1 ''Nako ke kulabelusi lababhubhise phindze basakata tindvu teludlelo lwami-nguloku lokushiwo nguSimakadze. 2 ''Ngako ke Simakadze, Nkulunkulu wemaISrayeli, usho loku mayelana nebelusi labaluse bantfu bakhe, ''Nisakate umhlambi wami nase niyawumbalekisa. Awukawunakekeli. Ngako ngisato kujeziza ngalobubi lobentile-nguloku ngulokushiwo nguSimakadze. 3 Mine lucobo ngitawuhlanganisa lophilako umhlambi wami kuto tonkhe tive lapho ngibayise khona, kanye ngitawubese ngibabuyisela endzaweni yekudlela, lapho khona titawu khula phindze tandze. 4 Ngitawuva belusi kito labatotelusa kutsi tingasesabi nome tingabhubhi. Kute nayinye letolahleka-nguloku lokushiwo nguSimakadze. 5 Buka, ayeta emalanga- nguloku lokushiwo nguSimakadze- uma ngiphakamisa ligala laDavide lekulunga. Utawuphatsa njengenkhosi; utawenta ngekuhlakanipha bese wenta umtsetfo nekulungiswa eveni. 6 Ngalawo malanga Juda utawusindziswa, bese nema Israyeli ahlala ngekuphepha. Ngako ngilo lelibito latawubitwa ngalo: Simakadze ukulunga kwetfu. 7 Ngako ke buka, ayeta emalanga-nguloku lokushiwo nguSimakadze-lapho khona bangeke basho kutsi, 'Njengobe Simakadze aphila, lowakhokha bantfu baka Israyeli eveni laseGibhithe. 8 'Esikhundleni batotsi, 'Njengobe Simakadze aphila, lowaletsa phindze wabuyisa titukulwane tendlu yakaIsrayeli enyakatfo nelive kanye nato tonkhe tindzawo lapho khona beba mikiswe khona.' Ngako batawuphila endzaweni yabo.'' 9 Macondzana nebaphrofethi, inhlitiyo yami yephukile kimi, nawo onkhe ematsambo ami ayachachatela. Sengifanana nedvodza ledzakiwe, njengedvodza leliwayini lelimehlulile, ngeca Simakadze kanye nemagama akhe layigcwele. 10 Ngokuba lendzawo igcwele tiphingi. Ngenca yaloku lendzawo yomile. Lidlelo lasehlane loma. Letindlela talaba phrofethi tikhohlakele; emandla abo abawasebentisi ngendlela lekahle. 11 ''Bobabili baphrofethi kanye nebapristi bangcolile. Ngize ngatfola kukhohlakala kwabo endlini yami!-nguloku lokushiwo nguSimakadze- 12 ngako ke tindlela tabo titawufana nendzawo leshelelako ebumnyameni. Batawujikwa phansi. Batawuwela kiko. Ngiyawutfumela inhlekelelo kubo emnyakeni wabo wekujeziswa-nguloku lokushiwo nguSimakadze. 13 Ngokuba sengibabonile baphrofethi eSamariya benta loko lokukabi: Baphrofethe ngaBhali base bahola bantfu bami Israyeli bamdukisa. 14 Emkhatsini webaphrofethi eJerusalema ngibone tintfo letitfusako: Benta buphingi bese bahamba enkhohlakalweni. Bacinisa tandla talabo labenta lokubi; kubete namunye lophedvukele emuva ekwenteni kwakhe lokubi. Bonkhe babo sebafana njengeSodoma kimi kanye nebahlali njenge Gomora!'' 15 Ngako ke Simakadze wemabandla usho loku mayelana nebaphrofethi, ''Buka, Ngisetawubenta bandle lokubabako banatse emanti lanashevu, ngoba kungcola sekuphumile kubaphrofethi baseJerusalema kulo lonkhe live.'' 16 Simakadze wemabandla usho naku, ''Ungalaleli emagama ebaphrofethi labawaphrofetha kuwe. Banikhohlisile! Bamemetela imibono etingcodvo tabo, hhayi lokuphuma emlonyeni waSimakadze. 17 Bachubeka bakhulume kulabo mabangangihloniphi, 'Simakadze utsi kutoba nekutsula.' Kubo bonkhe labahamba ekhanini yetinhlitiyo tabo batsi, 'Kute lokubi lokutanehlela. 18 'Kodvwa ngubani loke wema ebandleni lemhlangano waSimakadze? Ngubani lobonako bese eve nelivi lakhe? Ngubani lonaka ligama lakhe bese uyalalela? 