¹ Yase lendvodza ingiletsa endzaweni lengcwele yelithempeli futsi yakala letilinganiso temnyango - longaba ngemamitha lamatsatfu bubanti engohlangotsi ngalunye. ² Lobubanti balomnyango babungaba ngemamitha lasihlanu; lubondza ngakulunye ngalunye luhlangotsi lwalungemamitha laphose abe matsatfu budze. Yase lendvodza ikala lobukhulu balendzawo lengcwele - langaba ngemamitha langemashumi lamabili nakubili budze nemamitha langaba lishumini nakunye bubanti. ³ Yase lendvodza ingena endzaweni lengcwele kakhulu yase ikala emakona alomnyango - imitha nencenyana, nalendlela yemnyango wawungaba ngemamitha lamatsatfu bubanti. Letibondza tatingaba ngemamitha lamatsatfu nencenye bubanti ehlangotsini lulunye. ⁴ Wase ukala lobudze balelikamelo - bungaba ngemamitha lalishumi nakunye. Bubanti bakhona - bungaba lishumi nakunye kuya ngaphambili kwalelihhola lelithempeli. Wase utsi kimi, "Lena yindzawo lengcwele kakhulu." ⁵ Yase lendvodza ikala lubondza lwalendlu - lwalungaba ngemamitha lamatsatfu bukhulu. Bubanti bangalunye likamelo leliseceleni langekhatsi endlini lwalungaba ngemamitha lamabili bubanti. ⁶ Kwakunemakamelo laseceleni kuletitezi letintsatfu, kulikamelo linye ngetulu kwalelinye, kunemakamelo langemashumi lamatsatfu libanga lilinye. Kwakunemashelufa elubondza lwalendlu, kute asekele onkhe lamakamelo lasemaceleni, ngobe kwakukute sisekelo lesifakwe elubondzeni lwalendlu. ⁷ Ngako lamakamelo lasemaceleni anwebeka futsi enyuka atungeletela, ngobe lendlu yatungeletela yenyukela etulu nasetulu tinhlangotsi tonkhe; lamakamelo anwebeka nayisanyukela etulu lendlu, futsi nesicanco senyukela ebangeni lelisetulu, sendlula ebangeni lelisemkhatsini. ⁸ Ngase ngibona indzawo lephakanyisiwe konkhe langekhatsi kulendlu, lesisekelo salamakamelo lamancane; beyingangendvuku lephelele budze - emamitha lamatsatfu nencenye. ⁹ Lobubanti balolubondza lwalamakamelo lasemaceleni lwalungaba ngemamitha lamatsatfu ngephandle. Kwakunendzawo levulekile kulelingephandle lalamakamelo kuya kulelingephandle lalamakamelo kulendlu lengcwele. ¹⁰ Kulolunye luhlangotsini lwalendzawo levulekile kwakunemakamelo angaphandle ebapiristi; lendzawo lena yayingaba ngemamitha lalishumi nakunye bubanti kutungeletela lendzawo lengcwele. ¹¹ Kwakuneminyango lengenela kulamakamelo lasemaceleni kusuka kulendzawo levulekile - munye umnyango wawusehlangotsini lwasenyakatfo, kantsi lona lomunye wawusehlangotsini lwaseningizimu. Lobubanti balendzawo levulekile bebungaba ngemamitha lamatsatfu tonkhe tinhlangotsi. ¹² Lesakhiwo lesasibuke lamabala ngasehlangotsini lasemphumalanga sasingaba ngemamitha lamane bubanti. Lubondza lwaso lwalungaba ngemamitha lamatsatfu bukhulu ndzawo tonkhe, futsi lwalungaba ngetudlwana kwemamitha langemashumi lamane budze. ¹³ Yase lendvodza ikala lendzawo lengcwele - langaba ngemamitha langemashumi lasihlanu nakune budze. Lesakhiwo lesehlukanisiwe, lubondza lwaso, kanye nalamabaleni sasingaba ngangemashumi lamane nesihlanu budze. ¹⁴ Lobubanti balelingembili lwalelibala longungembili kwendlu lengcwele lwalungaba ngemamitha langemashumi lasihlanu nakune. ¹⁵ Yase lendvodza ikala bubanti balesakhiwo lesingemuva kwendzawo lengcwele, kuya ngasenshonalanga yayo, ngasekuphakameni etinhlangotsini tonkhe - yayingaba ngemashumi lamane nakune. Lendzawo lengcwele kanye nepotikho, ¹⁶ lubondza lwangekhatsi kanye nemafasitelo, kufaka ekhatsi emafasitelo lemancane, kugegetela letindzawo letiphakeme ekuhlanganeni kwato lokutsatfu, tonkhe tatakhiwe ngesigodvo. ¹⁷ Ngetulu kwendlela yasekungeneni kuya ekhatsi nendlu lengcwele nemkhatsi ngasetibondzeni kwakuneluhla lolukaliwe. ¹⁸ Kwakuhlotjiswe ngemakherobhi netihlahla temasundvu; kunesihlahla selisundvu emkhatsini walinye likherobhi, futsi lilinye likherobhi lalinebuso lobubili: ¹⁹ lobuso balendvodza bubuke ngasesihlahleni selisundvu luhlangotsini lunye, futsi buso belibhubezi lelincane babubuke esihlahleni selisundvu kulolunye luhlangotsi. Tatitungeletele indlu yonkhe. ²⁰ Kusukela emhlabatsini kuya ngetulu kwemnyango, emakherobhi netihlahla temasundvu tatitungelete lubhondza lolungaphandle lwalendlu. ²¹ Letindzawo temasango alendzawo lengcwele abesikwele. Kubukeka kwawo kwakufana nekubukeka kwa ²² lelilathi lesigodvo ngaphambi kwalendzawo lengcwele, ingangemitha nencenye kuya etulu kanye nemitha nencenyana budze luhlangotsi lulunye. Likona lalendzawo, sisekelo, kanye nalomnyango bekwakhiwe ngesigodvo. Yase lendvodza itsi kimi, "Leli litafula lelime phambi kwaSimakadze." ²³ Kwakuneminyango lehamba ngamibili kulendzawo lengcwele kanye nasendzaweni lengcwele ngcwele. ²⁴ Leti tivalo tatinemahhuka lamabili sisinye, mabili emahhuka kusinye sivalo namabili lamanye kulelesinye. ²⁵ Kukakalatelwe kuwo - kuleminyango yendzawo lengcwele - emakherobhi kanye netihlahla telusundvu njengaletibondza tatihlotjisiwe, futsi kwakuneluphahla lwesigodvo ngetulu kwalepotikho lengembili. ²⁶ Kwakunemafasitelo lamancama kanye netihlahla telusundvu kungalunye nalunye luhlangotsi lwalepotikho. Lawa kwakungulamakamelo laseceleni alendlu, futsi abeneluphahla lolulengako.