¹ "Nyalo ke, wena ndvodzana yemuntfu, pholofetha umelelane naGogi utsi, 'Inkhosi Simadze isho naku: Buka! Ngimelelene nawe Gogi, sikhulu sase Meshechi nase Thubhali. ² Ngitokusuluta ngibese ngiyakwelusa; Ngichamuka nawe khashane enyakatfo ngikubhekise etintsabeni taka Izirayeli. ³ Ngitobese ngiwisa butjoki etandleni takho, sangesencele nesangekudla. ⁴ Utowela etintsabeni taka Izirayeli-wena kanye nawo onkhe lama masotja lanawe. ⁵ Ngitokunikela udliwe ngemangce netilwane tesiganga. ⁶ Utowela ebaleni, ngoba mine lucobo ngishonjalo-loku kumemetelwa yinkhosi Simakadze. Ngitobese ngitfumela umlilo eMagogi nakulabo labaphila ngekuphepha esentseni lwelwandle, batobese bayati kutsi nginguSimakadze. ⁷ Ngoba ngitowenta ligama lami lelingcwele latiwe ebantfwini bami Izrayeli, ngitobese sengiyala kutsi ligama lami lelingwele kudlalwe ngalo; tive titowati kutsi nginguSimakadze, longcwele eEzirayeli. ⁸ Buka! Lelisuku liyeta, futsi litowenteka-loku kumemetelwa nguSimakadze. ⁹ Labo labahlala emadolobheni aka Izrayeli batophuma basebentise tikhali kute bacale imililo babashise-emahawu lamancane, emahawu lamakhulu, butjoki, netindvuku, kanye netikhali; batowenta imililo ngato iminyaka lesikhombisa. ¹⁰ Angeke batfote emataleni nome bajube tinkhuni emahlatsini, ngoba batoshisa letikhali; batotsatsela labo bebafuna kutsatsela bona; batotitika kulabo bebatotikika kubo-loku kumemetelwa nguSimakadze." ¹¹ kutobese kuyenteka ngalelo langa lapho ngitowentela khona Gogi indzawo-lithuna kaIzrayeli, sigodzi salabo labahamba baya emphumalanga yelwandle. litovimbela labo labafisa kwewela. Laphoke batongcwaba Gogi kanye neticuku takhe. Batoyibita ngekutsi sigodzi saHamoni Gogi. ¹² Kutowengca tinyanga letisikhombisa solo indlu yaIzrayeli itobangcwaba kute kuhlanteke lendzawo. ¹³ Ngoba bonkhe bantfu balendzawo batobangcwaba; kutoba lilanga labo lelikhumbulekako uma sengikhatimuliswa-loku kumemetelwa ngusimakadze. ¹⁴ Batobese bakhetsa emadvodza kutsi bachubeke nekuzula lendzawo, kutotfola labo bebavakashe batengcela, kepha lababese bayafa tidvumbu tabo tasala ebaleni lalendzawo, kute batewubangcwaba, kute kuhlanteke lendzawo. Ekupheleni kwenyanga yesikhombisa batocala lokuphenya kwabo. ¹⁵ asengca kulendzawo lamadvodza, uma babona nomangabe nguliphi litsambo lwemuntfu, batobeka luphawu ngakulo, kuze bantfu labagubha emadliza bete bawangcwabe sigodzini sase Hamonahi. ¹⁶ Kutoba nelidolobha lapho lelibitwa ngekutsi yiHamonahi. Ngalena ndlela batohlanta lendzawo. ¹⁷ Nyalo ke, ndvodzana yemuntfu, inkhosi Simakadze isho naku: Tsani kutotonkhe tinyoni letinetimphiko nakutotonkhe tilwane tesiganga emataleni, 'Hlanganani ndzawonge bese niyeta. Hlanganani nisuke kuyo yonkhe indzawo nitowenta umhlatjelo lona mine lucobo lwami lenginentela wona, umhlatjelo lomkhulu etintsabeni taka Izrayeli, Kute nitodla inyama bese ninatsa ingati. ¹⁸ Nitodla inyama yemasotja bese ninatsa ingati yemadvodzana emakhosi alomhlaba; batoba timvu, emazinyane, timbuti, kanye netinkundzi, tonkhe takhuluphaliswa eBhashani. ¹⁹ Nitobese nidla emanoni nize nenele; nitonatsa ingati nize nidzakwe; nguloku lokutoba ngumhlatjelo lengitobe nginihlabela wona. ²⁰ Nitonetiseka etafukeni lami ngelihhashi, inkalishi, emasotja, nayo yonkhe indvodza yemphi-loku kumemetelwa ngusimakadze.' ²¹ Ngitobeka ikatimulo yami etiveni, titobese tonkhe tive tiyabona sijubo sami kanye nesandla sami lengisibeke bona. ²² Indlu yaka Izrayeli itowati kutsi nginguSimakadze Nkulunkulu wabo kusukela ngalelo langa. ²³ Letive titowati kutsi indlu yaka Izrayeli yaboshwa ngenca yemacala ayo ngekutsi bangijikele, Ngakoke ngafulatselisa buso bami ngabanikela etandleni tetitsa tabo kute batowa ngenkemba bonkhe. ²⁴ Ngabenta ngendlela lebebangakahlanteki ngayo kanye netono tabo, nagibafulatselisela buso bami. ²⁵ Ngakoke inkhosi Simakadze isho naku: Nyalo ngitobuyisela sikhundla saJakobe, ngitobese ngiba neluvelo endlini yonkhe yaka Izrayeli, lapho nangenta siciniseko sekutsi ligama lami lelingcwele lihlonipheke. ²⁶ Lapho batocondzana nemahlazo abo kanye nabobonkhe lobucala bekutsi bangivukela bangijikela. Batokhohlwa konkhe loku nabaphumula endzaweni yabo baphephile, kube kute lotobatfusa. ²⁷ Nangibabuyisela ngibasusa ebantfwini ngiphindze ngibahlanganisa ngibasusa emihlabeni yetitsa tabo, ngitotiveta ngingulongcwele emehlweni etive tami. ²⁸ Batobese bayati kutsi nginguSimakadze Nkhulunkulu wabo, ngoba ngabatfumela kutsi bayovalelwa etiveni, Kepha ngitobahlanganisa ngibabuyise endzaweni yabo. Angeke ngishiye ngisho munye etiveni. ²⁹ Angeke ngisabafulatselisela buso bami nangitsela umoya wami endlini yaka Izrayeli-loku kumemetelwa yinkhosi Simakadze."