¹ Lase lelivi laSimakadze lifika kimi, litsi, ² ''Ndvodzana yemuntfu, memetela loku kubantfu bakho; tsani kubo, 'Uma ngiletsa inkemba kumelana nomayiphi indzawo, ngako bantfu baleyo ndzawo batsatsa yinye indvodza kubo base bayenta gadzi wabo. ³ Wabuka inkemba iseta kulendzawo, wase ukhalisa liphondvo lakhe kucwayisa bantfu! ⁴ Uma labantfu beva lomsindvo waleluphondvo kepha bangalilaleli, futsi uma lenkemba ifika ibabulala, ngako ngamunye nangamunye ingati isenhloko yakhe. ⁵ Uma umuntfu eva umsindvo weluphondvo futsi angawulaleli, ingati yakhe ikuye; kepha uma alalela, utawusindzisa imphilo yakhe. ⁶ Nomekunjalo, uma logadzi abona inkemba njengoba ita, kepha uma ingakhalisi luphondvo, ngalomphumela lotsi bantfu abakacwayiswa, futsi uma lenkemba ifika itsatsa imphilo yanoma ngubani ,ngako loyo muntfu uyafa ngesono sakhe, kepha ngitodzinga ingati yakhe kugadzi.' ⁷ Nyalo wena lucobolwakho, ndvodzana yemuntfu! Mine ngikwente gadzi wendlu yaka Israyeli; utawuva lamagama emlomeni wami ngibecwayise esikhundleni sami. ⁸ Uma ngitsi kumuntfu losikhohlakali, 'Sikhohlakali, nomakanjani utakufa!' kepha uma ungamemeteli loku kutsi ucwayise sikhohlakali ngetindlela taso, ngako loyo losikhohlakali utawufa esonweni sakhe, kepha ngitawufuna ingati yakhe esandleni sakho! ⁹ Kepha wena, uma ucwayisa sikhohlakali ngetindlela taso, khona sitogucuka kuto, futsi uma angagucuki etindleleni takhe, ngako utawufa esonweni sakhe, kepha wena utabe usindzise imphilo yakho. ¹⁰ Ngako wena, ndvodzana yemuntfu, tsani endlini yaka Israyeli, 'Usho loku, ''Emacala etfu kanye netono tetfu tikitsi, futsi siyabola kuto! Singahlala kanjani?''' ¹¹ Tsani kubo, 'Njengoba ngiphila-loku ngulokushiwo Inkhosi Simakadze- Angijabuli ekufeni kwesikhohlakali, ngobe uma lesikhohlakali siphendvuka endleleni yaso, ngako sitophila! Phendvuka! Phendvuka etindleleni takho tebukhohlakali! Kungani kumele ufe, indlu yaka Israyeli?' ¹² Ngako nyalowena, ndvodzana yemuntfu, tsani kubantfu bakho, 'Lokulunga kwemuntfu lolungile ngeke kumusindzise uma ona! Lobukhohlakali bemuntfu losikhohlakali ngeke bumente abhubhe uma atophendvuka etonweni takhe! Lomuntfu lolungile angeke akhone kuphila ngendzaba yekulunga kwakhe uma ona. ¹³ Uma ngitsi kulolungile, ''Nakanjani utawuphila!'' futsi uma atsemba ekulungeni kwakhe bese wenta lokungasiko cotfo ngekwemtsetfo, Angeke ngibite noma kuphi engcondvweni yami kulokulunga kwakhe.Utawufela lobukhohlakali labentile. ¹⁴ Ngako uma ngitsi esikhohlakalini, "Nomakanjani utawukufa,'' kephake uma aphendvuka etonweni takhe, bese wenta lokulungile nalokuhle- ¹⁵ uma abuyisela lesicinisekiso sesikwelete lasifune ngalokukabi ngendluzula, noma uma enta kubhadala loko lakwebile, uma ahamba emitsetfweni leniketa imphilo bese ayisenti sono-nomakanjani utophila. Angeke aze afe. ¹⁶ Kute nakuletono latentile letitawubitwa emcondvweni