¹ Loku ngulokushiwo ngu Smakadze utsi, ''Hamba entansi endlini yeNkhosi yemaJuda wendlulise lamavi kubo. ² Utsi, Nkhosi ye Majuda, lalela livi laSmakadze- wena lohleti esihlalweni saDavide-wena, kanye netisebenti takho, kanye nebantfu bakho labangene kulelisango. ³ Simakadze utsi,'' Yentani kulungiswa kanye nalokulungile, kanye nawo wonkhe lowentelwe bucala- musindziseni esandleni semcindzeteli. Ningaphatsi kabi bantfu bekuhamba eveni lenu, noma nguyiphi intsandzane noma umfelokati. Ningenti budlova noma kucitseka ingati yebantfu labalungile kulendzawo. ⁴ Uma wenta letintfo ngekutsembeka, Inkhosi lehleti esihlalweni saDavide itongena emasangweni endlu igibele inkalishi kanye nemahhashi-yena, tisebenti takhe, kanye nebantfu bakhe!. ⁵ Kepha uma ungalaleli lawa mavi laphuma kimi lawo lesengiwashito- lawa mavi lashiwo nguSmakadze- lendlu yebukhosi itobhubha. ⁶ Ngako Simakadze usho loku mayelana nendlu yenkhosi yakaJuda, 'Ufana naGiliyadi, noma njenge ntsaba yase Lebanoni kimi. Kepha ngitokugucula ubelihlane , futsi nemadolobha langahlali bantfu. ⁷ Ngako ngikhetse emabutfo latakuhlasela! emadvodza netikhali tawo atokujuba tipheshula takho tiwele emlilweni. ⁸ Emvakwaloko tive letinyenti titokwendlula ngakulelidolobha.Nguloyo naloyo utotsi kulomunye,''kungani simakadze ente intfo lekanjena kulelidolobha?'' ⁹ Bese labanye bayaphendvula, ''kungoba balahla sivumelwano saSmakadze Nkulunkulu wabo babese bakhotsamela labanye bonkulunkulu babese badvumisa bona.'' ¹⁰ Ningamkhaleli lofile noma nimuzileli: kepha khala kabuhlungu kuloyo lotohamba ngoba utohamba angaphindzi abuye futsi angaphindzi abone live lakubo.' ¹¹ Ngako Simakadze usho loku nga Jehoahaz indvondzana ya Josaya inkhosi yakaJuda , lowaba yinkhosi esikhundleni sa Josayasi uyise wakhe,' Wahamba kulendzawo futsi akayophindze abuye. ¹² Utofela khona kulendzawo lapho bamuvalele khona , futsi akayophindze awubone umhlaba wakubo.' ¹³ Lulaka lakhe kuloyo lowakha indlu yakhe nge ngekukhohlakala, nemakamelo akhe laphakeme ngalokungakalungi ,loyo lowenta bomakhelwane bakhe bamsebentele mahhala, futsi akabaningi liholo. ¹⁴ Utsi,'' ngitotakhela mine indlulenkhulu ibe nemakamero langetulu. Ngako wanciphisa emafasitelo lamakhulu , wase uwakha ngespheshula, wabese uwapenda ngembala lobovu. ¹⁵ Ngiko yini loku lokukwenta inkhosi lekahle, kutsi ufuna kuba nemipheshula leminengi? Boyihlo nabo abazange yini badle phindze banatse , kepha benta bulunga neke kulunga? Tabese tintfo tibahambela kahle. ¹⁶ Wehlulela ngemusa walabaphuyile nalabeswele. Kwakulungile loko. Loku akusiko yini lokusho kwati mine ?-loku kwashiwo nguSmakadze. ¹⁷ Kepha kute lutfo emehlweni nase nhlitiyweni yakho ngaphandle kwekukhatsateka ngekutfola kwakho imali ngendlela lengakalungi phindze ucitse ingati lengenacala ,wentele kukhicita ngekudla emandla alabanye. ¹⁸ Ngako ke ngiko lokwashiwo nguSmakadze mayelana na Jehoiakim indvodzana ya Josiah, Inkhosi yakaJuda: Angeke bamtilele, batsi, 'Awu, mnaketfu noma 'Awu, dzadzewetfu!' Angeke bamtilele, batsi, 'Awu, skhulu! noma 'Awu, nkhosi!' ¹⁹ Utogcwatjwa ngendlela yetimbongolo, bamudonse phindze bamulahle ngaphandle kwemasango aseJerusalema. ²⁰ Hamba etulu entsabeni yase Lebanoni bese uyamemeta. Uphakamise livi lakho eBhashani. Memeta kusukela entsabeni yase Abarim, kute bonkhe bangani bakho batawubhujiswa. ²¹ Ngakhuluma nawe bewu phephile, kepha watsi , 'Angeke ngilalele.' Lena bekuyindlela yemphilo yakho kusukela ebusheni bakho, kepha awulalelanga livi lami. ²² Umoya utotsatsa tonkhe timvu, futsi nebangani bakho bato tsatfwa bonkhe. Emvakwaloko utoba nemahloni phindze uhlazeke ngato tonkhe tindlela takho tebumnyama. ²³ Wena lohlala 'eLebanoni,' etindlini letinemipheshula, uyovelwa kanjani uma buhlungu bemhelo bukufikela ,buhlungu lobufaniswa nebemfati nakabeleka!'' ²⁴ '' Lokungisaphila- lawa mavi aSmakadze- noma ngabe Jahoiachin indvodzana ya Jehoiakim, inkhosi yaka Juda , bekuyindandatho yesandla sami sangesekudla , ngitoyidzabula. ²⁵ Ngoba ngikunike sandla saloyo lofuna imphilo yakho phindze esandleni salabo bobesaba kadzeni, ngisho nasesandleni se Nebuchadnezzar inkhosi yase Bhabhiloni kanye neChaldeans. ²⁶ Ngitokulahla kanye nenyoko loyo lowakutala kulelinye live, lapho ungatalwanga khona , futsi lapho utokufa. ²⁷ Mayelana nalomhlaba labatofuna kuwubuyisa , angeke babuye lana. ²⁸ Lokukudzeleleka yini noma lidzwo lelifile? Lendvodza lengu Jehoiachin ilibhodo lelinga jabulisi muntfu yini ? Kungani bayilahlile yona nemndeni wayo,futsi babacitse ngaphandle emhlabeni labangawati? ²⁹ Sive, Sive, Sive! Vanini livi laSmakadze! ³⁰ Simakadze watsi, 'Bhala ngale Ndvodza lengu Jehoiachin: Utaba bete bantfwana. Angeke aphumelele kuleto tinsuku futsi kute ngisho munye etitukulwaneni takhe lototfola imphumelelo noma atfole sihlalo esihlalweni saDavide phindze abuse ngetulu kwa Judah.'''