1 Lase livi laSimakadze lafika kimi litsi, 2 ''Ndvodzana yemuntfu, bhekisa buso entsabeni iSeyi bese uprofetha ngayo. 3 Utsi kuyo, ' Inkhosi Simakadze itsi: Lalela! Ngimelane nawe, Intsaba Seyi, ngitakushaya ngesandla sami bese ngikwenta tindzala nentfo lelahliwe. 4 Ngitobhidlita emadolobha enu, bese wena lucobolwakho ubatindzala; utobese uyati kutsi mine nginguSimakadze. 5 Ngobe sonkhe sikhatsi uhlale wenta lokubi kubantfu baka Israyeli, phindze ngoba ubakhiphele esandleni senkemba ngesikhatsi sekukhatsateka, ngaleso sikhatsi sijeziso sabo sasesisemantima. 6 Ngakoke, ngisaphila-naku lokushiwo nguSimakadze- ngitawukukulungiselela kucitseka kwengati, nekucitseka kwengati kutokulandzela! Ngoba awukakunyanyi kucitseka kwengati, kucitseka kwengati kutokulandzela. 7 Ngitokwenta intsaba yeSeyi tindzala letiphelele nasengijuba kiyo wonkhe umuntfu lowengcakoaphindze abuye. 8 Ngitogcwalisa tintsaba tayo ngalabo lababulalwa; etintsatjaneni nasemigodzini nasekhatsi kuyo yonkhe imifudlana labo lababulalwa ngenkemba batolala ekhatsi. 9 Ngitokwenta tindzala inguna phakadze. Emadolobha enu angeke ahlale bantfu, kepha utokwati kutsi nginguSimakadze. 10 Ushito,'' Letive letimbili kanye netindzawo letimbili ngitotitstsa, bese tiba ngetami, ''noma ngabe Simakadze bekakhona nabo. 11 Ngako ke, ngisaphila -nguloko lokwashiwo yinkhosi Simakadze- manje ngitokwenta ngendlela yekukwata kwakho futsi macondzana nemona wakho lobonawo ekunyanyeni iIsrayeli, ngitobese ngitiveta mine kubo uma nginihlulela. 12 Utobese uyati kuts nginguSimakadze. Ngitivile tonkhe letinhlamba lotikhulumile ngalentsaba yaka Israyeli, uma utsi,'' babhutjisiwe; babanikelela kitsi kutsi sibadle. 13 ''Nitiphakamisile niphikisana nami ngale nikushito, wabese uyawaphindza-phindza emavi lowashito ngami; futsi ngikuvile konkhe. 14 Inkhosi Simakadze usho loku: ngitawukwewenta lihlane, ngesikhatsi live lonkhe lijabula. 15 Usajabulela lelifa lewulitfole kulabantfu baka Israyeli ngenca yebuhlane balo, ngitokwenta njalo nakuwe. Utoba lihlane ,Intsaba yaSesari, nayo yonkhe iEdomi- yonkhe! Lapho batawati kutsi nginguSimakadze.''