¹ Leli livi lelefika kuJeremiya ngabo bonkhe bantfu baka Juda. Lefika ngemnyaka wesine waJehoyiyakhimu indvodzana yaJosiya, inkhosi yakaJuda. Loyo bekungumnyaka wekucala waNebkhednezari, inkhosi yase Bhabhiloni. ² Jeremiya umprofeth wamemetela loku kubo bonkhe bantfu baka Juda nabo bonkhe labahlala eJerusalema. ³ Watsi, ''Iminyaka lengemashumi lamabili nakutsatfu, kusukela eminyakeni lelishumi nakutsatfu waJosiya indvodzana yaAmoni, inkhosi yema Juda kute kube ngulelilanga, emavi aSimakadze abesolo eta kimi, futsi ngikhulumile kuwe emahlandla namahlandla kodwa awukalaleli. ⁴ Simakadze watfumela tonkhe tisebenti takhe baprofethi kuwe emahlandla nemehlandla, kodwa awukalaleli noma unakisise. ⁵ Labamprofethi laba batsi, ''Nguleyo naleyo ndvodza ayigucuke etindlela tayo letingakalungi kanye nekungcola netento takhe letikhohlakele abuyela eveni Simakadze lalinika bokhokho benu kanye nakuwe, njengesipho saphakadze. ⁶ Ningahambi emvakwalabanye bonkulunkulu nibadvumise nikhotsame kubo, futsi ningamusukeli ngemisebenti yetandla tenu kute anente lokubi. ⁷ Kodwa anikangilaleli mine - loku kushiwo nguSimakadze - ngako seningicalile ngemisebenti yetandla tenu kutsi ngente lokubi kini. ⁸ Ngako Simakadze wemikhosi usho loko, 'Ngoba ningakawalaleli emavi ami, ⁹ bona, ngitawutfumela umyalo yekuhlanganisa bonkhe bantfu base nyakatfo - loku kushiwo nguSimakadze - NaNebukhadinazaru sisebenti sami, inkhosi yase Bhabhiloni, ubaletse batokulwa nalelive kanye nalabahlala kulo, nato tonke tive letitungeletele nine. Ngobe ngibahlukanisele kubhujiswa. Ngitawubagucula babe ngumonakalo longagcini, intfo yekuphikiswa,konakala lokungapheli. ¹⁰ Ngitawumisa umsindvo wekujabula nemsindvo wekutfokota, umsindvo wemkhwenyane kanye nemsindvo wamakoti, umsindvo wematje lamakhulu nekukhanya kwelilambu. ¹¹ Bese konkhe kwalelive kutawuba ngumonakalo nenhlekelele, futsi letive leti titawusebentela inkhosi yaseBhabhiloni iminyaka lengemashumi lasikhombisa. ¹² Futsi kutawukwenteka uma iminyaka lengemashimi lasikhombisa seyiphelile, kutsi ngitawujezisa inkhosi yaseBhabhiloni nalesive lesi, nelive lemaKhalidi - loku kushiwo nguSimakadze- noma tiphambeko yabo utente intfo yekulahlwa lokungeyawuphela. ¹³ Ngako ngitawukwenta konke ngivikele lelalive nako konkhe lokwabhalwa encwadzini lena ngaJeremiya laprofetha ngako ngalelive. ¹⁴ Ngoba letinye tiveletinyenti nemakhosi lamakhulu atawenta tigcila taletive leti. Ngitawubakhokhela ngetento tabo nemisebenti yetandla tabo.''' ¹⁵ Ngobe Simakadze, Nkulunkulu wena Israyeli, washo loko kimi, ''Tsatsa nayindzebe yeliwayini lekutfukutsela esandleni sami bese wenta tonkhe letive kutsi lengikutfumela kuto kutsi tinatse. ¹⁶ Ngoba batawunatsa bayendze, bahlanye ngaphambi kwalenkemba lengiyitfumelela kubo." ¹⁷ Ngako ngitsatsa lendzebe esandleni saSimakadze, ngaphindze ngenta tonkhe letive langitfumele kuto Simakadze kutsi tinatse: ¹⁸ Jerusalema emadolobha ekaJuda, nemakhosi netiphatsimandla tawo - kanye nentfo yekwesabisa ngibaguculele ekonakaleni nasetintfweni letesabekisako naleticalekisako njengoba banjalo namuhla. ¹⁹ Naietinye tive