¹ Lase livi laSimakadze lifika kimi, litsi, ² Ndvodzana yemuntfu, profetha umelane nebelusi baka Israyeli. Profetha utsi kubo, 'Inkhosi Simakadze isho naku kubelusi: Maye kubelusi baka Israyeli labateluse bona. Akukafaneli yini belusi bagadze umhlambi? ³ Nihlaba letinonile futsi nimbatsa ngesontfo. Nihlaba letisetincane kulomhlambi. Anilusi sanhlobo. ⁴ Anikabacinisi labo labanetifo, noma nipholise labo labagulako. Anikababhandishi labo labephukile, futsi anikabuyisi lokuhambile noma nifune lokulahlekile. Kunaloku, nibuse ngetulu kwabo ngemandla nangeludlame. ⁵ Ngako tasakateka tingenaye umelusi, futsi tagucuka taba kudla kwato tonkhe tilwane letisabekako emasimini, ngemuva kwekutsi tisakatwe. ⁶ Umhlambi wami uzulazula kuto tonkhe tintsaba nakuto tonkhe tindzawo letiphakeme, futsi kundlaleke ngetulu kwendzawo yonkhe yemhlaba. Kodvwa kute namunye lotifunako. ⁷ Ngako ke, belusi, yivani livi laSimakadze: ⁸ Ngisaphila- loku kushiwo yiNkhosi Simakadze- ngoba umhlambi wami wetjiwe futsi waba kudla kwato tonkhe tilwane letisabekako etigangeni, ngoba bekute umelusi futsi kute kubelusi bami lebebafuna umhlambi wami, kodvwa labelusi batigadza bona futsi bangawulusi umhlambi wami. ⁹ Ngakoke, belusi, yivani livi laSimakadze: ¹⁰ Inkhosi Simakadze isho naku: Buka! Ngimelene nebelusi, futsi ngitawudzinga umhlambi wami esandleni sabo. Ngitawubacosha ekweluseni lomhlambi; noma labelusi bangasatelusi bona njengoba ngitosusa umhlambi wami emilonyeni yabo, khona umhlambi wami ungasatawukuba kudla kwabo. ¹¹ Ngobe iNkhosi Simakadze isho naku: Buka! Mine lucobo lwami ngitofuna umhlambi wami futsi ngitawutinakekela, ¹² njenge melusi afuna umhlambi wakhe ngelilanga asemkhatsi wemhlambi wakhe losakatekile. Ngako ngitofuna umhlambi wami, futsi ngitawuyikhulula kuto tonkhe tindzawo lapho tisakateke khona ngelilanga lemafu nebumnyama. ¹³ Ngitawubese ngiyatikhipha ngitisusa emkhatsini webantfu; ngitawutilandza kuletidzawo futsi ngitiletse endzaweni yato. Ngitawutifaka emadlelweni lasemaceleni entsaba yaka Israeli, eceleni kwemifudlana, naku yonkhe indzawo yekuhlala kulelive. ¹⁴ Ngitawutifaka emadlelweni lamahle; tintsaba letiphakeme taka Israyeli titawuba ngemadlelo ato. Titawulala phansi emadlelwemi lamahle, emadlelweni lavundzile, futsi titawukudla etintsabeni taka Israyeli. ¹⁵ Mine lucobo lwami ngitawulusa umhlambi wami, futsi mine lucobo lwami ngitawutilalisa phansi-loku kushiwo yiNkhosi Simakadze- ¹⁶ Ngitawufuna letilahlekile futsi ngibuyise letihamble. Ngitawubhandisha timvu letiphukile futsi ngiphilise timvu letigulako, kodvwa letinonile naleticinile ngitawutibhubhisa. Ngitawelusa ngekwemtsetfo. ¹⁷ Manje nyalo nine, mhlambi wami- loku ngulokushiwo yiNkhosi Simakadze - buka, ngitawuba ngumehluleli emkhatsini wetimvu netimvu kanye netimvu letindvuna netimbuti letindvuna. ¹⁸ Akweneli kutsi nidle edlelweni lelihle, kutsi ugcobagcobe phansi ngetinyawo takho lokusele edlelweni; nekutsi ninatse emantini lahlobile, kutsi udvunge lemifula ngetinyawo takho. ¹⁹ Kufanele yini timvu tidle lokunyatsele ngetinyawo takho, nekutsi tinatse lokudvunge ngetinyawo takho. ²⁰ Ngakoke iNkhosi Simakadze isho naku kubo: Buka! Mine lucobo lwami ngitawuhlulela emkhatsini wetimvu letikhuluphele naletondzile, ²¹ ngobe utifuce ngemhlubulo wakho nangemahlombe, ngobe utifuce tonkhe letibutsakatsaka ngetimphondvo takho waze watisakata kulendzawo. ²² Ngitawuvikela umhlambi wami futsi ngeke tetjiwe, ngitawuhlulela emkhatsini wemvu nalenye! ²³ Ngitawubeka etikwabo umelusi, sisebenti sami Davide. Utawubelusa, utawubondla , futsi utawuba ngumelusi wabo. ²⁴ Ngoba mine, Simakadze, ngitawuba nguNkulunkulu wabo, sisebenti sami Davide sitawuba yiNkhosana emkhatsini wato- mine, Simakadze, sengishito loko. ²⁵ Ngitawenta sivumelwano sekuthula nato futsi ngisuse tilwane letimbi tesiganga kulendzawo, khona titewuhlala tigcinekile ehlane futsi tilale tiphephile emahlatsini. ²⁶ Ngitawuletsa futsi tibusiso kuto kanye nasetindzaweni letitungeletele intsaba yato lephakeme, ngoba ngitawutfumela timvula ngesikhatsi lesifanele. Leti kutawuba timvula tesibusiso. ²⁷ Ngako tihlahla tesiganaga titsela titselo tato, futsi umhlaba utawuvuna imikhicito wato. Timvu tami titawusebentisa indzawo yato; titawubese tiyati kutsi ngingu Simakadze, nasengephula tikeyi telijokwe, futsi nangitikhulula esadleni salabo labatigcilatile. ²⁸ Angeke tisetjiwa tive, futsi tilwane tasendle emhlabeni tingeke tisatidla. Ngobe titawuhlala tivikelekile, futsi kute lowutawutesabisa. ²⁹ Ngobe ngitawutinika umhlaba lowatiwako ngetilimo tawo; ngako angeke tibe kudla kwendlala kulelive, futsi angeke tikumele kuhlambalatwa kwaletive. ³⁰ Ngako titawubese tiyati kutsi mine, Simakadze Nkulunkulu wato, ngikanye nato. Tibantfu bami, yindlu yakaIsrayeli - loku kushiwo yiNkhosi Simakadze. ³¹ Ngoba nitimvu tami, umhlambi welidlelo lami, bantfu bami, futsi ngingu Nkulunkulu wenu - loku kushiwo yinkhosi Simakadze.