1 Lase livi laSimakadze lita kimi, litsi, 2 ''Ndvodzana yemuntfu, bhekisa buso bakho eJerusalema, bese uyakhuluma umelane netindzawo lokutsiwa tingcwele; Profetha umelane nelive laka Israyeli. 3 Tsani kulelive laka Israyeli, ''Simakadze usho naku: bheka! ngimelene nawe! Ngitawukhokha inkemba yami esikhwameni sayo futsi ngijube lolungile kanye nalokhohlakele kuwe. 4 Kute mine ngikhone kujuba lolungile kanye nalokhohlakele kuwe, inkemba yami itawuphuma esikhwameni sayo imelane nabo bonkhe bantfu kusuka e Ningizimu kuya eNyakatfo. 5 Kuyawubese bonkhe bantfu bayangati kutsi mine, Simakadze, sengikhokhe inkemba yami esikhwameni sayo. Ingeke ikhone kutibamba! 6 Wena ke, ndvodzana yemuntfu, bubula kute kwephuke tibilini takho. Ngenhlitiyo lebuhlungu bubula phambi kwemehlo abo! 7 Kutabese kuyenteka kutsi bakubute, ''kambe ngabe ububulelani?'' Ubobaphendvula utsi, ''kungenca yetindzaba letitako, tonkhe tinhlitiyo tiyawutfutfumela, futsi sonkhe sandla siyoceka! Yonkhe imiphefumulo iyawutfutfumela, futsi onkhe emadvolo ayawufanana nemanti lageletako. Bheka! kuyeta futsi kuyawukwenteka kanje!- kusho iNkhosi Simakadze.'' 8 Lase livi laSimakadze liyefika kimi,litsi, 9 ''Ndvodzana yemuntfu, pholofetha, bese utsi ''Inkhosi isho loku: '' tsani: Inkemba! Inkemba! itawulolwa futsi ipolishwe! 10 Itawulolongwa kute itohlanganyela ekubhubhiseni lokukhulu. Itawupolishwa kute ifanane nembani! Singakujabulela yini kubona indvuku yebukhosi yendvodzana yami? Inkemba letako iyayenyanya leyo ndvuku. 11 Ngako lenkemba itawunikelwa kutopolishwa, futsi ke itobanjwa ngesandla! Inkemba ilolongiwe futsi yapolishwa phindze itonikelwa esandleni saloyo lobulalako!'' 12 Memeta ucele lusito, ndvodzana yemuntfu! Ngoba leyo nkemba itele kumelana nebantfu bami! imelene nabo bonkhe baholi baka Israyeli. Bajikwa ngenkemba kanye nebantfu bami. Ngako ke, shaya litsanga lakho! 13 Ngoba kunekuvivinywa, kutawukwentekani nangabe loku kungeke kukhonse?- Lona ngumlayeto lomcoka weNkhosi Simakadze. 14 Nyalo wena, ndvodzana yemutfu, pholofetha futsi ushaye tandla takho totimbili, ngoba inkemba itawuhlasela nangekwesitsatfu! Inkemba yalabo labatohlatjwa! iyinkemba yalabo labatawubulawa, ngibahlasele ndzawo tonkhe. 15 Kute batotfutfumela futsi kwengeteke labo labawile, ngibeke inkemba yekuhlaba kuwo onkhe emagede abo. wu! kwentiwe njengembani, kwalungiselelwa kubulala. 16 Wena, nkemba! Hlasela ngesekudla! Hlasela ngesekuncele! Hamba lapho buso bakho bubhekiswe khona. 17 Ngokuba ngitawushaya tandla tami ndzawonye, futsi ngitawumisa intfukutselo yami! Kusho mine, Simakadze!'' 18 Livi laSimakadze lefika kimi futsi, litsi, '' 19 Nyalo wena, ndvodzana yemuntfu, yalela imigwaco lemibili yenkemba yenkhosi yase Bhabhiloni kutsi ite. Lemigwaco lemibili iyocala eveni linye, futsi sipampuleke sitawukhombisa munye wayo njengaloya edolobheni. 20 Maka umgwaco munye uwentele libutfo lase Bhabhiloni kutsi lite eRabha, lidolobha lema Ammoni. Maka lomunye kute utoholela imphi kulaka Juda kanye nelidolobha lase Jerusalema, lelivikelekile. 21 Ngokuba inkhosi yase Bhabhiloni itawukuma emehlukwaneni wetindlela, khona itophengula. itawunyakatisa imicibisholo futsi ibute tindlela kuletinye tithico futsi iyawuhlolisisa sibindzi. 22 Esandleni sakhe sangasekudla kuyawuba nembono mayelana neJerusalema, bayawukwakha tingodvo, avule umlomo wakhe avumele kubulala, bakhe tingibe ngase gedeni, bakhe lugibe, futsi bakhe imibhoshongo lemidze. 23 Kuyawubukeka kusibonakaliso lesinganamsebenti emehlweni alabo labase Jerusalema, labo labafungile kulabo base Bhabhiloni! Kepha inkhosi iyawubasola ngekwedzelela umtsetfo wabo kute itobahlasela! 24 Ngako ke inkhosi Simakadze isho naku: Ngoba wente kutisola kwakho kukhumbuleke, wenta kona kwakho kwembuleka, khona kuko konkhe kwenta kwakho tono takho tiyawuvela- ngoba sewente loku, sitsa siyawukutsatsa ngengalo. 25 Wena ke, mholi waka Israyeli longahloniphi nalomubi, lilanga lakho lekubhujiswa selifikile, futsi sikhatsi sekwenta lokubi sesiphelile, 26 Inkhosi Simakadze isho naku kuwe: Susa ingubo yebukhosi futsi ukhumule umchele! tintfo tingeke tisafana! Ngitawunika emandla labo labete lutfo, futsi ngihlazise labo labanemandla! 27 Tindzala! Tindzala! Ngiyawukwenta kube tindzala! Angeke kubuyiselwe kute kufike lowo lotfunyiwe kutsi akhokhe sijubo. 28 Ngako wena, ndvodzana yemuntfu, pholofetha uphindze usho loku, Inkhosi Simakadze isho loku kubantfu base Amunoni mayelana nemusa wabo lotako: Inkemba, inkemba ihoshuliwe! Iloliwe yalolelwa kuhlaba kute itokudla, ngako itawuba njengembani! 29 Bayotsi bapholofethi babona imibono lengekho ngawe, ngesikhatsi benta lemisimeto kute batfole emanga ngawe, lenkemba iyolala entsanyeni yalabakhohlakele labatawubulawa, labo lilanga labo lekujeziswa selifikile futsi nalabo sikhatsi sabo sekwenta lokungcolile sesitawuphela. 30 Buyisela inkemba esikhwameni sayo. Endzaweni lapho ngakudala khona, endzaweni lowadzabuka kuyo, ngitawukwahlulela! 31 Ngitawutfululela sijeziso sami kuwe! Ngitawutfululela umlilo welulaka lwami kuwe futsi ngikubeke etandleni tebantfu labatidlova, bacambi bencitsakalo! 32 Uyawuba lilangabi lalomlilo. Ingati yakho iyawuwela phansi emhlabatsini eveni lakho. Ungeke ukhunjulwe, ngoba mine, Simakadze sengikushilo loku!''