¹ Kwefika ngemnyaka wesikhombisa, ngelilanga lelishumi enyangeni yesihlanu, kutsi labadzaa baka Israyeli beta kutobuta ku Simakadze futsi bahlala phambi kwami. ² Labese livi la Simakdze lefika kimi, litsi, ³ ''ndvodzana yemuntfu, tjela bantfu labadzala baka Israyeli futsi utsi kubo, ' Inkhosi Simakadze isho naku: Ute kutocela lucobo lwami! Njengobe ngisaphila, Angeke ngibutwe nguwe!- lona ngumyalo weNkhosi Simakadze.' ⁴ Utabahlulela na! Utawehlulela, ndvodzana yemuntfu? Batjele ngelihlazo lwabo babe' wabo. ⁵ Tsani kubo, ' Inkhosi Simakadze isho naku:Ngelilanga ngikhetsa Israyeli futsi ngiphakamisa sandla sami ngifunga setsembiso kusitukulwane sendlu sa Jakobe, futsi ngatenta ngatiwa kubo eveni lase Gibhithe, nangiphakamisa sandla sami kufunga setsembiso kubo. Ngatsi, ''Ngingu Simakadze Nkulunkulu wakho''- ⁶ ngalelo langa ngaphakamisa sandla sami kufunga setsembiso kubo kutsi ngitabakhokha eveni lase Gibhithe baye eveni lengibakhetsele lona. Beligeleta lubisi ne luju; belibucwebe lobuhle kakhulu kuto tonkhe tindzawo. ⁷ Ngatsi kubo, ''Vumela indvodza ngayinye ilahle tithico tabo phambi kwemehlo akhe futsi neti thico tase Gibhithe. Ningatenti labangcolile; ngingu Simakadze Nkulunkulu wakho.'' ⁸ Kodvwa bangivukela mine futsi bebangakatimiseli kungilalela. Indvodza ngayinye ayilahlanga tonkhe letithico phambi kwemehlo akhe nome balahle letithico tase Gibhithe, ngatimisela kwehlisela lulaka lwami etukwabo kuze ngenetise intfukutselo yami emkhatsini welive lase Gibhithe. ⁹ Ngenta loko ngenca yelibito lami kutsi lingadzeleleki emehlweni esive emkhatsini labebahlala khona. Ngatenta ngatiwa kubo, emehlweni abo, ngekubaletsa eveni lase Gibhithe. ¹⁰ Ngako ngabatfumela ngaphandle kwelive lase Gibhithe futsi ngabaletsa ehlane. ¹¹ Ngabese ngabanika tithico tami futsi ngenta imitsetfo yami yatiwa kubo, indvodza letawuphila uma ilalela bona. ¹² Ngaphindze ngabanika li Sabatha njengeluphawu emkhatsini wabo nami, kuze bona bati kutsi ngingu Simakadze lobenta babengcwele. ¹³ Kodvwa indlu yaka Israyeli yangivukela ehlane. Abahambanga ngendlela yami, esikhundleni saloko bala imitsetfo yami, le indvodza itawuphila uma iyilalela. Bawedzelela ema Sabatha ami, ngako ngatsi ngitawehlisela intfukutselo yami etukwabo ehlane kuze ngibagcinise bona. ¹⁴ Kodvwa ngenta ngenca yelibito lami kuze lingabukeki lidzelelekile emehlweni etive, emehlweni lengibakhokhe eGibhithe. ¹⁵ Ngako mine lucobolwami ngaphakamisa sandla sami kufunga setsembiso kubo ehlane kutsi ngingabaletsi eveni lebengisolo ngitsi ngitobaniketa lona, live leligeleta lubisi ne luju, lebekuyindzawo lenhle yebucwebe kuto tonkhe tindzawo. ¹⁶ Ngafunga loku ngobe bayala imitsetfo yami futsi bangahambi ngetimiso tami, futsi bawedzelela emaSabatha ami, kusukela tinhlitiyo tabo talandzela ngemuva kwetithico tabo. ¹⁷ Kodvwa emehlo ami abayekelela ekubhubheni kwabo futsi angibabhubhisanga ehlane. ¹⁸ Ngatsi kubantfwana babo ehlane, '' Ningahambi ngetindlela taboyise benu, nobe gcinani imitsetfo yabo, nobe tizdeleleni ngetithico tenu. ¹⁹ Ngingu Simakadze Nkulunkulu wakho, hambani ngetimiso tami; nigcine imitsetfo yami futsi niyilalele. ²⁰ Gcinani li Sabatha lami lingcwele kuze kutsi kube neluphawu emkhatsini wami nani, Kuze nitowati kutsi ngingu Simakadze Nkulunkulu wakho.'' ²¹ Kodvwa emadvodzana abo kanye nemadvodzakati angivukela mine. Abahambanga ngetimiso tami nobe bagcine imiyalo yami, indvodza lengaphila ngayo nangabe iyilalela. Baledzelela li Sabatha lami, ngako ngatimisela kutfululela intfukutselo yami etukwabo ehlane. ²² Kodvwa ngagucukisa tandla tami khashane futsi ngentela libito lami, kuze lingadzeleleki emehlweni etive phambi kwekubona lengakuletsa ngaphandle kwema Israyeli. ²³ Mine lucobo lwami phindze ngaphakamisa sandla sami kufunga kubo ehlane, kutsi ngitabehlukanisa emkhatsini wetive futsi ngibasakate emkhatsini wemave. ²⁴ Ngakhetsa kwenta loku kusukela bangalalelanga imiyalo yami, futsi kusukela bala timiso tami futsi badzelela li Sabatha lami. Emehlo abo bekalangatelela ngemva kwetithico taboyise wabo. ²⁵ Ngabese ngibanika timiso lebetingasiko kahle, futsi nemitsetfo labebangeke bayiphile. ²⁶ Ngabavumela kutsi bangcole kule tipho tabo- benta umhlatjelo wawo wonkhe umtfwana welitubulo wesinye futsi ngibente kutsi bendlule emlilweni- lengingenteka ngibagcwalise ngekwesaba kuze bati kutsi ngingu Simakadze!' ²⁷ Ngakoke, indvodzana yemuntfu, ikhuluma kulendlu yaka Israyeli futsi utsi kubo, ' ²⁸ Inkhosi Simakadze isho loku; kuloku kanye futsi boyihlo benu bangedzelela ngesikhatsi bangaketsembeki kimi. Nangibaletsa eveni lengafunga kubanika lona, futsi nomangabe babona nomanganguliphi ligcuma futsi nelicembe lesihlahla, banikela imihlatjelo, bangi chukuluta ngeminikelo yabo, futsi bashisa timphepho futsi batsela tinatfo teminikelo. ²⁹ Ngabese ngatsi kubo, '' Yini lendzawo lephakeme lapho niletsa iminikelo yenu khona!'' Ngako lelibito ngu Bhamaha kuze kube kunamuhla.' ³⁰ Ngakoke tsani kulendlu yaka Israyeli, ' Inkhosi Simakadze isho loku: Kungani nitente labangcolile ngetindlela taboyise benu? Manje ke leni nitiphatsise kwetingwadla, niphenye tintfo letinyanyisako? ³¹ Uma ninikela tipho tenu-nanibangela emadvodzana enu kutsi engce emlilweni-kuze kube ngunamuhla nine natedzelela ngatotonkhe thico tenu. Ngako kungani ngikuvumele ungifune, indlu yaka Israyeli? Njengobe ngisaphila-kusho Inkhosi Simakadze-Angeke ngikuvumele ungifune. ³² Lomcabango lowakhekako engcodvweni yakho angeke uphindze wenteke. Uyasho,'' Asibeni njengaletinye tive, njenge njengemasendvo etindzaweni letinye labakhonta tinkhuni nematje.'' ³³ Ngisaphila- lona ngumyalo wa