19 Buka, kunesivunguvungu lesichamuka kuSimakadze! Intfukutselo yakhe iphumela ngephandle, kuhusha kwesivunguvungu. Kuhusha kugegeleta tinhloko talabakhohlakele. 20 Lulaka lwaSimakadze ngeke incandzeke luze lufezeke bese uletsa kuphila etinhlosweni tenhlitinyo yakhe. Emalangeni ekugcina, utawukucondza kona. 21 Angikabatfumeli labaphrofethi. Bavela. Angikakhulumi lutfo nabo, kepha bachubekile baphrofetha. 22 Kodvwa kube bema ebandleni lemhlangano wami, bebatowenta bantfu bami beve livi lami; bebatawubenta bajikele emagamameni abo lakhohlakele kanye nekwenta lokubi. 23 Ngingu Nkulunkulu losedvute kuphela yini- nguloku lokushiwo nguSimakadze- phindze angisiye Nkulunkulu lokhashane? 24 Ukhona yini nobe ngumunye longabhaca endzaweni lefihlakele lapho ngingeke ngimbone khona?-nguloku lokushiwo nguSimakadze- angikaligcwalisi yini emazulu nemhlaba?-nguloku lokushiwo nguSimakadze. 25 Ngivile loku lokushiwo baphrofethi, labo lebeba phrofetha emanga egameni lami. Batsi, 'Ngineliphupho! Ngineliphupho! 26 'Kutawuchubeka kuze kubengunini, baphrofethi labaphrofetha emanga lachamuka etingcodvweni tabo, kanye nalabaphrofetha emanga etinhlitiyeni tabo? 27 Bahlela kwenta bantfu bami bakhohlwe libito lami ngalamaphupho labawabikako, ngamunye wabo kumakhelwane wakhe, njengoba labaphansi bakhohlwa libito lami ngentsadvo yelibito laBhali. 28 Lomphrofethi loneliphupho, muyekele alibike leliphupho. Kopha kuloyo lengikhulume kuye lutfo, myekele akhulume ngekwetsembeka livi lami. Yini emakhobe latoyenta ngenhlavu?- nguloku lokushiwo nguSimakadze- 29 emagama ami akafani yini nemlilo?- nguloku lokushiwo nguSimakadze- njenge sandvo lesibhidlita lidvwala libe tincetu? 30 Manje buka, Ngimelene nebaphrofethi- nguloku lokushiwo nguSimakadze- nobe ngubani loweba emagama kulomunye umuntfu bese utsi achamuke kimi. 31 Buka, ngimelane nebaphrofethi- nguloku lokushiwo nguSimakadze- ngubani losebentisa tilwimi tabo kuphrofetha tinkhulumo 32 Buka, ngimelane nebaphrofethi labaphupha inkhohliso- nguloku lokushiwo nguSimakadze- bese bayamemetela bese ngalena dlela bakhohlisa bantfu bami ngekukhohlakala kwabo nangekutikhukhumeta. Ngimelane nabo, ngoba angikabetfuli nome ngibanike imiyalo. Nobe kanjani ngeke babasite labantfu- nguloku lokushiwo nguSimakadze. 33 Nangabe labantfu, nome umphrofethi, nome umpristi akubuta, ''Yini inkinga saSimakadze?'' utawu kutsi kubo, 'Ungulenkinga, ngitawubese ngiyanilahla'- nguloku lokushiwo nguSimakadze. 34 Mayelana nebaphrofethi, bapristi kanye nebantfu labatsi, 'Ngulena lenkinga yaSimakadze' ngitawujezisa leyondvodza nendlu yakhe. 35 Uchubeke utsi, naloyo naloyo kumakhelwane wakhe phindze naleyo ndvodza kumnakabo, 'Waphendvula watsini Simakadze?. phindze 'Yini lokwashiwo nguSimakadze?' 36 Kepha ningasachubeki nikhulume 'nalenkinga yaSimakadze,' ngokuba lenkinga iligama layo yonkhe indvodza, phindze ugucule emagama aNkulunkulu lophilako, Simakadze wembandla, Nkulunkulu wetfu. 37 Naku lotawukusho kumphrofethi, 'Nguyiphi iphendvulo Simakadze lakunike yona?' nome 'Yini lakushito Simakadze?' 38 Kodvwa uma utsi, 'Inkinga yaSimakadze', naku lokushiwo nguSimakadze: Ngoba soshito lamagama, 'Lenkinga yaSimakadze,' mangikutfumela kuwe, ngitsi, 'Ngeke utsi, ''Lenkinga yaSimakadze,'' 39 ngako ke, bheka, ngisetawucukula bese ngiyakujika kudze kunami, kanye nalelidolobha lengakunika lona nabokhokho bakho. 40 Bese ngiyawubeka lihlazo laphakadze nenhlamba kuwe lengeke ikhohlakale.''