¹ Livi lefika kuJeremiya lichamuka ku Simakadze, ngesikhatsi Inkhosi Zedekiah itfume Pashhur indvodzana ya Malkijah kanye na Zephaniah indvodzana ya Masiyeha umphristi kuye, batsi, base batsi ² ''Funani Seluleko ku Simakadze nimelele tsine, ngoba Nebuchadnezza Inkhosi yase Bhabheloni yakha imphi ngats. Mhlawumbe Simakadze utosentela ummangaliso, nje ngetikhatsi takadzeni, futsi utowumenta aphume kitsi.'' ³ Ngako Jeremiya watsi kubo, Naku lenimele nikusho ku zedekiah, ⁴ 'Simakadze, Nkulunkulu waka Israel, usho loku; Buka, Sengitawubuyisela letikhali tekulwa letisetandleni tenu, ngato lenilwa nenkhosi yase Babhiloni kanye ne Makhaledi lanivalela ngekhatsi bachamuka ngephandle kwetibondza! Ngako ngitawubahlanganisa emkhatsini walelidolobha. ⁵ Ngako mine lucobo lwami ngitokulwa nani ngesandla lesiphakeme futsi nemkhono lonemndla, nelulaka lolubi, nentfukutselo, nekukwata lokukhulu. ⁶ Ngiyawuhlasela labo labahlala kulelidolobha, emadvodza netilwane. Batawukufa babulawe tibhlungu letimatima. ⁷ Emvakwaloku- naku kumemetela kwa Simakadze- Zedekiah Inkhosi yakaJuda, tisebenti takhe , nebantfu, nabobonkhe labayawusala kulelidolobha emvakwalesifo, inkemba, kanye nedlala, Ngitawubanikela bonkhe esandleni saNebuchadnezzar Inkhosi yase Bhabhiloni, kanye nase sandleni salabo setitsa tabo, letifuna netimphilo tabo. Uyakubabulala ngenkemba. Akanawuba kubavela, kubacolela nome neluvelo.' ⁸ Ngako kulabantfu kumele utsi, Simakadze usho loku: Buka, Sengitawubeka embhikwenu indlela yekuphila kanye nendlela yekufa. ⁹ Noma ngabe ngubani lohlala kulelidolobha utokufa nge nkemba, indlala, nesifo lesibulalanako; kepha nomangabe ngubani lophumako abese uwa ngemadvolo embikwe Makhaledi lanivalele ngekhatsi utawuphila . Utawu phunyula ngemphilo yakhe. ¹⁰ Ngoba ngifulatselise buso bami kulelidolobha kute ngitewuletsa inhlekelele hhayi kuletsa lokuhle- Naku lokushiwo nguSimakadze. Kuniketwe esandleni senkhosi yasebhabhiloni futsi itawukushisa.' ¹¹ Mayelana nendlu yenkhosi yaka Juda, lalela livi laSimakadze. ¹² Yindlu ya Davide, Simakadze utsi, 'Letsani kulungiswa ekuseni. Sindzisani lona lowebelwe ngesandla semgcindzeteli, noma intfukutselo yami itohamba njengemlilo bese iyashisa, futsi kute namunye longawucima, ngenca yetento tenu letibi. ¹³ Buka, bahlali basesi godzini! Ngimelene nani, dvwala aletintsaba- lesi simemetelo saSimakadze- Ngimelene nanome ngubani lotsi, ''Ngubani lotokwehla phansi kutohlasela tsine?'' noma ''Ngubani lotongena etindlini tetfu?'' ¹⁴ Sengitfumelele titselo tetento tenu kutsi timelane nani-lesi simemetelo sasi Simakadze-futsi Ngitawu layida umlilo kulamahlatsini, bese udla yonkhe intfo lesemaceleni .''