¹ Lapho wena, ndvodzana yemuntfu, tisatsele inkemba lekhaliphe njengelezana yemuntfu lohhulanako, nengcise lelezana etukwetinhloko tenu kanye netilevu tenu, bese nitsatsa tikali kute nitokala phindze nigiyelane tinwele tenu. ² Shisani ngemlilo emahhafu lamatsatfu ekhatsi nelidolobha nase emalanga ekuhlaseleka sewaphelile, bese nitsatsa emahhafu lamatsatfu aletinwele bese niwashaya ngenkemba yonkhe indzawo kulelidolobha. Bese nisakata emahhafu lamatsatfu ato emoyeni, ngitobese ngikhipha inkemba yekucosha labantfu. ³ Kepha tsatsa linani lelincane letimwele kibo besi nilikhungela emabhandeni etingubo tenu. ⁴ bese nitsatsa letinye taletinwele nitilahlela ekhatsi emlilweni; bese niyatishisa kulomlilo; Kusuka lapho umlilo utosuka aye kutotonkhe tindlu taka Izrayeli.'' ⁵ Inkhosi Simakadze isho loku, "Lona nguJerusalema ekhatsi netive, lapho ngimubeke khona, futsi lapho ngimugegeletele khona naletinye tindzawo. ⁶ Kepha utse enkhohlakaleni wangiphikisa imigomo yami kwengca lendlela letive letente ngayo, nemiyalo yami kwengca lemave lamugegelete. Labantfu sebajikele tijubo tami futsi abasahambi ngemiyalo yami." ⁷ Ngako ke inkhosi Simakadze isho loku," Ngoba nihlupha kakhulu kwengca letive letisemaceleni kwenu futsi beningahambi ngemigomo yami noma nente ngente ngemiyalo yaletive letinigigegeletele, ⁸ ngako ke inkhosi Simakadze isho loku "Buka! Mine lucobo lwami ngitonijikela. Ngitokhipha tijubo emkhatsisini kwenu kute tive titobona. ⁹ Ngitonenta intfo lengingatange sengiyente futsi intfo lengingeke ngiyiphindze, ngenca yalemikhipha yenu lenyanyisako. ¹⁰ Ngako ke bobabe batodla labantfwana phambikwenu, nemadvodzana atodla boyise, ngoba ngitokipha sijubo kini bese ngisakata kutotonkhe tinhlangotsi tenu nonkhe nine lenisele. ¹¹ Ngako ke, ngisaphila-Loku kumemetelwa nguSimakadze-kungoba none indzawo yami lengcwele ngato tonkhe letintfo tenu tenzondo futsi ngaletento tenu letinyanyekako, lapho mine matfupha ngitoninciphisa ngenombolo; emehlo ami ngeke abe nekunivela, futsi ngeke nginishiye. ¹² Emahhafu lamatsatfu enu atofa ngetifo letingalapheki, futsi batocedvwa yindlala ephambikwenu. Emahhafu lamatsatfu atokuwa ngenkemba lenigegeletele. Ngitobese ngisakata emahhafu lamatsatfu kuto tonkhe tinhlangotsi, ngitobese ngikhipha nenkemba yekubalandzela futsi. ¹³ Lutobese lulaka lwami luyaphelela, futsi ngitobangela kutsi intfukutselo yami kubo iphumule. Ngitonetiseka, futsi batowati kutsi mine, Simakadze, sengikhulumile ngelulaka lwami lapho ngitobe sengikucedzile kutfukutsela kwami ngabo. ¹⁴ Ngitonenta tindzala nenhlekisa kuletive letinigegeletele emehlweni awowonkhe lowengcako. ¹⁵ Ngakoke Jerusalema utoba yintfo yalabanye bantfu kutsi bayigceke futsi bayidzelele, Sicwayiso, nekusabisa kutotonkhe letive letinigegeletele. Ngitokhipha sijubo ngani ngelulaka nentfukutselo, nangekukhuta kwentfukutselo-Mine, Simakadze sengimemetele loku! ¹⁶ Ngitokhipha butjoki lobundzima bendlala lobubhekiswe kini lokutoba yindlela lengitonibhubhisa ngayo. Ngoba ngitokhulisa lendlala kini ngiphindze ngephule nendlela yekutiphilisa. ¹⁷ Ngitonitfumelela indlala netehlakalo kute nibete bantfwana. Tifo letingalapheki nengati kutophuma kini, futsi ngitoniletsela inkemba-Mine Simakadze sengimemetele loku."