wakhe. Sowente lokulungile nalokukahle, ngakoke, nakanjani utawuphila! ¹⁷ Kepha bantfu bakho batsi, ''Indlela yaSimakadze ayisiko kahle!'' kepha tindlela tabo letingasiko kahle! ¹⁸ Uma umuntfu lolungile asuka ekulungeni kwakhe bese wenta sono, ngako utofela kuso! ¹⁹ Uma losikhohlakali asuka ebukhohlakalini bakhe bese wenta lokuhle nalokulungile, utawuphila ngenca yaleto tintfo! ²⁰ Kepha nine bantfu nitsi, "Indlela yaSimakadze ayisiko kahle!'' Ngitawuhlulela ngamunye wenu ngetindlela takhe, yindlu yaka Israyeli!''' ²¹ Kwenteka emnyakeni welishumi nakubili, elangeni lesihlanu lenyanga yelishumi sitfunjiwe, kutsi umutfunjwa lobalekile wafika kimi asuka eJerusalema wase utsi, ''Lidolobha litfunjiwe! ²² Sandla saSimakadze besisolo sikimi kulentsambama ngaphambi kwekube kufike lomtfunjwa, umlomo wami bewuvulekile ngalesikhatsi afika kimi entsatsa kusa. Ngako umlomo wami wavuleka; Besengingakathuli! ²³ Ngako livi laSimakadze lefika kimi, latsi, ²⁴ ''Ndvodzana yemuntfu, loyo bekahlala kuletindzala endzaweni yaka Israyela wase utsi, 'Abrahamu bekangumuntfu munye, futsi watsatsa lendzawo, kepha tsine sibanengi! Lendzawo iniketwe tsine njenge ndzawoyetfu. ²⁵ Ngakoke tsani kubo, 'Inkhosi Simakadze isho loku: Udla ingati, uphakamisa emehlo akho etithicweni takho, lapho bese utsela ingati yebantfu. Kufanele yini utsatse lendzawo lena? ²⁶ Utsembele kuletinkemba takho futsi wente tintfo letinyanyisanako; ngayinye indvodza ilala nemfati wamakhelwane wakhe. Kufanele yini utsatse lendzawo lena? ²⁷ Utawusho loku kubo, 'Inkhosi Simakadze isho loku: Njengoba ngiphila, nomakanjani laba labahliphitako batawukuwa ngenkemba, futsi ngitawunika labo labasemasimini kuletidalwa letiphilako njengekudla, nalabo labasemadolobheni lamakhulu nasemigedzeni batawufa ngetifo. ²⁸ Ngitobese ngigucula lelive libe indzawo lelahlile naletfusako, nalomugcabho wayo webukhulu utophela, tintsaba taka Israyeli titawulahlwa, futsi kute lotawendlula kuto.' ²⁹ Ngako batawukwati kutsi ngingu Simakadze, nasengente lendzawo yaba ngulelahliwe futsi yabhidlitwa ngenca yalamahlazo labawentile. ³⁰ Ngako nyalo wena, ndvodza yemuntfu-bantfu bakho bakhuluma tintfo ngawe ngaphandle kwalamabondza nalama gede aletindlu, futsi munye utsi kulomunye -yinye indvodza kumnakabo, 'Asambe siyolalela emavi emprofethi labuya kuSimakadze!' ³¹ Banengi bantfu labatofika kuwe, njengobe bahlale benta, baphindze bahlale ngaphambi kwakhobese balalela emavi akho, kepha ngeke bente ngekusho kwawo. Emagama lakahle asemlomeni wabo, kepha tinhlitiyo tabo tilandzela inzuzo lengasiko kahle. ³² Ngoba wena ufana nengoma letsandzekako kubo umsindvo lomuhle lodlalwa kanengi ngeligitali, khona batolalela emavi akho, kepha kute kubo lotawuwenta njengoba asho. ³³ Ngako konkhe loku makwenteka-bamba! kutawenteka!-ngako batawukwati kutsi bekunemu profethi emkhatsini wabo.''