¹ Manje wena, tsatsa sililo simelane nebaholi baka Israyeli ² futsi utsi, 'Bekungubani unyoko? Libhubezi lelisikati, waphila nendvodzana yelibhubezi; emkhatsini wemabhubezi lamancane, wakhulisa bantfwa bakhe. ³ Nguye lowakhulisa linye lemabhubesi lelincane lakhe litoba libhubesi, libhubesi lelafundza kuhlephula emkhatsini bahlukubeti bakhe, futsi wadla bantfu. ⁴ Bese letive teva ngaye. Wabambeka emgibeni wabo, futsi bamletsa ngema hhuka kulelive lase Gibhithe. ⁵ Bese wabona loko noko bekamele kubuya kwakhe, labekakugadzile besekuhambile, ngako watsatsa lelinye lemabhubesi akhe lamancane walikhulisa late laba libhubesi lelincane. ⁶ Leli libhubesi lelincane lebliyaluka emkhatsini wemabhubesi. Bekalibhubesi lelincane futsi wafundza kuhlahlabula bahlukubeti bakhe; wadla nebantfu. ⁷ Wavala emafasitelo abo futsi wamosha emadolobha abo. Lelive nekugcwala kwalo lalahlwa ngenca yemsindvo wekubhodla khwakhe. ⁸ Kodvwa letive teta tamelana naye kusuka emacentselweni etifundza; bendlala emanethi etukwakhe. Wabambeka egibeni lwabo. ⁹ Ngemahhuka bambeka ejele futsi bamletsa eNkhosini yaseBhabhiloni. Bamletsa kutiphatsimandla kuze livi lakhe lingevakali etintsabeni taka Israyeli. ¹⁰ Unyoko wakho bekafana nesihlahla semvini engatini yakho lebesihlanyelwe ngasemantini. Besitsela kakhulu futsi sinemagala lalamanyenti ngenca yemanti lamanengi. ¹¹ Betinemagala lacinile labetayele kuphatfwa, tindvuku tekuphatfwa, futsi bukhulu bato tatingetulu kwemagala, futsi nebudze bato bebubonakala ngebukhulu bemacembe aso. ¹² Kodvwa lomvini wasuswa ngekutfukutsela futsi wajikwa phansi emhlabeni, futsi umoya wasemphumalanga womisa titselo tato. Emagala awo lacinile agamuka futsi abuna adliwa ngumlilo . ¹³ Ngako nyalo kuhlanyelwe ehlandzeni, endzaweni yesomiso nekoma. ¹⁴ Ngobe umlilo waphuma emagaleni akhe lamakhulu futsi wadla titselo tato. Kute ligala lelicinile kulo, kute indvuku yekubusa.' Lesi sililo futsi siyawuhlatjelwa njengesililo.''