¹ Ngako-ke kwefika emnyakeni wesitfupha nase nyangeni yesitfupha, elangeni lesihlanu, ngisahleti endlini yami ngikanye nebaholi bakaJuda bahleti embhikwami, sandla seNkhosi Simakadze sehlela kimi. ² Ngabuka, ngabona intfo lenesimo semuntfu. Kusukela lapho lokwakungatsi kulikhalo lakhe kuyaphansi bekuvutsa umlilo. Kusukela elukhalweni lwakhe kuya etulu kwakubonakala shangatsi kuyamanyatela, njengensimbi lemanyatelako. ³ Welula loko lokwakungatsi sandla, wangibamba ngetinwele tenhloko yami; umoya wangiphakamisa emkhatsini wemhlaba nelizulu, wangitsatsa embonweni waNkulunkulu, wangiletsa eJelusalema, ekungeneni kwelisango langasenyakatfo, lapho kwakume sithico lesibanga umona lomkhulu. ⁴ inkhatimulo yaNkulunkulu wema-Israyeli yayi lapha embhikwami, njengase mbonweni lengambona etsafeni. ⁵ Wase ukhuluma kimi utsi, " ndvodzana yemuntfu, phakamisela emehlo akho enyakatfo.'' Ngako-ke ngaphakamisela emehlo ami enyakatfo, kanye nasekungeneni kwelisango lelilati, lapho ekungeneni ngabona lesithico lesibanga intfukutselo. ⁶ Wase ukhuluma kimi utsi, ndvodzana yemuntfu, uyabona yini kutsi bentani? Leli lihlazo lelikhulu lapha endlini yema-Israyeli leyingingicoshela khashane kakhulu nendzawo yami lengcwele. Kodvwa usetawujika bese ubone lamakhulu emahlazo. ⁷ Wase ungiyisa ekungeneni wesibuya, ngabona imbhobo elubondzeni. ⁸ Watsi kimi, " Ndvodzana yemuntfu, gubha lapha elubondzeni." ngase ngiyagubha elubondzeni, lapho ngabona umyango. ⁹ wase utsi kimi, " Hamba uyobona tintfo letimbi naletikhohlakele lebatentako lapha." ¹⁰ Ngako-ke ngase ngiya ngena ngabona umfanekiso etibondzeni yayonkhe intfo lenwabutelako, netilwane letenyanyekako, nato tonkhe tithico takaIsrayeli. ¹¹ Embhikwato bekume baholi labalishumi nesikhombhisa bendlu yaka Israyeli naJazaniya umusa waShefani abekhona emkhatsisini wabo. Bebeme imbhikwa letitfombe ngulowo nalowo abephetse sitja sekushisa imphepho, kwakutsaphuka lifu lemphepho liya etulu. ¹² Watsi kimi, " Ndvodzana yemuntfu, uyabona kutsi labaholi balendlu yaka-Israyeli bentani ebumnyameni? Ngamunye nangamunye wenta lokufihlakele egumbhini lesithico sakhe, Ngobe batsi, 'Simakadze akasiboni! Simakadze ulilahlile lelive."' ¹³ Wase utsi kimi, Phindze ujike bese ubuka imonakalo lenkhulu kangaka labayentako." ¹⁴ lokulandzelako wangiletsa ekungeneni kweligede lendlu yaSimakadze lesenyakatfo, Buka! Labafati bahleti bazilela Thamuzi. ¹⁵ Wase utsi kimi, " uyakubona loku, ndvodzana? Phindze ugucuke ubone inkhohlakalo lenkhulu kunale." ¹⁶ Wangingenisa esibuyeni lesisekhatsi nekhatsi endlini yaSimakadze, ngako ke! ekungeneni kwelithempeli laSimakadze emkhatsisini welihubhe nelilati, bekucishe kube nemashumi lamabili nesihlanu kwemandvodza, imihlane yabo ibheke ethempelini laSimakadze kanye nebuso babo bubheke ngasemphumalanga, beba khotsama lilanga. ¹⁷ Watsi kimi, "Uyakubona yini loku, ndvodzana yemuntfu? Kuyintfo lencane yini kutsi indlu yakaJuda yente inkhonhlakalo labayentako lapha? Ngobe bagcwalisa live ngeludlame phindze bagucuka bangiphocelela kutsi ngikwate, bahlohlela ligala emakhaleni abo. ¹⁸ Ngako-ke ngitawenta kanye nabo; emehlo ami ngeke abe neluvelo, futsi ngeke ngibavele. Noma bangakhala etindlebeni tami ngelivi lelikhulu, Angeke ngibeve,"