1 Emnyakeni wemashumi lamabili nesihlanu wekutfunjwa kwetfu ekucaleni kwemnyaka ngelilanga lelishumi lenyanga, emnyakeni welishumi nakune emvakwekuba lelidolobha litfujwa - ngalona lelolanga, sandla saSimakadze sasisetikwami futsi wangitsatsa khona lapho. 2 Ngemibono lechamuka kuNkulunkulu wangiletsa endzaweni yakaIsrayeli. Wangiletsela kuphumula entsabeni lephakeme kakhulu; nasenyakatho lapho bekubonakela kuvela takhiwo telidolobha. 3 Wase ungiletsa khona lapho, Buka, indvodza! Kuvela kwayo kwaba shengatsi kuvela kwelitfusi. Ilineni yentsambo nendvuku yekukala bekusetandleni takhe, wase uma esangweni lelidolobha. 4 Lendvodza yatsi kimi, "Ndvodzanza yemuntfu, buka ngemehlo akho u lalela ngetindlebe takho, ubeke ingcodvo yakho kuko konkhe lengitakwembula kuwe, ngoba waletfwa lana khona ngitakwembula kuwe. Bika konkhe lotokubona kulendlu yakaIsrayeli." 5 Bekunelubondza lutungeletela indzawo yelithempeli. Lobudze balendvuku yekukala esandleni salendvodza bekungemamitha lamatsatfu. Lilinye limitha bekulimitha nenkhalo yebudze besandla. Wase ukala lolubondza, futsi beluyindvuku yinye bubanti kanye nedvuku yinye kuphakama. 6 Wase uyesangwemi lelithempeli lelibuke empumalanga. Wenyuka titebhisi talo wase ukala lesisekelo salelisango - yidvuku yinye kuyaphansi. 7 Lamagumbi abogadzi bekuyindvuku yinye budze nayinye indvuku bubanti; bewamabili nencenye emamitha emkhatsini wamabili emagumbi abogadzi, nalesisekelo salelisango lelithempeli ngencenye lencane yeluphahla bekuyindvuku yinye kushona phansi. 8 Wakala incenye lencane yelisango; bekuyindvuku yinye ngebudze. 9 Wakala incenye lencane yelisango. Bekuyindvuku yinye kushona phansi. Emakona esivalo ebelinganiselwa kulinye limitha bubanti. Lena bekuyincenye lencane yelisango ibuke lithempeli. 10 Betitintsatfu emagumbi abogadzi kutotonkhe tinhlangotsi telisango lempumalanga, futsi ngalinye lawo belinesilinganiso lesifananako, naletibondza lebetehlukanise tona betinetilinganiso letifanako. 11 Yase lendvodza ikala bubanti bendlela yekuphuma yelisango - emamitha lasihlanu; wase ukala nebudze bendlela yekuphuma yelisango - emamitha lasikhombisa. 12 Wakala lolubondza beligibele ngaphambili kwemagumbi abogadzi - lalilinganiselwa ehhafini yelimtha kuphakama. Lamagumbi abogadzi akalwa ngemamitha lamatsatfu ngalinye lihlangotsi. 13 Wase ukala indlela lesuka ephahleni layinye indlu yabogadzi kulenye lelandzelako- emamitha lalishumi nakune, kusukela ekungeneni kwendlu yabogadzi yekucala kuya kuyesibili. 14 Wase ukala lolubondza loluhamba emkhatsini waletindlu tabogadzi - emamitha langemashumi lamatsatfu nakubili budze; wakala kwate kwayofika kuncenye lencane yelisango. 15 Ekungeneni ngembili kwelisango kuya ekugcineni kwencenye yelisango bekumemamitha langemashumi lamabili nesikhombisa. 16 Bekunemafasitelo lavaliwe nawuya endlini yabogadzi noma uya etinsikeni tabo ngekhatsi kwalamasango onkhe latungetitile; njengeminyango levalekile. Bekunemafasitelo ndzawotonkhe ngekhatsi, futsi ngalinye lihlangotsi lesivalo belihlotjiswe ngemasundvu. 