma kuZedekhiya Inkhosi yakaJuda ngamunika lomlayeto lona, ''beka tintsamo tenu ngaphansi kwelijoko leNkhosi yase Bhabhiloni usebentele yena nebantfu bakhe, futsi utawuphila. ¹³ utawufelani-wena nebantfu bakho-ngenkemba, ngendlala kanye nesifo lesibulalalako,njengoba sengishito ngalesive lesingafuni kusebentela Inkhosi yase Bhabhiloni? ¹⁴ Ungalaleli emavi elabaprofethi labakhuluma kuwe batsi, 'ungasebenteli Inkhosi yase Bhabhiloni, 'ngobe baprofetha emanga kuwe. ¹⁵ Ngoba angika batfumele ngephandle- loku kushiwo nguSimakadze- ngoba baprofetha kukhohlakala egameni lami kute Ngitawukucoshela ngaphandle futsi nitawubhubha, wena kanye nebaprofethi labaprofetha kini.''' ¹⁶ Ngamemetela loku kubaphristi nakubobonkhe bantfu ngatsi, Simakadze usho loku; Ningalaleli emavi emprofethi wenu lowaprofetha kini watsi, 'Buka! Letintfo letitendlu yaSimakadze tibuyisiwe Bhabhiloni manje!' Bafrofetha emanga kini ¹⁷ Ningabalaleli. kumele nikhonte Inkhosi yase Bhabhiloni futsi niphile. Kungayani lelidolobha leli libe ngumonakalo? ¹⁸ Uma babaprofethi, futsi nangabe lelivi laSimakadze lifike ngekweliciniso kubo, abancenge Simakadze wemikhosi angatfumeli eBhabhiloni letintfo letasala endlini yakhe, lendlu yeNkhosi yakaJuda, neJerusalema. ¹⁹ Simakadze wemikhosi usho loku ngaletinsika , lendishi lenkhulu leyatiwa''Ngelwandle'' kanye netisekelo talo, natotonkhe letintfo letisele kulelidolobha-- ²⁰ letintfo Nebukhadnezari inkhosi yase Bhabhiloni lengatitsatsanga uma aphetse Jehoyiyakhini indvodzana yaJehoyiyakhimi, Inkhosi yakaJuda,ekutfunjweni eJerusalema kuya Bhabhiloni nabobonkhe labakhulu bakaJuda neJerusalema ²¹ Simakadze wemikhosi,Nkulunkulu wemaIsrayeli, usho loku ngaletintfo letasala endlini yaSimakadze, lendlu yeNkhosi yakaJuda, neJerusalema, ²² Batawuletfwa eBhabhiloni, bese basala khona lena kute lelilanga lengilibekele bona lite kubo- nguloku lokushiwo nguSimakadze--ngitawubese ngitawubabuyisa etulu ngibabuyisele kulendzawo.''