¹ Livi laSimakadze lefika kimi, litsi, ² ''Dvodzana yemuntfu, bhekisa buso bakho ku Gogi, live lase Magogi, inkhosana yendvuna yase Mesheki neThubali; bese uyaphrofetha umelane naye. ³ Tsani, 'Inkhosi Simakadze isho loku: Bheka! ngimelene nawe, Gogi, nkhosana yendvuna yase Mesheki ne Thubali. ⁴ Ngako ngitakujikisa bese ngibeka emahuka kumhlatsini wakho; ngitawutfumela wena nelibutfo lakho ngaphandle, emahhashi, nebagibelibawo, bonkhe bambatse baphelela netikhali, nemkhambatsi lomkhulu nemahawu lamakhulu kanye nalamancane, bonkhe babambe tinkemba! ⁵ Pheresiya, Kushe, neLibya inabo, bonkhe banemahawu kanye netigcoko! ⁶ Gomer kanye nalo lonkhe libutfo lakhe, neBeth Togarmah, etindzaweni takhashane tasenyakatfo, kanye lalo lonkhe libutfo lakhe! Banyeti bantfu laba nawe! ⁷ Tilungiselele! Yebo, tilungiselele wena nemabutfo akho lahlangene nawe, bese uba ngumholi wabo. ⁸ Utakubitwa emva kwemalanga lamanyenti, bese emva kweminyaka utawuhamba uye eveni leselibuyele esimeni enkembeni laloko leku hlanganiswe ebantfwini labanyenti, babutsana babuyela emuva entintsabeni taka Israyeli lebetisolo tichubeka kuba indzala. Kepha labantfu balelive batakhishwa kulabantfu, batawuhlala ekuphephile, bonkhe! ⁹ Ngako utakuya etulu njenge siphepho; uyawufana nelifu lelibhonye lelive, wena nalo lonkhe libutfo lakho, nawo onkhe lamasotja lamanyenti lanawe. ¹⁰ Inkhosi Simakadze isho loku: kutewenteka ngalelo langa uma kutsi tinhlelotitawucala enhlitiyo, utawenta emachinga ekukhohlakala,' ¹¹ Ngako utawutsi, 'Ngako ngitakuya etulu kulelive lelivulekile; Ngiyakuya ebantfwini labatsulile labahlala ekuphepheni, bonkhe babo labaphila lapho khona kute tibondza nome tinsimbi tekuvikela, nalapho lakute khona emasango elidolobha. ¹² Ngiyawubamba emagugu abo bese ngiyeba umcebo wabo, ngite ngiletse sandla sami simelane nalebhutjiso lese inebahlali labasha kutsi ngimelane nebantfu labahlanganiswe etiveni, bantfu labatfola inzunzo yenfuyo nemhlaba, kanye nalabo lophila ekhatsini wemhlaba.' ¹³ Sheba naDedan, neba shintjisi base Tarshish kanye nawo onkhe emabutfo lamancane batakutsi kuwe, 'Ute kutohlasela? Sowahlanganisile yini emabutfo akho kutsatsa konakala, kwetfwala isiliva neligolide, batsatse infuyo yabo nemhlaba nemagugu lamanyenti?' ¹⁴ Ngako ke phrofetha, ndvodzana yemuntfu, utsi ku Gogi, Inkhosi Simakadze isho loku, ngalelo langa, uma bantfu bami Israyeli baphila ngekuphepha, ngeke yini ufudze ngabo? ¹⁵ utokuta endzaweni yakho khashane nenyakatfo nelibutfo lelikhulu, bonkhe bagibele emahhashini, babanyenti, libutfo lelikhulu. ¹⁶ Uyakuhlasela bantfu bami Israyeli njenge lifu lelimbonye live. Emalangeni ekugcina ngiyakuletsa endzaweni yami, kute letive titangati mangitibonakalisa ngawe, Gogi, ubengcwele emehlweni abo. ¹⁷ Inkhosi Simakadze isho loku: Akusuwe yini lengakhuluma nawe emalangeni landlulile ngesandla setisebenti tami, baphrofethi baka Israyeli, laba phrofetha ngesikhatsini sabo iminyaka kutsi ngitakuletsa umelane nabo? ¹⁸ Ngako kutewufika ngalelo langa lapho Gogi ahlasela lelive laka Israyeli- nguloku lokushiwo yiNkhosi Simakadze- intfukutselo yami iyawuphakama ekukwateni kwami. ¹⁹ Ngeshisekelo yami kanye nasemlilweni wekukwata kwami, ngiyamemetela kutsi ngalelo langa kuyakuba nekutamatama kwemhlaba lokukhulu eveni laka Israyeli. ²⁰ Batekunyakata phambi kwami- inhlati telwandle netinyoni tesibhakabhaka, tilo temansimi, kanye nato tonkhe tidalwa letihamba emhlabeni, kanye nawonkhe muntfu losemhlabeni walelive. Tintsaba tiyojikwa phansi nemawa ayowa, kuze lonkhe libondza liwe emhlabeni. ²¹ Ngiyakubita inkemba imelane naye kuto tonkhe tintsaba tami- nguloku lokushiwo iNkhosi Simakadze- inkemba yantinye indvodza iyewumelana nemnakabo. ²² Ngako ngitemehlulela ngesifo nengati; nendvula legeletako nesangcotfo kanye nelulaka loluvutsako ngitawehlisela phansi kanye nemabutfo akhe kanye naletive letinyenti. ²³ Ngoba ngitakutjengisa bukhulu bami nebungcwele bami futsi ngitawutenta ngatiwe emehlweni aletive letinyenti, batawukwati kutsi ngingu Simakadze.''