Simakadze- ngitawubusa etukwakho ngesandla lesingcwele, imphi lephakamisiwe, futsi kwesaba lokutawutselwa etukwenu. ³⁴ Ngitaku khokha kulabanye bantfu ngikuhlanganise ngaphandle kwalamave lasakatwe emkhatsini wenu. Ngitawenta loku ngesandla lesingcwele futsi nangentfukutselo lengitayitfulula. ³⁵ Bese ngitakuletsa ehlandzeni lebantfu, futsi lapho ngitakwehlulela buso ngebuso. ³⁶ Njengobe ngehlulela boyise benu ehlane eveni lase Gibhithe, ngako ngitakwehlulela-lena imiyalo Inkhosi Simakadze layishoko. ³⁷ Ngitakubangela kutsi wendlule phansi kwelihlolisiso lami, futsi ngitakwenta ulalele letidzingo tesivumelwane. ³⁸ Ngitakujezisa emkhatsini kwemavukela mbuso nabo labangivukelako. Ngitabatfumela ngapahndle kwelive lapho bahlala njengetihambi, kodvwa angeke bangene eveni laka Israyeli. Bese utawati kutsi ngingu Simakadze. ³⁹ Ngako kuwe, indlu yaka Israyeli, Inkhosi Simakadze isho loku: Munye wenu kumele aye etithicweni takhe. Tidvumiseni uma utawala kulale mine, kodvwa kumele ungasalibiti libito lami lelingcwele ngetipho tenu kanye netithico tenu. ⁴⁰ Ngobe entsabeni yami lengcwele, esicogweni sentsaba yaka Israyeli- lona ngumyalo wenkhosi Simakadze-yonkhe indlu yaka Israyeli itangidvumisa mine kuleyondzawo. Ngitawujabula kucela iminikelo yenu lapho, futsi nesitselo sekucala sekubonga netintfo tenu letingcwele. ⁴¹ Ngitakwemukela njenge makha emphepho nawuletsa ngaphandle bantfu futsi ngihlanganise wena ngephandle kwemave lapho bosakatwe khona. Ngitawutibonakalisa ngingcwele emkhatsini wenu kuze tive tibone. ⁴² Bese, nangikuletsa eveni laka Israyeli, kulelive lengiphakamise sandla sami kufunga kuboyise benu, utawati kutsi ngingu Simakadze. ⁴³ Lapho utawukhumbula engcodvweni yakho kunaka kutiphatsa kwakho futsi nato tonkhe tento takho lotentele wena, futsi utawutisola emehlweni akho ngenca yetento takho tonkhe letimbi lotentile. ⁴⁴ Ngako utawati kutsi ngingu Simakadze nangenta naku kuwe ngenca yelibito lami, futsi hhayi ngobe kungenca yetento takho letimbi, futsi akusiko ngenca yetento tenu letikhohlakele, yindlu yaka Israyeli-lona ngumyalo weNkhosi Simakadze.'' ⁴⁵ Bese livi la Simakadze lefika kimi, litsi, '' ⁴⁶ ndvodzana yemuntfu, condzisani buso benu ngase tindzaweni taseningizimu, futsi ukhulume ngaphambi kweningizimu; udale kulamahlatsi ase Negevi. ⁴⁷ Tsani kulamahlatsi ase Negevi, ' Lona ngumyalo waSimakadze-Inkhosi Simakadze isho naku: buka, Ngitawubasa umlilo emkhatsini wakho. Utawushisa sonkhe sihlahla futsi nasosonkhe sihlahla lesomile emkhatsini wenu. Lelilangabi lemlilo angeke licimeke; bonkhe buso kusuka eningizimu kuya enyakatfo butawushiswa. ⁴⁸ Bese bonkhe bantfu batawubona kutsi ngingu Simakadze nangibasa umlilo, futsi angeke ucime.'' ⁴⁹ Ngabese ngatsi, '' Alasi! Inkhosi Simakadze, batsi ngami, 'Akakhulumi tintfo letingacondzakali?''