¹ Lase livi laSimakadze liyeta kimi litsi, ² Ndvodzana yemuntfu, suluta buso ubususe ebantfwini baseAmoni bese upholofetha kabi ngabo. ³ Tsani ebantfwini base Amoni, 'Lalelani livi leNkhosi Simakadze. Nguloku inkhosi Simakadze lekushoko: Ngoba utsite, "Yeboke!" endzaweni yami lengcwele mayibhidlitwa, wase umelana nelive laka Ezrayeli malihlamukwa, waphindze wamelana nendlu yaJuda ngesikhatsi babalekela kulelinye live, ⁴ ngako ke, buka! Ngikunikela kubantfu basemphumalanga kutsi ube wabo. Batowenta tinkambu baphindze bamise emathende emkhatsini wenu. Batokudla titselo tenu baphindze banatse nelubisi lwenu. ⁵ Ngitowenta Rabha lidlelo emakamela ngentele nebantfu base Amoni insimu yemihlambi yemfuyo. Lapho nitokwati kutsi ngingu Simakadze. ⁶ Ngoba inkhosi Simakadze isho naku: Nitishayile tandla naphindze nagidzagidza, nase nijabula ngekunetiseka kwenu ngalelive laka Ezirayeli. ⁷ Ngakoke, Buka! Ngitonishaya ngesandla sami ngibese ngininikela etiveni kutsi batitike ngani. Ngitonincamula kubantfu nginente nishabalale emaveni! Ngitonibhubhisa, nitobese niyati kutsi ngingu Simakadze.' ⁸ Inkhosi Simakadze isho naku, 'Ngoba iMowabi neSeyira, itsi, "Buka! Indlu yaJuda ifana naso sonkhe lesinye sive. ⁹ "Ngakoke, Buka! Ngitewuhlasela iMowabi, ngicale emnceleni wemadolobha layo-Lakukuhle ngakhona eBethi Jeshimothi, eBhali Meyoni, naseKhiriyathayimu- ¹⁰ Kuya kubantfu basemphumalanga labebamelene nemantfu base Amoni. Ngitobakhulula njengetipho kute bantfu base Amoni bangakhumbuleki etiveni. ¹¹ Ngakoke ngitowenta tijubo ebantfwini base Mowabi, batobese bayati kutsi ngingu Simakadze.' ¹² Inkhosi Simakadze isho naku, 'iEdomu seyitiphindziselele endlini yaka Juda futsi seyonile ngekwenta kanyalo. ¹³ Ngakoke, inkhosi Simakadze isho naku: Ngitoyishaya iEdomu ngesandla sami ngibhubhise wonkhe muntfu kanye netilwane. Ngitoyenta ibeyindzawo leyonakele nalelahliwe, kusuke eThemani kuya eDedani. Batokuwa ngenkemba. ¹⁴ Ngitotiphindziselela kuEdomu ngesandla sebantfu bami i-Ezirayeli, futsi batowenta kuEdomu ngendlela lengitfukutsele ngayo nelulaka lwami, batobese sebayakwati kutiphindziselela kwami-loku kumemetelwa nguSimakadze.' ¹⁵ Inkhosi Simakadze isho naku, 'Emafilisti sewatiphindziselele ngesibhuku lesikibo, betamile kubhubhisa Juda kanengi kanengi. ¹⁶ Ngakoke ngunaku inkhosi Simakadze lekushoko: Buka! Ngitophakamisa sandla sami kumaFilisti, futsi ngitojuba emaKerethite bese ngibhubhisa laba labasele ngasemnceleni welwandle. ¹⁷ Ngoba ngitotiphindzisela ngalokwecile kutiphindzisela lokunekutfukutselo, kute batowati kutsi nginguSimakadze, nasengitiphindziselela kubo."