¹ Livi laSimakadze lafika kimi, litsi, ² "Ndvodzana yemuntfu, bhekisa buso bakho etintsabeni taka Israyeli bese uyaphrofetha kuto. ³ Utsi 'Tintsaba taka Israyeli Lalelani livi leNkhosi Simakadze! Inkhosi Simakadze isho loku kuletintsaba nemagcuma, kulemisele yemifudlana netigodzi: Bukani! Ngiletsa inkemba yekumelana nawe, futsi ngitawubhubhisa tindzawo tenu letiphakeme." ⁴ Ngakoke emalathi enu atawuba tindzala netinsika tenu titawubhujiswa, ngitawubese ngijika labafile benu phambi kwetithico tato. ⁵ Ngitawendlala tidvumbu tebantfu baka Israyeli embikwe tithico tato, futsi ngisakate ematsambo enu atungelete emalathi enu. ⁶ Yonkhe indzawo lawuhlala khona, emadolobha atawubhidlitwa kanye netindzawo letiphakeme titawonakala, kute emalathi enu abhidlitwe aphindze entiwe abebete lutfo. Ngako atawephulwa bese ayanyamalala, tinsika tenu titojutjwa futsi nemisebenti yenu itawususwa. ⁷ Labafile batowela phansi emkhatsini wakho utawubese uyati kutsi ngingu Simakadze. ⁸ Kodvwa ngitawgcina insali emkhatsini wakho, futsi kutawubakhona labatophunyula enkembeni emkhatsini waletive, uma sewusakatelwe emaveni. ⁹ Ngako labo labaphunyulile batongikhumbula emkhatsini wetive labetfunjelwe kuto, nekutsi ngeva buhlungu kakhulu ngebugwadla betinhlitiyo tabo letagucukela kudze nami, kanye nemehlo abo lagwadlela tithico tabo. Ngako batawu bese batjengisa kutenyanya ebusweni babo ngekukhohlakala lebakwentile ngetento tabo tekungcola. ¹⁰ Ngako batawungati kutsi nginguSimakadze. Kwakungalesizatfu kutsi ngiletse lobubi kubo. ¹¹ Inkhosi Simakadze isho loku: shayani tandla tenu niphindze ningcingce tinyawo phansi! Nitsi, 'kwanele!' ngoba konkhe lokubi nekukhohlakala kwendlu yakaIzrayeli! Ngako batawubhubha ngenkemba, ngendlala, nangesifo. ¹² Lona lokhashane utawubulawa tifo letingalapheki, bese lona losedvute utawubulawa yinkemba. Bese labo labasele futsi basindza batawubulawa yindlala. Ngaleyondlela ngifeza lulaka lwami kubo. ¹³ Ngako utawubese uyangati kutsi nginguSimakadze, uma babo labafile sebalele emkhatsini wetithico, batungeletele emalathi abo, etikwetintsatjana letiphakeme - esicongweni satotonkhe tintsaba, nangephansi kwatotonkhe tihlahla letitselako kanye nemokhi lobanti - kuletindzawo lapho bashisa imphepho bayishisela tithico tabo. ¹⁴ Ngitoshaya ngesandla sami lomhlaba ngiwente ubebete lutfo futsi ube tindzala, kusukela ehlane kuya eDiblah, kuyoyonkhe indzawo lapho baphila khona. Ngako batawungati kutsi nginguSimakadze.