17 Yase lendvodza ingibeka ngaphandle kwelibala lelithempeli. Buka,bekunemagumbi, futsi bekunendlela yekuhamba kulelibala, nemashumi lamatsatfu etindlu eceleni kwaletindlela tekuhamba. 18 Letindlela tekuhamba tenyukela etinhlangotsini talamasangu, futsi bubanti bawo bebufana nebudze balamasangu. Lawa bekumasentselo lehlile. 19 Yase lendvodza ikala lobudze lobusuka ngembili kwelisango leliphansi kakhulu kuyangembili kwelingekhatsi kwelisango; bekulikhulu lemamitha ngasehlangotsini lempumalanga, nalokufanako ehlangotsini lenyakatfo. 20 Wase ukala budze nebubanti belisango lebelisenyakatfo ngephandle kwenkantolo. 21 Betititsatfu tindlu tabogadzi nhlangotsi tonkhe telisango, nalelisango futsi nencenye yalo lencane yakalwa lokufanako njengelisango lelikhulu- lokungalinganiselwa emashumini lasihlanu emamitha ngebudze bonke nemamitha langalinganiswela emashumini lamabili nesihlanu bubanti. 22 Emafasitelo awo, yincenye lencane yeluphahla, tindlu tabogadzi, lisundvu tacondzana nalelisango lebelibuke empumalanga. Tinyatselo letisikhombisa taya etulu kiwo kanyenencenye lencane yelupha. 23 Bekunelisango kulelibala lelingekhatsi ngembili kwelisango lelibuke enyakatfo, futsi kanjalo bekunelisango empumalanga; lendvodza yakala kusukela kulinye lisango kuyakulelinye lisango- emamitha lalikhulu ngobudze. 24 Lokulandzelako lendvodza yangiletsa ngasekungeneni kweningizimu, netibondza tawo kanye nencenye yeluphahla yakalwa ngalokulinganako njengalamanye emasango angaphandle. 25 Bekunemafasitelo lavaliwe endleleni yelisango nencenye yeluphahla njengasesangweni. Lelisango lempumalanga kanye nencenye yeluphahla yakalwa emamitha lalinganiselwa emashumilamabili nesikhombisa ngebudze kanye nemamitha langalinganiswe eshumini nakune bubanti. 26 Bekunetitebhisi letisikhombisa kuyetulu esangweni kanye nencenye lencane yeluphahla, bekulusundvu lelibatiwe etibondzeni nhlangotsi tonkhe. 27 Bekunelisango ngelingekhatsi kwelibala ngasehlangotsini leningizimu, nalendvodza yakala kusukela kulelosango kuyesangweni ekungeneni kweningizimu- emamitha lalikhulu ngobudze. 28 Yaselendvodza ingiletsa ebaleni lelingekhatsi ngendlela yalo lisango leningizimu,lelinetikalo letifafanako njengalamanye emasango. 29 Tindlu tabogadzi talo, tibondza netincenye teluphaha takalwa lokufanako njengalamanye emasango; bekumafasitelo latungelete lonkhe loluphahla. Lelingekhatsi lalelisango nelencenye yelupha yakalwa yalinganiselwa emamitheni langemashumi lamabili nesikhombisa budze nemamitha langalinganiselwa eshumini nakune bubanti. 30 Bekunetincenye letincane teluphahla kuto tonkhe tibondza tangekhatsi; letibetingalinganiselwa emamitheni lalishumi nakune budze naletingalinganiselwa emamitheni lamatsatfu ngebubanti. 31 Lencenye lencane yeluphahla beyibuke lobungephandle belibala ngelusundvu letibatiwe etibondzeni tato netitebhisi letisiphohlongo kuyetulu kwato. 32 Yaselendvodza ingiletsa ngelingekhatsi lelibala ngasendleleni yempumalanga futsa yakala lisango, lelinentikala letifanana nalamanye emasango. 