¹ Livi laSimakadze lefika kimi, litsi, ² ''Wena, ndvodzana yemuntfu-Inkhosi Simakadze isho naku kubantfu baseveni laka Israyeli.'' 'Kuphela! Kuphela sekufikile kulemincele lemine yalendzawo. ³ Nyalo siphetfo sise tukwakho, njengobe ngitfumela lulaka lami kuwe, futsi ngiyakwehlulela ngendlela yetento takho; bese ngitawuletsa onkhe emahlazo akho phambi kwakho. ⁴ Ngobe emehlo ami angeke akuvele, futsi angeke ngikuyekele. Esikhundleni, ngitawuletsa tindlela takho phambi kwakho, futsi nemahlazo akho ayoba semkhatsini, kuze wati kutsi ngingu Simakadze. ⁵ Inkhosi Simakadze isho naku:Sehlakalo! Sehlakalo lesingakavami!Ngicinisle, siyeta. ⁶ Siphetfo nginisile siyeta.Siphetfo sinivukele.Ngicinisile, siyeta! ⁷ Sivunguvungu siyeta kini nine lenihlala kulendzawo. Sikhatsi sifikile; lilanga lembubhiso selidvute, futsi netintsaba angeke tisatfokota. ⁸ Nyalo ngaphambi kube kudze ngitawu kwehlisela lulaka lami etukwakho futsi ngitawugcwalisa intfukutselo etukwakho nangikwehlulela ngendlela yetento takho futsi ngiletse onkhe emahlazo akho phambi kwakho. ⁹ Ngobe emehlo ami angeke abuke ngeluvelo, futsi angeke ngikucolele. Njengobe wentile, ngitawukwenta kuwe; futsi emahlazo akho ayoba semkhatsini wakho kuze wati kutsi nguSimakdze, lolokujezisako. ¹⁰ Lalela, lelo langa! Lalela, liyeta! Sivunguvungu asisekho! Kwati sekuchakazile, kungati sekushabalele! ¹¹ Ludlame selikhule ekubeni nekukhohlakala-kubo, futsi kute kwemandla abo, kute kwemali yabo, futsi kute lokumcoka kwabo lokuyachuba! ¹² Sikhatsi siyeta; lelilanga selidvute. Ningavumeli umtsengi ajabule, nobe umtsengisi alile,njengobe lulaka lwami lisetukwabo bonkhe! ¹³ Ngobe umtsengisi angeke abuyele kulendzawo layitsengisile seloku bobabili basaphila, ngobe lomcondvo lomayelana nabobonkhe angeke babuyiswe emuva; futsi ngobe tono tabo, kute namunye loyawuciniswa! ¹⁴ Bashaya licilongo futsi benta konkhe kwema ngemumo, kodvwa kute namunye lotawushuca aye kuyolwa; njengobe lulaka lwami lusetukwabo bonkhe. ¹⁵ Inkemba ingephandle, futsi luchoko nendlala ingekhatsi kwalendlu.Labo labasensimini batawufa ngenkemba, ngesikhatsi sendlala futsi neluchoko litawubamba labo labasedolobheni. ¹⁶ Kodvwa labanye labasindza batawubaleka emkhatsini wabo, futsi batawuya etintsabeni. Njengematuba emadvwala, onkhe ayawulila-umuntfu ngamunye ngetono takhe. ¹⁷ Sonkhe sandla siyawutsamba futsi lonkhe lidvolo liyawucekegetela njengemanti, ¹⁸ futsi batawugcoka timphanhla temasaka, futsi nekwesaba kuyobengamela; futsi lihlazo liyawuba kubo bonkhe buso, futsi bayawuhhula tinhloko tabo ngelusizi. ¹⁹ Bayawulahla isiliva yabo etitaladini futsi negolide yabo iyawuba njenge tibi. Isiliva yabo negolide yabo angeke ikhone kubasindzisa ngelilanga lwentfukutselo ya Simakadze. Timphilo tabo angeke tisindze, futsi nendlala angeke yenele, ngobe tono tabo tibesivimbo lesicinile. ²⁰ Ekutikhukhumeteni kwabo batsatsa buhle bebucwebe bakhe, futsi nabo benta tithixo tabo, netintfo tabo letingabukeki. Ngako ke, ngigucula loku kuba tintfo letingcolile kubo. ²¹ Bese ngitawunika leto tintfo etandleni tebantfu leningabati njengemazibithi futsi nakulaba khohlakele balomhlaba njengemazibithi, futsi batobadzelela. ²² Bese ngitawugucukisa buso bami kubo nabedzelela indzawo yami yekujabula; tigebengu titawuyingena yona futsi tiyibhubhise. ²³ Yakha liketane, ngobe lendzawo ingcwele kwehlulelwa kwengati, nelidolobha ligcwele budlame. ²⁴ Ngako ke ngitawuletsa tive letikhohlakele kakhulu, futsi batawutsatsa tindlu tabo, futsi ngitawuletsa siphetfo ekutikhukhumeteni kwalomkhulu, ngobe tindlu tabo letingcwele angeke tisaba lutfo! ²⁵ Kwesaba kutawufika! Batawufuna kuthula, kodvwa kutababete. ²⁶ Sehlakalo etukwe sehlakalo sitawukuta, futsi kutawuba nesivungungu emvakwesivunguvungu. Batawufuna seluleko kuba prophet, kodvwa umtsetfo uyawunyamalala kuba prist futsi neteluleko kulabadzala. ²⁷ Inkhosi iyawulila futsi nelizinyane liyawugcoka lidzabukise, tandla talabantfu bakuleyondzawo tiyawuchachatela ngekwesaba. Ngetindlela tabo ngitawenta loku kubo! ngitabehlulela ngekwetigaba tabo kuze bati kutsi ngingu Simakadze.''