nato bekumele tinatse: Faro inkhosi yase Gibhithe netisebenti takhe; tiphatsimandla takhe kanye nabo bonkhe bantfu bakhe; ²⁰ bonke bantfu betive letihlangene nawo onkhe emakhosi elive lase Uzi; onkhe emakhosi elive lase Filisti-Ashikeloni, Gaza, Ekroni, kanye nensalela yase-Ashidodi; ²¹ Edomu naMowabi kanye ne bantfu baka Amoni ²² Emakhosi ase Thayre ne Sidoni, emakhosi langasemaceleni kwelwandle, ²³ Dedane, Thema, kanye naBhazi nabo bonkhe labajuba tinwele emaceleni etinhloko tabo, bekufanele nabo balinatse. ²⁴ Onkhe emakhosi ase Alabhi kanye nawo onkhe emakhosi ebantfu betive letihlangene letiphila ehlane; ²⁵ Onkhe emakhosi ase Zimri, onkhe emakhosi aseElami kanye nawo onkhe aseMedesi; ²⁶ onkhe emakhosi ase nyakatfo, ladvutane nalakhashane - wonkhe umuntfu nemnakabo nayo yonkhe imibuso lekhona emhlabeni, bonkhe kwakufanele banatse kulendzebe lesesandleni saSimakadze. Ekugcineni, inkhosi yase Bhabhiloni nayo itawunatsa kuleyo ndzebe. ²⁷ Simakadze watsi kimi, ''Manje kumele ubatjele kutsi, 'Simakadze wemikhosi, Nkulunkulu wema Israyeli usho loku: Natsa udzakwe bese uyahlanta, uwe phansi ungavuki ngaphambi kwalenkemba lengitanitfumelela yona.' ²⁸ Kutokwenteka kutsi nabangafuni kutsatsa kulendzebe esandleni sakho banatse, utawutsi kubo, 'Simakadze wemikhosi usho loko: Kufanele niyitsatse ninatse. ²⁹ Bukani, sengitocala ngilethe umonakalo kulelidolobha lelibitwa ngeligama lami, nitawubese niyakholuleka yini nine lucobo lwenu ekujezisweni? Angeke nikhululeke, njengoba sengiletsa inkemba kubo bonkhe labahlala kulelive! - kusho Simakadze wemikhosi.' ³⁰ Kumele uprofethe onkhe lamagama onkhe lamagama lawa kubo, utsi kubo, 'Simakadze utobhodla kusuka etulu futsi utawutsetsa ngelivi lakhe endzaweni yakhe lengcwele yekuhlala, futsi utawubhodla ngemandla amelane nelive lakhe; futsi utawumemeta, njengalabo labasila emagilabisi amelelene nabo bonkhe labaphila emhlabeni. ³¹ Umsindvo wampi utawuphindzaphindza kute kube sekugcineni kwemhlaba, ngobe Simakadze uletsa licala kuletive futsi uletsa kuhlulela kuyo yonke inyama nalangcolile utababeka kulenkemba,- loku kushiwo nguSimakadze.' ³² Simakadze wemikhosi usho loko, 'Bukani, umonakalo wehlela kusuka esiveni kuya siveni, nesivunguvungu lesikhulu siyacala lena emacentselweni emhlaba. ³³ Bese bonkhe lababulewe nguSimakadze ngalelo langa batawu nweba ekucaleni kwemhlaba kute kube sekupheleni kwawo; angeke balilelwe, bahlanganelwe, noma bangcwatjwe. Bayawufana nebulongo phansi. ³⁴ Bhodlani, belusi, nimemetele lusito! Tigiciteni ngako emhlabatsini, nine baphatsi bemhlambi, ngobe emalanga enu ekuhlatjwa sewafikile; nitawusakatwa uma niwa njengekekunjwa lokuhle. ³⁵ Kute indzawo lapho belusi bayawubalekela khona, kutawuba bete kubaleka kubaholi balesicuku. ³⁶ Vanini kukhala kubelusi kanye nekubhodla kwebaholi besicuku, ngoba Simakadze ubhubhisa emadleloi abo. ³⁷ Kute emadlelo lanekutfula atawukhatsateka ngenca yekukwata lokukhulu kwaSimakadze. ³⁸ Njengelibhubesi lelincane, ushiye indzawo yakhe, live labo liyawubabete umonakalo ngenca yelulaka lwemcindzeteli, nangenca yentfukutselo kwakhe lokukhulu.'''