33 Tindlu tato tabogadzi, tibondza kanye netincenye teluphahla takalwa lokufanana nalamanye emasango, futsi bekunemafasitelo ndzawotonkhe. Lelisango lelingekhatsi nencenye yeluphahla yakalwa emamitha langalinganiselwa emashuminilamabili nesikhombisa ngebudze kanye nemamitha langalinganiswelwa eshumini nakune ngebubanti. 34 Luphahla layo belubuke ngphandle kwelibala; bekunelusundvu eluhlangotsi lwayo futsi netitebhisi kuyetulu kwayo. 35 Lokulandzelako lendvodza yangiletsa esangweni lenyakatfo futsi yalikala; yakalwa lokufanana nalamanye emasango. 36 Tindlu talo tabogadzi,tibondza,kanye netincenye teluphahla takalwa lofanako nalamanye emasango, futsi bekunemafasitelo ndawozonke. Indlela yekuphuma nencenye yeluphahla yakalwa emamitha langalinganiselwa emashumilamabili nesikhombisa ngebudze kanye nemamitha langalinganiselwa eshumini nakune bubanti. 37 Luphahla lwayo lelincane belibuke lingephandle lelibala; belinemasundvu nhlangotsi tonkhe netitebhisi letisikhombisa kuyetulu. 38 Bekuneligumbi nesivalo ngayinye yelingekhatsi etindlela tekuphuma. Lana kulabebawasha khona lomnikelo loshile. 39 Bekunematafula lamabili ngalinye lihlangatsi lalunye luphahla, lapho lomnikelo loshile wahlatjwa khona , kanye futsi nemnikelo wesono nemnikelo wekutisola. 40 Ngalelibonda lelibala, kunyukela ngasesangweni enyakatho, bekunematafula lamabili. Futsi kulelinye luhlangatsi bekunemafasitelo lamabili esangweni lencenye yeluphahla. 41 Bekunematafula lamane nhlangotsi tonkhe ngasesangweni; bahlinza tilwane etafuleni lesiphohlongo. 42 Bekunematafula lamane ematje lajutjiwe aleminikelo leyasha,kanenye nebudze lobuphose bulinganiswe nelimitha, nebubanti lobuphose bulinganiswe nelimitha, kanye nebudze lobuphose buye emitheni. Kubo babekalamathulusi labahlinza leminikelo leshiwe yalemihlatjelo. 43 Emagala lamabili langalinganiselwa ngebudze besandla bewakhungelwe kuncenye yeluphahla ndzawotonkhe, nalenyama yalomnikelo itobekwa ematafuleni. 44 Ngelingephandla lalelisango langekhatsi, ngekhatsi kwelibala, bekunemagumbi ebahlabeleli, yinye ngasehlangotsini lenyakatho libukene neningizimu, nalelenye ehlangotsini leningizimu libukene nenyakatho. 45 Yaselendvodza itsi kimi, "Lendlu lena lebukene neningizimu yabapristi labasemsebenti ethempelini. 46 Lendlu lebukene nenyakatho yebapristi labasemsebentini elati. Lawamadvodzana aZadokhi loyedvute naSimakadze kumkhonta; banemadvodzana aLevi. 47 "Lokulandzelako wakala lelibala- walinganiselwa emamitheni lamashumi lasihlanu nakune ngebudze kanye nemamitha langemashumi lasihlanu nakune bukhulu ngesikwele,neli alita embikweli kwendlu. 48 Yaselendvodza ingiletsa kuncenye yeluphahla lendlu futsi wakala emakhona eminyango- bewangalinganiselwa emamitheni lamatsatfu bukhulu ndzawo tonkhe. Lendlela yekungena yona beyilinganiselwa emamitheni lasiphohlongo ngebubabti, kanye netibonsza ngalinye lihlangotsi yalo bewalinganiselwa emamitheni lamabili ngebubanti. 49 Lobudze balencenye yeluphahla beyilinganiselwa emamitheni lalishumi nakunye, futsi kushona phansi kwawo bekulinganiselwa emamitheni lasitfupha. Bekunetitebhisi letenyukako kanye nemigca lebeyimisiwe etinhlangotsi tayo.