¹ Simakadze wangikhombisa intfoletsite. Buka, emabhaskidi lamabili emkhiwane abekiwe embikwendlu yaSimakadze.( Lombono wenteka emvakwekutsi Nebukhebneza, inkhosi yase Bhabhiloni, itfumbe Jehoyashini umsa wa Jehoyakhimu, inkhosi yaka Juda, tiphatsimandla taka Juda, emadvodza lanemakhono kanye netisebenti tetinsimbi tase Jerusalema wabaletsa eBhabhiloni.) ² Linye lalamabhaskidi emkhiwane lalikahle kakhulu, njenge mikhiwane yekucala levutsiwe, kepha lelelinye libhaskidi lemkhiwane lalikabi kakhulu kutsi lalingeke lidleke. ³ Simakadze watsi kimi, ''Ubonani Jelemiya?'' ngaphendvula ngatsi, ''imikhiwane. Imikhiwane lemihle kakhulu nemikhiwane lemibi kakhulu lengeke ikhone nekudleka.'' ⁴ Lase livi laSimakadze lifika kimi, litsi, '' ⁵ Simakadze, Nkulunkulu wema Israyeli, usho naku: ngitawubuka kuletitfunjwa taka Juda kute kube nemvuzo wabo, njengalemikhiwane lekahle, letitfunjwa lengititfumele ngaphandle kwalendzawo yase Chalidiya. ⁶ Emehlo ami ayawuhlala kubo kuze kube phakadze bese ngibabuyisela kulelive leli. Ngiyawubakha ngingababhidliiti. Ngitabahlanyela ngingabasiphuli. ⁷ Ngitabapha inhlitiyo yekungati, ngoba ngingu Simakadze. Batawuba bantfu bami nami ngitaba ngu Nkulunkulu wabo, bayawubese bagucukela kimi ngenhlitiyo yabo yonkhe . ⁸ Kepha njengalemikhiwana lekabi kutsi ingadliwa- nakulokushiwo nguSimakadze - ngitawenta ngalendlela naku Zedekhiya, inkhosi yaka Juda, netiphatsimandla takhe nayoyonkhe iJerusalema nalabo labatawuhlala kulelolive noma labatawuya kuyohlala eveni laseGibhithe. ⁹ Ngitawubenta babe yintfo letfusako, umonakalo, emehlweni ayoyonkhe imibuso yemhlaba, lihlazo kanye ne siga, inhlekisa, kanye nesicalekiso kuyoyonkhe indzawo lengitabayisa kuyo. ¹⁰ Ngiyawutfumela kubo inkemba, indlala netifo, baze babhujiswe kulelive lengabanika lona kanye nabokhokho babo.''