¹ Ngako kwasekukumnyakeni welishumi nakunye, ngelilanga lekucala lenyanga, kutsi lelivi laSimakadze lifike kimi, litsi, ² Ndvodzana yemuntfu, ngoba Thaya ukhulume wamelena neJerusalema, 'Aha! Lamagede alabantfu ephukile! Sewugucukele kimi; Ngitawugcwaliswa ngoba sewumoshakele.' ³ Ngako ke Inkhosi Simakadze isho naku; Naka! Ngicudzelene nawe, Thaya, futsi ngitawukhulisa tive letinyenti ngicudzelene nawe ngengelwandle likhuphula emagagasi alo. ⁴ Titawubhubhisa tibondza teThaya tidzilite nemibhoshongo yakhe. Ngitawutsanyela lutfulilwakhe ngibese ngimenta afane nelidvwala lelibonakalako. ⁵ Utawuba yindzawo yetilulu kutsi kome ephakatsini kwelwandle, ngengoba ngakushito-lesi simemetelo seNkhosi Simakadze- futsi utawuba ngumtapo waletive . ⁶ Emadvodzakati akhe lasemasimini atawuncunya ngaletinkemba, futsi batawati kutsi nginguSimakadze.' ⁷ Ngoba nguloku lokushiwo nguSimakadze; Lalela, kusukela eNyakatfo ngiletsa Nebukhedinezari inkhosi yaseBhabhiloni, inkhosi yemakhosi, acudzelane naThaya, nemahhashi netinkalishi, nebagibeli bemahhashi nebantfu labaningi . ⁸ Utawubulala emadvodzakati akho ensimini.Utawakha licebo lekuhlasela neliladi tibondzeni tenu bese uphakamisa emahawu acudzelane nani. ⁹ Utawuweka imigcala yakhe kutewubhidlita emabondza akho, futsiemathulusi akhe atawuwisa imichibisholo yakho. ¹⁰ Emahhashi akhe atawuba manyenti kutsi tintfuli tawo titakumbonya. Tibondza takho titawunyakata ngemsindvo webagibeli bemahhashi, tincola netinkalishi. Uma angena emasangweni akho, utawungenisa kwemadvodza angena edolobheni lelaphulelwe emagede alo. ¹¹ Emasondvo emahhashi akhe atawubhidlita tonkhe titaladi takho. Utawubulala bantfu bakho ngalenkemba netinsika takho tematje letinemandla titawuwela emhlabatsini. ¹² Batawutapa umnotfo wenu bebe tinntfo tenu nelititsengisako. Batawuwisa tibondza takho babhidlite nemiti yakho lemihle. Ematje akho, emakabha, netimfutfuluka taletitina batatilahla emantini. ¹³ Ngitawumisa umsindvo wetingoma takho. Imisindvo yemahabhu akho angeke asavakala. ¹⁴ Ngitakwenta lidvwala lelisebaleni, utawuba yindzawo yekweneka tilulu kutsi tome. Angeke usaphindza wakhiwe, ngoba mine, Inkhosi Nkulunkulu sengikhulumile- nguloku lokushiwo yiNkhosi Simakadze. ¹⁵ Inkhosi Simakadze isho naku eThaya, 'Angeke yini tihlenge tinyakate ngemsindvo wekuwa kwakho, nangekubhodla kwalabalimelelapho lophetse inkemba asemkhatsini wenu? ¹⁶ Lapho tonkhe tinkhosana telwandle titawehla etihlalweni tebukhosi tikhumule tembatfo tebukhos tichache tembatfo tato letihlotjisiwe. Batawutembatsisa kwesaba, bahlale emhlabatsini bese bachachatela sonkhe sikhasi, futsi batawumangala ngenca yakho. ¹⁷ Batawuphakamisa sililo kuwe bese batsi kuwe, Kanjani wena, bewulikhaya lebagibeli bemikhumbi, sewubhujisiwe. Lelidolobha lidvumile lebeninemandla-selihambile lasuka elwandle. Laba bahlala kuye bake bandzisa kwesabeka ngabo kubobonkhe labebahlala edvute nabo. ¹⁸ Nyalo lisentse lelwandle lunyakatiswa lusuku kwekuwa kwakho. Letihlenge letiselwandle tiyachachatela ngoba awusekho endzaweni yakho.' ¹⁹ Ngoba Inkhosi Simakadze isho naku: uma ngikwenta tindzala telidolobha, njengalalamanye emadolobha langahlalisi bantfu, nasengiphakamisa emanti elwandle ngicudzelene nawe, nalapho emanti lamakhulu akumbonya, ²⁰ lapho ngitakubuyisa phasi kubantfu betikhatsi takadzeni, njengalaba labanye labangene kulomgodzi; ngoba ngitawukwenta uhlale kuletiphasi tigaba temhlaba njengasetindzaleni takadzeni. Ngenca yaloku angeke usabuya utokuma eveni lalabaphilako. ²¹ Ngitawubeka tehlakalo kuwe, futsi angeke usabakhona ingunaphakadze. utawubese uyafunwa, kodvwa angeke utfolakale phindze- loku ngulokushiwo yiNkhosi Simakadze.